Njé gə́ Rɔmə 8:26 - Maktub gə́ To gə Kəmee

²⁶ Togə́bè ɓa Ndilmeenda ɓa ree la sə sí loo rəm’g lə sí ya mbata loo ra tamaji’g lə sí lé jeḛ n’gər né gə́ kəm kwɔiyee el. Nɛ Ndil nja ɓa ra rəwta lə sí gə ta gə́ dum pa ar sí.

Njé gə́ Rɔmə 8:26 ပူးပေါင်းရင်းမြစ်များ

Maktub gə́ wɔji dɔ Jɔb 37:19

Maji kari ar sí n’gər né gə́ kəm kar sí j’ulá, Jeḛ n’to njénégərelje gə́ yaa̰ ɓó j’askəm kulá ta el.

Pakɔsje 10:17

Ǝi Njesigənea̰, i oo ndu ndiŋga rɔ lə deḛ gə́ né ula kəm dee ndòo lé. I orè meḛ dee més ləm, I tuga mbii oo ne ta lə dee ləm tɔ

Pakɔsje 102:20

Mbata yeḛ si loo ləa gə́ to tar sab gə́ wɔji dɔ meenda ləa Aa ne loo gərərə ləm, Njesigənea̰ lé si sém dara gə́ tar nu ya Ila kəmee oo ne loo gə́ dɔ naŋg nee ləm tɔ

Pakɔsje 102:5

Meem o̰ pər tudu kurum-kurum to gə́ mu bèe, Nésɔm kara məəm unda pudum dɔ’g.

Pakɔsje 6:3

Njesigənea̰, maji kari oo kəm lootondoo’g Mbata siŋgam godo. Njesigənea̰, maji kari ɔr rɔko̰ lé rɔm’g. Mbata rɔmje lai unda bala tigi-tigi.

Pakɔsje 6:9

Seḭ lai gə́ toje njéra némajelje lé Ɔdje tam’d gə́ raŋg, Mbata Njesigənea̰ oo ndu no̰ ləm ya.

Pakɔsje 69:3

Ma lé m’ur dan bɔrɔ dubu’g Ar loo kam m’uba gə mba kaar ne tar lé godo. Ma lé m’oso dan ɓul mán gə́ ɓiri’g Ar paŋgəm manee dəs dɔm’g.

Nɔ̰-ndôo gə́ wɔji dɔ Jerusalem 3:56

I oo ndu no̰ ləm gə́ m’no̰ ne m’pana: Maji kari udu mbii dɔ ndu no̰’g ləm Gə́ m’tuma̰ ne ŋgururu-ŋgururu lé el.

Jakari 12:10

Tɔ ɓəi n’a kar ndil gə́ ka̰ noji ləm, gə́ ka̰ ra ndòo ləm tɔ ɔm dɔ gel-bɔje’g lə Dabid ləm, gə dɔ njé gə́ Jerusalem’g ləm tɔ. Ndá d’a tel kəm dee gə́ rɔ neḛ-neḛ’d gə́ d’ɔs neḛ gə niŋga lé. D’a no̰ no̰ neḛ’g to gə́ no̰ ne ŋgon kára lə kea̰ bèe ləm, d’a no̰ sii mbigi-mbigi to gə́ no̰ ne ŋgondər bèe ləm tɔ .

Matiyo 10:20

Ta gə́ seḭ a gə kɔrje lé Ndil Bɔ síje ɓa a kar taree kinja na̰ meḛ sí’g budu-budu ya.

Matiyo 20:22

Jeju tel ila dee keneŋ pana: Né gə́ seḭ dəjimje lé seḭ gərje kilá el nja ɓəi. See seḭ asje kəm kaije né gə́ mee ŋgo-kai-mán gə́ m’a gə kai lé wa. Deḛ ndigi ta Jeju’g pana: Jeḛ j’askəm kai ya.

