Njé gə́ Rɔmə 7:9 - Maktub gə́ To gə Kəmee

⁹ Ma nja ləw lé m’isi m’lal godndu lé kara m’isi kəmba ya tɔ. Nɛ loo gə́ godndu lé teḛ mba̰ ndá kaiya lé tel si kəmba ŋga, ma lé ɓa m’tel m’wəi ne tɔ.

Njé gə́ Rɔmə 7:9 ပူးပေါင်းရင်းမြစ်များ

Pakɔsje 40:12

I Njesigənea̰ lé a kɔgm meekaw taḭ-taḭ ləi el, Meemaji ləi gə meenda londoŋ ləi lé d’a gədm ta-ta ya.

Matiyo 19:20

Basa neelé tel ilá keneŋ pana: Néje nee lai lé ma m’tɔs kəm dɔ’g bao-bao ya. Yee gə́ ra tɔɓəi ɓa lalm ɓəi wa.

Lugu 15:29

Nɛ yeḛ ila bɔbeeje’g pana: Aa oo, ma lé m’isi səi ləbm bula-bula m’ra kula m’ari ləm, ndɔ kára kara m’al ta tai’g bèe el ləm tɔ. Nɛ ŋgon bya̰ kára kara i am gə mba kar baokuraje ləm ra ne səm rɔlel bèe el.

Lugu 18:21

Dəw neelé tel ilá keneŋ pana: Loo gə́ m’nai basa ɓəi ya, ma m’tɔs kəm goo néje gə́ nee lai m’ra saar ɓasinè.

Njé gə́ Rɔmə 10:5

Tɔgərɔ ya Moyis ɔr gin meekarabasur gə́ godndu wɔji lé pana: Dəw gə́ ra née ndá a si ne kəmba ya.

Njé gə́ Rɔmə 7:10

Togə́bè ɓa godndu gə́ a gə kar dəw ur loo gə́ a gə si gə kəmə lé keneŋ ndá ɔrm ilam ta yoo’g ɓa.

Njé gə́ Rɔmə 7:11

Mbata mbɔl dɔ godndu lé kaiya iŋga ne loo mba kərm ne ndá godndu lé am m’wəi ne tɔ.

Njé gə́ Rɔmə 7:4

Togə́bè, ŋgakɔmje, kwəi gə́ seḭ wəije gə Kristi na̰’d lé ta godndu ɔr dɔ sí’g mba kar sí sije ne kəmba mbata lə dəw gə́ raŋg, yeḛ gə́ teḛ dan njé gə́ d’wəi’g, ɓó gə mba kar sí j’andə ne gə kandə sí gə́ maji mbata lə Ala ya.

Njé gə́ Rɔmə 7:6

Ɓasinè, jeḛ gə́ j’oo rɔ sí gə́ yoo-dəwje gin godndu gə́ ila sí kag lé ndá j’ɔr dɔ sí keneŋ gə mba ra né gə goo rəw gə́ sigi gə́ to ka̰ ndil lé ɓó gə goo rəw gə́ ləw gə́ ka̰ maktub gə́ ŋgisi lé ɓa el.

Njé gə́ Rɔmə 7:8

Godndu lé nja ɓa ar kaiya wa ne loo to məəm’g, ar mal néje gə́ ɓəd-ɓəd ram ne, mbata ɓó lé godndu godo ndá kaiya a to né gə́ wəi.

Njé gə́ Rɔmə 8:7

Yeḛ gə́ wa goo rəa dɔ darɔ’g ndá yeḛ wa ba̰ gə Ala, mbata darɔ lé oso kul dɔ godndu Ala’g lé el mbata asəna̰’d aree el.

Njé gə́ Galati 2:19

mbata mbɔl dɔ godndu lé ɓa m’to ne yoo-dəw ginee’g mba karm m’tel m’isi kəmba mbata lə Ala lé.

Njé gə́ Galati 3:10

Deḛ lai gə́ d’ula rɔ dee loo néra godndu’g lé ndɔl yoo nai dɔ dee’g ya, mbata deḛ ndaŋg taree pana: Nana ɓa gə́ aa dɔ néje lai gə́ deḛ ndaŋg mee maktub godndu’g lé kər-kər el ləm, lal ra née ləm tɔ ndá ndɔl yoo nai dəa’g ya.