Njé gə́ Rɔmə 7:7 - Maktub gə́ To gə Kəmee

⁷ See j’a pa ban tɔɓəi wa. See godndu lé to kaiya wa. Wah! bèe el. Né ɓó lé godndu godo ndá kəm a kinja dɔ kaiya’g el. Mbata ɓó lé godndu pana: I a ra kəmkəḭ dɔ né’g lə mari el, ndá m’a koo loo gər nékəmkəḭ el tɔ.

Njé gə́ Rɔmə 7:7 ပူးပေါင်းရင်းမြစ်များ

Gḭ-Néje 3:6

Dené lé oo to gə́ kag lé to maji kəm sɔ ləm, taa kəmee rəgm ləma, to maji kəm kar dee gosɔkəmkàr ləm tɔ ndá yeḛ ti ka̰dee sɔ. Tɔɓəi yeḛ ya̰ ar ŋgabeeje gə́ aar mbɔree’g ndá yeḛ sɔ səa tɔ.

2 Samel 11:2

Kàrkemetag gə́ kára bèe ndá Dabid ḭ loo-tée’g. Loo gə́ yeḛ aw njaa dɔ kəi’g ləa gə́ tar gə́ to kəi-mbai lé ndá yeḛ oo dené kára gə́ aar ndogo mán, yeḛ to dené gə́ ma̰də yaa̰ tɔ.

Pakɔsje 119:96

Néje lai gə́ maji d’ɔr njal lé M’oo rəw-nim dee to gən ya, Nɛ godnduije lé rəw-nim dee godo.

Teḛ-Raga 20:17

I a ra kəmkəḭ dɔ kəi’g lə mari el, i a ra kəmkəḭ dɔ dené’g lə mari el ləm, a ra kəmkəḭ dɔ kura’g ləa gə́ diŋgam əsé yeḛ gə́ dené’g, əsé dɔ maŋg’g ləa əsé dɔ mulayḛ̀je’g ləa əsé dɔ né gə́ rara gə́ to ka̰ mari nja doŋgɔ lé i a ra kəmkəḭ dɔ’g kára bèe el ləm tɔ.

Misee 2:2

Deḛ ra kəmkəḭ dɔ ndɔje’g ndá Deḛ taa dɔ buguru’g ləm, Gə dɔ kəije’g ndá D’odo néje gə́ keneŋ dɔ buguru’g ləm tɔ. Deḛ ra né gə́ kərm-kərm gə dəw gə njemeekəije ləa ləm, Buguree gə nénduba ləa na̰’d ləm tɔ.

Matiyo 5:28

Nɛ ma nja m’ula sí, nana ɓa gə́ aa dené gə kəmnda ilá pad ndá mée ndalee jəgm mba̰.

Lugu 12:15

Tɔɓəi yeḛ tel təa ula dee pana: Undaje rɔ sí ɓad dɔ nékəmkəḭ gə́ rara kara, mbata nékiŋga gə́ dəw sí danee’g bèdèg ɓa gə́ kuma̰ karee si ne gə kəmə lé el.

Lugu 20:16

Yeḛ a kḭ ree kar njéndəaje lé d’udu guduru ndá a kwa ndɔ-nduú lé gə mba kar njé gə́ raŋg ndɔ keneŋ. Loo gə́ deḛ d’oo ta neelé mba̰ ndá deḛ pana: Maji kar Ala ar né gə́ togə́bè lé teḛ el nja.

Néra Njékaḭkulaje 20:33

Ma lé larnda əsé larlɔr əsé kubu lə dəw kára kara malee ram el.

Njé gə́ Rɔmə 13:9

Tɔgərɔ ya, godndu gə́ pana: I a ndal mɔdkaiya el ləm, i a tɔl dəw el ləm, i a ɓogo el ləma, i a raje kəmkəḭ el ləm tɔ lé godnduje neelé ləm, gə ges dee gə́ nai ləm tɔ lé deḛ mbo̰ na̰’d loo kára ba pana: I a kunda mari dan kəmi’g to gə́ i ra ne gə rɔi bèe tɔ.

Njé gə́ Rɔmə 3:20

Mbata godndu lé dəw kára kara a kɔr ne ta dəa’g no̰ Ala’g el, mbata mbɔl dɔ godndu lé ɓa kəm dəwje inja ne dɔ kaiya’g.

Njé gə́ Rɔmə 3:5

Nɛ ɓó lé néra sí gə́ gə dɔ najee el lé a kila meekarabasur lə Ala lé kɔd ndá see ta ɗi ɓa j’a pa wa. Ala lé loo gə́ yeḛ kila oŋg ləa gə́ raga ndá see a to njera né gə́ to gə dɔ najee el wa. (Ma m’pa gə goso tapa lə dəwje ya.)

