Njé gə́ Rɔmə 8:21 - Maktub gə́ To gə Kəmee

²¹ Deḛ d’unda meḛ dee yel ŋgina ne ndɔ gə́ d’a kɔr dɔ dee kúla ji ɓər gə́ kó dee tɔ ne ká-ká lé mba nduba ne rɔ dee raŋg-raŋg gə ŋgan-Alaje na̰’d.

Njé gə́ Rɔmə 8:21 ပူးပေါင်းရင်းမြစ်များ

Néra Njékaḭkulaje 3:21

Yeḛ neelé a ra ɓee dara saar ndɔ gə́ d’a tel gɔl néje lai lée’g gogo gə goo ta gə́ Ala ula ta njéteggintaje’g ləa gə́ to gə kəmee lé.

Njé gə́ Rɔmə 8:19

Yee ɓa nékundaje lə Ala lai ŋgina ndɔ kila rɔ lə ŋgan-Alaje lé kərm.

Njé gə́ Rɔmə 8:30

Deḛ gə́ yeḛ wɔji dee mée’g kédé lé yeḛ ɓar dee ləm, deḛ gə́ yeḛ ɓar dee lé yeḛ ɔr ta dɔ dee’g ləma, deḛ gə́ yeḛ ɔr ta dɔ dee’g lé yeḛ ula rɔnduba dɔ dee’g ləm tɔ.

1 Njé gə́ Kɔrḭtə 15:42

To kára ba asəna gə deḛ gə́ d’a gə teḛ dan njé gə́ d’wəi’g, darɔ dee gə́ dubu lé to né gə́ a gə kunda naŋg ndəs, nɛ teḛ gə́ d’a gə d’a kunda loo teḛ lé d’a teḛ gə rɔ dee gə́ a gə kunda naŋg ndəs el ŋga.

Ǝbrəje 12:27

Ta gə́ yeḛ pa pana: Gɔl kára tɔɓəi lé wɔji dɔ ndɔ gə́ yeḛ a kɔr néje gə́ unda deḛ gə́ yə lé ndá a kar néje lai gə́ lal yə lé nai keneŋ.

2 Piɛrə 3:13

Nɛ jeḛ lé jeḛ ŋgina dara gə́ sigi ləm, gə naŋg gə́ sigi gə́ meekarabasur a kur kəi keneŋ, jeḛ ŋgina gə goo ndukun ləa gə́ yeḛ un ar sí lé.

Loo gə́ killa rea kəm Ja̰’g 21:1

Tɔɓəi ma m’oo dara gə́ sigi ləm, gə naŋg gə́ sigi ləm tɔ, mbata dara gə́ dɔtar gə naŋg gə́ dɔtar lé deḛ godo ləm, baa-boo-kad kara godo ləm tɔ.