Njé gə́ Rɔmə 8:29 - Maktub gə́ To gə Kəmee

²⁹ Mbata deḛ gə́ yeḛ ɔr dee unda dee gə kəmee kédé lé yeḛ nja wɔji dee mée’g tɔ gə mba kar dee d’ɔr ne rɔ Ŋgonee pai-pai, ɓó gə mba kar Ŋgonee lé to gə́ ŋgondəree mbuna ŋgako̰ na̰je’g bula.

Njé gə́ Rɔmə 8:29 ပူးပေါင်းရင်းမြစ်များ

Pakɔsje 1:6

Mbata njémeekarabasurje lé Njesigənea̰ gər rəw-kaw dee ya, Nɛ rəw-kaw njékaiyaje lé Ɔm dee loo gə́ d’a gə tuji keneŋ pugudu.

Pakɔsje 89:27

Yeḛ lé a ɓar rim pana: Ma m’to Bɔ neḛje Ala ləm, Ma m’to biri mbal lə neḛ gə́ neḛ n’aji ne ləm tɔ.

Teḛ-Raga 33:12

Moyis ula Njesigənea̰ pana: Aa oo, i ulam pana: M’ar dəwje neelé d’ḭ d’aw! Nɛ i am m’gər yeḛ gə́ i a gə kulá səm na̰’d lé el. Lé bèe kara i pana: I gərm gə rim ləm, m’taa kəmi rəgm ləm tɔ.

Teḛ-Raga 33:17

Njesigənea̰ ula Moyis pana: M’a ra né gə́ i dəjim neelé ya mbata i taa kəm rəgm ləm, ma m’gəri gə rii-i ləm tɔ.

Jeremi 1:5

Loo gə́ i nai dan məs’g mee kɔinje’g ya ɓəi lé Ma m’gəri, Kédé ɓa gə mba kar dee d’oji ɓəi lé Ma m’undai gə kəmee ləm, Ma m’undai gə́ njetegginta lə ginkoji dəwje gə raŋg ləm tɔ.

Matiyo 12:50

Mbata nana ɓa gə́ ra torndu Bɔm gə́ si dan dara’g dana bab ndá yeḛ ɓa gə́ ŋgokɔm ləm, gə kɔnanəm ləma, gə kɔmje ləm tɔ.

Matiyo 25:40

Mbai lé a tel kila dee keneŋ pana: Ma m’ula sí təsərə, loo gə́ rara gə́ seḭ raje néje gə́ togə́bè keneŋ gə dəw kára gə́ nai gɔ mbuna ŋgakɔmje’g neelé ndá ma nja raje səm kən tɔ.

Matiyo 28:10

Togə́bè Jeju ula dee pana: Ɓəlje el, aw ulaje ŋgakɔmje ar deeje d’aw Galile ɓa d’a kila kəm dee dɔm’g keneŋ ɓəi.

Matiyo 7:23

Yen ŋga m’a kula dee kəm dəwje’g təsərə pana: Ɔdje tam’g gə́ raŋg, seḭ lai gə́ toje njéra némajelje lé, kəm kara m’ila dɔ sí’g ndɔ kára bèe el.

Tagə́maji gə́ Ja̰ ndang 17:16

Deḛ to ka̰ naŋg nee el to gə́ ma kara m’to ka̰ naŋg nee el tɔ.

Tagə́maji gə́ Ja̰ ndang 17:19

Ma lé m’ɔr rɔm m’unda gə kəmee mbata lə dee mba kar kankəmta gə́ to meḛ dee’g lé a kɔr dee kunda dee-deḛ nja gə kəmee bèe ya tɔ.

Tagə́maji gə́ Ja̰ ndang 17:26

Ma m’riba sə dee dɔ rii mba̰, nɛ m’a tel riba sə dee ya ɓəi to mba kar meenoji gə́ i undam ne dan kəmi’g lé a to meḛ dee’g ləm, ma kara m’a kɔm sə dee na̰’d téréré ya ləm tɔ.

Tagə́maji gə́ Ja̰ ndang 20:17

Jeju tel ilá keneŋ pana: Ɔrɔ rɔm el, mbata m’ḭ m’aw rɔ Bɔm’g el ɓəi. Nɛ ɔd aw iŋga ŋgabɔmje ula dee: M’isi m’aw gə́ rɔ Bɔm gə́ to Bɔ síje lé ləm, m’isi m’aw gə́ rɔ Ala’g lé ləm gə́ to Ala lé lə sí ləm tɔ.

Njé gə́ Rɔmə 11:2

Dəwje ləa gə́ yeḛ gər dee kédé lé Ala unda dee ɓad el. See seḭ gərje el wa. Maktub gə́ to gə kəmee ɔr sor Eli loo gə́ yeḛ no̰ no̰ nee dɔ Israɛlje’g pana:

Njé gə́ Rɔmə 13:14

Nɛ Mbaidɔmbaije Jeju Kristi ɓa ulaje rɔ sí’g. Tɔsje kəm sí dɔ darɔ sí’g bao-bao mba kar mal néje gə́ ɓəd-ɓəd gə́ ra sí lé ula sí na̰’d el.