Lugu 22:44

Loo gə́ yeḛ to ndur rəa ndá yeḛ to ta Ala’g pəgə-pəgə, ar mán təd gə́ rəa’g teḛ kas asəna gə məs gə́ ndəi ɗəŋ-ɗeŋbèe.

Tagə́maji gə́ Ja̰ ndang 14:16

Ma lé m’a ra tamaji ta Bɔ-dəwje’g mba karee ar sí njenai sə sí gə́ raŋg mba karee orè sí més gə no̰.

Njé gə́ Rɔmə 15:1

Jeḛ gə́ siŋga sí to kɔgərɔ ɓəi lé maji kar sí n’laje gə njémeembɔréje loo rəm’g lə dee ɓó n’saŋgje rɔlel gə́ wɔji dɔ sí gə kar sí el.

Njé gə́ Rɔmə 7:24

Ma lé m’to dəw gə́ daŋ’d ŋga! See na̰ ɓa a kwa yoo gə́ rɔm’g neelé kɔree kam wa.

Njé gə́ Rɔmə 8:15

Seḭ taaje ndil ka̰ ɓər gə mba si ne dan ɓəl’g el, nɛ seḭ taaje Ndil gə́ ka̰ ŋgon-ɓaa, yee ɓa jeḛ j’ila ne ndu sí naŋg wəl m’pana: Aba! Bai!

2 Njé gə́ Kɔrḭtə 5:2

Togə́bè ɓa kəi-surum neelé jeḛ j’wa mḭ n’tuma̰ keneŋ ŋgururu-ŋgururu, nɛ mal kəi-si sí gə́ dara lé ra sí ŋgwɔd-ŋgwɔd

2 Njé gə́ Kɔrḭtə 5:4

Mbata loo gə́ jeḛ naije kəi-surum’g ɓəi lé jeḛ j’wa mḭ n’tuma̰ keneŋ ŋgururu-ŋgururu asəna gə dəw gə́ odo nékodo gə́ wɔi bèe, mbata jeḛ ndiŋga rɔ sí mba bɔr dɔ sí yeḛ gə́ ləw’g mbɔji el nɛ mba kiŋga yeḛ gə́ sigi. Bèe ɓa rɔ sí gə́ a gə kunda naŋg lé kəmə gə́ sigi a ko̰ bia̰ dɔ’g réd kudu.

Njé gə́ Galati 4:6

Ala nja ula Ndil Ŋgonee meḛ sí’g mbata jeḛ n’to ŋganeeje, yee ɓa yeḛ pa gə ndia wəl pana: Aba! Bɔm.

Njé gə́ Epesə 2:18

Mbata mbɔl dəa ɓa jeḛ joo bɔr jeḛ j’oo ne loo kaw pər gə́ rɔ Bɔ síje’g gin Ndil’g loo kára ba tɔ.

Njé gə́ Epesə 6:18

Kàr gə́ rara kara raje tamaji dɔ néje’g lai ləm, raje ne mbai ta Ala’g gə goo Ndil gə́ to meḛ sí’g lé ləm tɔ. Sije dɔ kəji sí’g kəgəgə aije ne meḛ sí sam-sam raje mbai ta Ala’g mbata lə deḛ gə́ to gə kəmee lai ya.

Ǝbrəje 4:15

Mbata ŋgɔ-njekinjanéməs lə sí lé askəm gər gin rəm lə sí gao ya mbata yeḛ si dan nékərje gə́ gə ria-ria to gə́ ra sí lé nɛ yeḛ tibi ne mbɔr kaiya el.

Ǝbrəje 5:2

Yeḛ oo loo mba gaŋg no̰ kəm deḛ gə́ to njérəmje ləm, gə deḛ gə́ ndəm ləm tɔ mbata yeḛ kara sí loo rəm’g tɔ.

Maktub gə́ Jak ula ne ar ngan-Allaje 4:3

Seḭ kwɔiyeeje nɛ seḭ iŋgaje el mbata seḭ kwɔiyeeje kəmee’g el, seḭ kwɔiyeeje gə mba tɔl ne malee gə́ ra sí ɓa.