Njé gə́ Rɔmə 4:1

See j’a pa ban dɔ Abrakam gə́ to ka síjeḛ gə́ wɔji dɔ darɔ sí lé wa. See ɗi ɓa yeḛ iŋga wa.

Njé gə́ Rɔmə 4:15

Mbata godndu lé ɔs gel oŋg lə Ala, tɔɓəi loo gə́ godndu godo keneŋ ndá kalta kara godo keneŋ tɔ.

Njé gə́ Rɔmə 5:20

Godndu Moyis lé ree gə mba kila kalta gə́ raga kɔd, nɛ loo gə́ kaiya kila rəa keneŋ ndá noji ɓa turu dəa pubug

Njé gə́ Rɔmə 6:15

See ɗi tɔɓəi wa. See j’a ra kaiya mbata kisi gə́ j’isi gin godndu’g el nɛ j’isi gin noji’g lé wa. Wah! bèe el.

Njé gə́ Rɔmə 7:11

Mbata mbɔl dɔ godndu lé kaiya iŋga ne loo mba kərm ne ndá godndu lé am m’wəi ne tɔ.

Njé gə́ Rɔmə 7:13

Né gə́ maji lé see tel to gə́ né yoom wa. Wah! bèe el. Nɛ kaiya ɓa un né gə́ maji telee gə́ né yoom mba riba ne dɔ kaiya pərəg. Yee ɓa mbɔl dɔ godndu lé ɓa kaiya tel to gə́ né gə́ dum ya.

Njé gə́ Rɔmə 7:5

Tɔgərɔ ya, loo gə́ jeḛ nai gin darɔ’g ɓəi lé ndá mal ra kaiya gə́ godndu kila gel dee lé taa rɔ sí yéŋgé-yéŋgé ar sí j’andə ne gə kandə sí gə́ ka̰ yoo ya tɔ.

Njé gə́ Rɔmə 7:8

Godndu lé nja ɓa ar kaiya wa ne loo to məəm’g, ar mal néje gə́ ɓəd-ɓəd ram ne, mbata ɓó lé godndu godo ndá kaiya a to né gə́ wəi.

1 Njé gə́ Kɔrḭtə 15:56

Nékad lə yoo lé yee ɓa to kaiya, siŋgamoŋ lə kaiya lé yee ɓa to gə́ godndu tɔ.

Njé gə́ Epesə 5:3

Mɔdkaiya ləm, gə kəmnda gə́ rara kara ləma, gə kwəi-yoo-lar ləm tɔ lé maji kar ri dee ɓar sə sí el. Yee ɓa gə́ né gə́ kəm ra lə deḛ gə́ to gə kəmee lé.

Tel tura Godndu 5:21

I a ra kəmkəḭ dɔ dené’g lə mari el, i a ra kəmkəḭ dɔ kəi’g lə mari el ləm, əsé dɔ ndɔ’g ləa əsé dɔ kura’g ləa gə́ diŋgam əsé yeḛ gə́ dené’g, əsé dɔ maŋg’d ləa əsé dɔ mulayḛ̀je’g ləa əsé né gə́ rara gə́ to gə́ ka̰ mari nja doŋgɔ lé i a ra kəmkəḭ dɔ’g kára bèe el ləm tɔ.

Njé gə́ Kolosə 3:5

Bèe ndá arje mal néje gə́ ra sí gə́ wɔji dɔ naŋg neelé wəi mburug rɔ sí’g, yee ɓa to mɔdkaiya ləm, gə kəmnda ləm, gə mal néje gə́ ula pər meḛ sí’g ləma, gə mwəiyoolar gə́ to gə́ magəpole lə dəwje lé ləm tɔ.

1 Njé gə́ Tesalonikə 4:5

ɓó a ra gə goo malee gə́ ula na̰’d el mbata yee ɓa gə́ néra njépole-magəje lé.

Ǝbrəje 7:19

Mbata godndu gə́ ləw lé ar dəw kára kara maji ne ɔr njoroŋ el. Nɛ nékunda mee yel dɔ’g gə́ maji undá ɓa teḛ, yee ɓa j’oo loo mba rəm ne pər gə́ rɔ Ala’g.

Jujé 7:21

Mee nébanrɔje’g lé ma m’oo kubu gə́ boi yul gə́ bḭ maji gə́ d’ḭ ne ɓee gə́ Sineyar ləm, gə larnda tɔl-joo (200) ləma, gə rɔm-larlɔr gə́ kwɔi ləa as ges nékwɔji kwɔi-lə-né ləm tɔ, m’ar kəm əḭ dɔ dee’g ndá m’odo dee, ma m’dubu dee naŋg dan mee kəi-kubu’g ləm tɔɓəi m’ar larnda to gel dee’g bər tɔ.