Njé gə́ Rɔmə 8:23 - Maktub gə́ To gə Kəmee

²³ Deḛ neelé ɓa gə kar dee el, nɛ jeḛ gə́ j’isi gə Ndil gə́ tɔl meḛ sí bujuru lé kara jeḛ m’tuma̰ ŋgururu-ŋgururu sə dee na̰’d, ŋgina ne ndɔ gə́ Ala a kuga dɔ darɔ sí tel sí ne gə́ ŋgan ɓaaje ləa.

Njé gə́ Rɔmə 8:23 ပူးပေါင်းရင်းမြစ်များ

2 Sôrta Gḭka Israɛlje 31:5

Loo gə́ d’ila mber ndukun neelé ndá Israɛlje d’un ta nékiŋgaje lə dee gə́ dɔtar yaa̰ gə́ to kó ləm, gə mán-nduú gə́ sigi ləm, gə ubu ləm, gə ubu tə̰ji ləma, gə kandə néndɔje lai ləm tɔ, deḛ ree gə ta néje lai gə́ dɔg ɓa kun təa kára-kára kar lé yaa̰ tɔ.

Lugu 20:36

Yoo a ɓar ri dee el ŋga mbata d’a to kasəna gə kuraje gə́ dara ləm, d’a to ŋgan-Alaje mbata to gə́ deḛ to ne ŋgan njéteḛ loo-yoo’gje ləm tɔ.

Lugu 21:28

Loo gə́ néje neelé d’a gə kun kudu teḛ ndá ndɔjije rɔ sí ɔrje dɔ sí gə́ tar mbata ndɔ kar sí a gə kɔrje dɔ sí kúla lé sí ree dəb ŋga.

Njé gə́ Rɔmə 5:11

To yee gə́ nee ɓa el, nɛ mbɔl dɔ Mbaidɔmbaije Jeju Kristi gə́ njekɔm sí na̰’d yəg lé ɓa jeḛ ndá ne meḛ sí kaḭ dɔ Ala’g tɔ.

Njé gə́ Rɔmə 5:3

Tɔɓəi j’isi gə meendakaḭ dan némeeko̰’g mbata jeḛ n’gər gao némeeko̰ lé tel meekila ləm,

Njé gə́ Rɔmə 5:5

Meekundayel lé a kɔd sí rɔm el mbata mbɔl dɔ Ndilmeenda gə́ Ala ar sí lé meenoji lə Ala rusu meḛ sí njḭ-njḭ.

Njé gə́ Rɔmə 7:24

Ma lé m’to dəw gə́ daŋ’d ŋga! See na̰ ɓa a kwa yoo gə́ rɔm’g neelé kɔree kam wa.

Njé gə́ Rɔmə 8:19

Yee ɓa nékundaje lə Ala lai ŋgina ndɔ kila rɔ lə ŋgan-Alaje lé kərm.

1 Njé gə́ Kɔrḭtə 1:7

Togə́bè ɓa, loo gə́ seḭ sije pèrèrè ŋginaje ndɔ rɔnduba lə Mbaidɔmbaije lə sí Jeju Kristi lé ndá nénoji gə́ wɔji dɔ sí kára kara lal sí el.

2 Njé gə́ Kɔrḭtə 1:22

Yeḛ ɔr sí unda sí gə dɔ jia ar sí ndilee gə́ nétorjia tɔl ne meḛ sí bém.

2 Njé gə́ Kɔrḭtə 7:5

Tɔgərɔ ya, un kudee mee ndəa gə́ jeḛ n’teḛ Masedoinə lé j’oo loo kwa rɔ sí ndɔ kára kara el. Néje ɓəd-ɓəd ɔs kaar sí: rɔ to né gə́ raga ləm, ɓəl to né gə́ meḛ sí’g ləm tɔ.

Njé gə́ Galati 5:5

Jeḛ ɓa yḛ̀, mbɔl dɔ Ndil ɓa j’un ne meḛ sí j’unda ne meḛ sí yel, ŋgina ne loo meekarabasur lé ya.

Njé gə́ Epesə 1:14

Ndilmeenda lé to ta nédɔji lə sí gə́ jeḛ n’taa dɔtar gə́ wɔji dɔ kuga gə́ Ala uga ne dɔ deḛ gə́ yeḛ wa dee gə́ kea̰ lé gə mba pidi ne rɔnduba ləa.

Njé gə́ Epesə 4:30

Ndilmeenda lə Ala gə́ ɔr sí unda sí gə kəmee gə dɔ jia saar kar ndɔ kuga sí a teḛ lé ulaje kəmee ndòo el.

Njé gə́ Epesə 5:9

Mbata meemaji gə́ gə ria-ria ləm, gə meekarabasur ləma, gə kankəmta ləm tɔ lé yee ɓa gə́ kandə lookàr ya.

2 Timote 4:8

Un gelee ɓogənè saar lé dɔgugu ka̰ meekarabasur gə mba kam to gən ya. Mbaidɔmbaije gə́ njegaŋgta gə goo rəbee lé yeḛ nja ɓa a karm mee ndəa’g neelé, a karm-ma ɓa gə karm el nɛ a kar deḛ lai gə́ to yée d’unda meḛ dee dɔ ndɔ ree’g ləa pèrèrè lé tɔ.

Titə 2:13

Yee ɓa meḛ sí lel sí ar sí j’unda ne meḛ sí yel ŋgina ne ndɔ ndubarɔ lə Ala gə́ boo gə ka̰ Jeju Kristi, njekaji sí lé tɔ.

Ǝbrəje 9:28

togə́bè ɓa Kristi kara wəi gɔl kára ba kiao gə́ ŋgaŋgee to mba kodo ne kaiyaje lə dəwje bula. Loo ree ləa gə́ gɔl joo lé yeḛ a ree mba kaji deḛ gə́ ŋginá pèrèrè lé ɓó mba taa kaiya le dee el ŋga.

1 Piɛrə 1:7

mba kar né gə́ naa sí waga lé unda ne rɔ meekun lə sí ar dee d’oo. Meekun lə sí gə́ gadee ur dɔ ka̰ larlɔr gə́ naa dan pər’d nɛ a kunda naŋg ɓəi lé ndɔ gə́ Jeju Kristi a kunda loo teḛ ndá a tel to népidi sí ləm, gə né kula rɔnduba dɔ sí’g ləma, gə né kila riɓar dɔ sí’g ləm tɔ.

1 Ja̰ 3:2

Seḭ gə́ m’unda sí dan kəm’g lé jeḛ sə síje n’toje ŋgan-Alaje ɓasinè ya. See rɔ sí a tel to gə́ banwa. Yee ɓa to raga pai-pai el ɓəi, nɛ jeḛ n’gər gao loo gə́ yeḛ a teḛ wai ndá j’a to tana səa pai-pai ya mbata j’a kée gə́ dəw gə́ bèe lé ya.