Njé gə́ Rɔmə 9:23

əsé ɓó lé yeḛ ndigi kar dee gər boo-ronduba ləa mbata lə joje gə́ nojikwa wɔji dɔ deḛ gə́ yeḛ nja wa dɔ gɔl dee gə mba kar dee d’iŋga ne rɔnduba lé see ta ɗi ləi to keneŋ wa.

1 Njé gə́ Kɔrḭtə 15:49

To gə́ kédé lé jeḛ kara j’unda rɔ dəw gə́ naŋg neelé ndá j’a kunda rɔ dəw gə́ dara lé nja togə́bè ya tɔ.

1 Njé gə́ Kɔrḭtə 2:7

Kəmkàr lə Ala gə́ to loo-kiya’g kɔrɔg ɓa jeḛ ndoo sí. Kəmkàr neelé Ala nja wɔji kédé par-par ɓad ɓa d’un kudu tura ləb dee ɓəi gə mba kula ne rɔnduba dɔ sí’g ya.

1 Njé gə́ Kɔrḭtə 8:3

Nɛ ɓó lé dəw kára unda Ala dan kəmee’g ndá Ala gər ndiaa tɔ.

2 Njé gə́ Kɔrḭtə 3:18

Jeḛ lai gə́ kəm sí to jəgəgə ar sí n’tən ne rɔnduba lə Mbaidɔmbaije asəna gə dəw gə́ oo kəmee tatara’g bèe lé jeḛ n’tel n’tanaje ne səa pai-pai, n’tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g ya.

Njé gə́ Epesə 1:11

Mbɔl dɔ Kristi lé ɓa jeḛ n’tel n’to ne nédɔji ləa gə goo kuma̰ gə́ yeḛ nja kuma̰ sí mée’g kédé gə́ dɔtar, yeḛ nja ɓa unda ne néje lai gə goo nduree-nduree to gə́ mée wɔji

Njé gə́ Epesə 4:24

mba kar dəw gə́ sigi gə́ ɔr rɔ Ala ɓa seḭ ulaje rɔ sí’g ləm tɔ, yee ɓa wɔji dɔ meekarabasur gə meenda gə́ kankəmta ɓa oji dee.

Njé gə́ Pilibə 3:21

Rɔ sí gə́ wa kor kor-kor lé yeḛ nja ɓa a telee karee nduba raŋg-raŋg asəna gə kea̰-yeḛ gə goo siŋgamoŋ ləa gə́ yeḛ dum ne dɔ néje lai lé ya.

Njé gə́ Kolosə 3:10

ndá dəw gə́ sigi ɓa seḭ ulaje rɔ sí’g ya. Dəw gə́ sigi lé négər ləa ḭ mbaḭ-mbaḭ gə́ kédé-kédé aree tel to tana gə njekṵdá.

2 Timote 1:9

Yeḛ nja aji sí ləm, yeḛ ɓar sí ləm tɔ mba kar sí n’ra kula gə́ to gə kəmee ɓəd. Néra sí ɓa, yeḛ ɔr sí ne gə mbəa el nɛ to gə goo né gə́ yeḛ nja wɔji-kwɔji mée’g ləm, to gə goo noji gə́ yeḛ wa sə sí gin Jeju Kristi ɓad ɓa yeḛ tum ne gin naŋg nee ɓəi ləm tɔ.

2 Timote 2:19

Nɛ ta gə́ Ala tum ginee lé kiriŋ naŋg kiriŋ-kiriŋ. Tor jia ɓa to ta nee gə́ deḛ ndaŋg kédé lé pana: Mbaidɔmbaije gər dee gə́ to kea̰je gao. Tɔɓəi pa ya ɓəi pana: Maji kar nana ɓa gə́ ɓar ri Mbaidɔmbaije ndá unda rəa ɓad dɔ néje gə́ ndɔji pɔdɔdɔ’g.

1 Piɛrə 1:2

deḛ gə́ Ala Bɔ síje kuma̰ dee mée’g mbər dee ləm, gə Ndil kara ɔr dee kəmee’g, mbər dee ne ləm tɔ, mba kar dee d’ila ŋgonkoji dɔ Jeju Kristi’g mba kar məsee gə́ saa dɔ naŋg neelé wɔji dɔ dee-deḛ ya. Maji kar noji gə meelɔm uru na̰ gə gɔlee gə́ dɔ sí’g dɔ sí’g.

1 Piɛrə 1:20

Ala nja ɔree ar sí mba̰ ɓa yeḛ tum gin naŋg nee ɓəi ləm, ndɔ gə́ rudu neelé yeḛ riba dəa mbata lə sí ləm tɔ.

1 Ja̰ 3:2

Seḭ gə́ m’unda sí dan kəm’g lé jeḛ sə síje n’toje ŋgan-Alaje ɓasinè ya. See rɔ sí a tel to gə́ banwa. Yee ɓa to raga pai-pai el ɓəi, nɛ jeḛ n’gər gao loo gə́ yeḛ a teḛ wai ndá j’a to tana səa pai-pai ya mbata j’a kée gə́ dəw gə́ bèe lé ya.

Loo gə́ killa rea kəm Ja̰’g 13:8

Dəwje lai gə́ d’isi dɔ naŋg nee lé deḛ gə́ ri dee godo mee maktub kəmə’g lə Ŋgonbad gə́ d’inja gə́ məs un kudee mee ndəa gə́ Ala tum ne gin naŋg nee lé ndá d’a kwá meḛ dee’g sud.