Njé gə́ Rɔmə 7:6 - Maktub gə́ To gə Kəmee

⁶ Ɓasinè, jeḛ gə́ j’oo rɔ sí gə́ yoo-dəwje gin godndu gə́ ila sí kag lé ndá j’ɔr dɔ sí keneŋ gə mba ra né gə goo rəw gə́ sigi gə́ to ka̰ ndil lé ɓó gə goo rəw gə́ ləw gə́ ka̰ maktub gə́ ŋgisi lé ɓa el.

Njé gə́ Rɔmə 7:6 ပူးပေါင်းရင်းမြစ်များ

Ejekel 11:19

N’a kar meḛ sí to asəna kára ba ləm, n’a kar ndil gə́ sigi to meḛ sí’g ləm tɔ. Dɔ ɓəŋgərə sí gə́ kədərə to gə́ mbal bèe lé n’a kɔr meḛ sí’g ndá n’a kar sí dɔɓəŋgərə dəw.

Ejekel 36:26

N’a kar sí ɓəŋgərə gə́ sigi ləm, n’a kar ndil gə́ sigi to meḛ sí’g ləm tɔ. Ɓəŋgərə sí gə́ to asəna gə mbal lé n’a kɔr meḛ sí’g ndá n’a kar sí ɓəŋgərə dəw.

Njé gə́ Rɔmə 1:9

Ala gə́ m’wa məəm’g gə ndiləm bura lé m’ila ne mber Tagə́maji lə Ŋgonee lé yeḛ nja to gə́ njekɔrkəmta ləm gə́ gəd mbata yeḛ oom to gə́ m’ɓar ri sí loo gə́ m’ra tamaji ləm ta-ta ləm,

Njé gə́ Rɔmə 12:2

Ndaji kəm dəwje gə́ d’isi dɔ naŋg nee ɓasinè el, nɛ maji kar sí tel toje dəwje gə́ sigi gə goo takə̰ji gə́ sigi gə́ to meḛ sí’g, ɓó gə mba sí kar go̰je ne né gə́ mee Ala wɔji gə́ to maji gə mba ra ləm, gə a ta kəmee ləma, gə a to maji kɔr njal ləm tɔ.

Njé gə́ Rɔmə 6:11

Togə́bè ɓa seḭje kara maji kar sí waje rɔ sí gə́ yoo-dəwje dɔ kaiya’g ləm, a kooje rɔ sí gə́ njésikəmbaje gin Jeju Kristi’g mbata lə Ala ləm tɔ.

Njé gə́ Rɔmə 6:19

Tapa dəwje ɓa m’un gosee m’ula sí ne mbata kunda ndolé lə darɔ sí lé. To gə́ seḭ waje dəb rɔ sí gə́ ɓər lə ram-né gə néra gə́ kori-kori mba kuru ne dan néra gə́ kori-kori’g ndá ɓasinè lé maji kar sí waje rɔ sí gə́ ɓər lə meekarabasur gə mba teḛ ne gə́ dəwje gə́ to gə kəmee lé.

Njé gə́ Rɔmə 6:2

Wah! bèe el. Jeḛ gə́ j’wa rɔ sí gə́ yoo-dəwje dɔ kaiya’g n’sa rɔ sí keneŋ rəw mba̰ lé see j’a tel si keneŋ gə mba kula rɔ sí danee’g loo gə́ ra tɔɓəi wa.

Njé gə́ Rɔmə 6:22

Nɛ ɓasinè kaiya ɔr dɔ sí’g mba̰ ar sí telje ne ɓərje gə́ ka̰ Ala ndá kó sí to né gə́ ka̰ kunda gə kəmee mba kar sí urje ne loo gə́ seḭ a síje keneŋ gə kəmə gə́ gə no̰ lé tɔ.

Njé gə́ Rɔmə 6:4

Togə́bè ɓa batɛm gə́ deḛ ra sí gin yoo Jeju Kristi’g lé deḛ dubu sí səa na̰’d mba kar to gə́ rɔnduba lə Bɔ-dəwje ar Kristi unda loo teḛ dan njé gə́ d’wəi’g lé jeḛ kara n’tel j’isi ne gə kəmə gə́ sigi lé njaa ne gə panjaa gə́ sigi tɔ.

Njé gə́ Rɔmə 7:1

Ŋgakɔmje, see lée igi sí wa. Mbata ma m’pata gə dəwje gə́ gər gin godndu ya. Godndu lé dəw gə́ si kəmba ya wɔji dəa.

Njé gə́ Rɔmə 7:2

Togə́bè ɓa dené gə́ rara ɓa gə́ ŋgabeeje si kəmba ɓəi ndá godndu lé tɔ dee na̰’d nəji ɓəi, nɛ ɓó lé ŋgabeeje wəi ndá godndu gə́ teá gə ŋgabee na̰’d lé ɔr dəa’g ŋga.

Njé gə́ Rɔmə 7:4

Togə́bè, ŋgakɔmje, kwəi gə́ seḭ wəije gə Kristi na̰’d lé ta godndu ɔr dɔ sí’g mba kar sí sije ne kəmba mbata lə dəw gə́ raŋg, yeḛ gə́ teḛ dan njé gə́ d’wəi’g, ɓó gə mba kar sí j’andə ne gə kandə sí gə́ maji mbata lə Ala ya.

2 Njé gə́ Kɔrḭtə 3:6

Yeḛ nja ar sí siŋga sí tel sí ne gə́ njékɔrgoo manrɔ gə́ sigije lé yeḛ gə́ to ka̰ Ndil ɓó yeḛ gə́ deḛ ndaŋg gə́ ndaŋg el. Mbata yeḛ gə́ ndaŋg gə́ ndaŋg lé ɓa gə́ yoo, nɛ yeḛ gə́ ka̰ Ndil ɓa gə́ njekula kəmə meḛ sí’g.

2 Njé gə́ Kɔrḭtə 5:17

Ɓó lé dəw ɔm na̰’d gə Kristi ndá yeḛ to dəw-kunda lə Ala gə́ sigi ya. Ɓuga néje gə́ ləw lé sané kad mba̰, aa ooje, néje lai tel to néje gə́ sigi ya.

Njé gə́ Galati 3:13

Kristi uga sí ɔr ndɔl godndu dɔ sí’g mbata yeḛ tel to dəw gə́ ndɔl wa dəa mbata lə sí, mbata deḛ ndaŋg ta mee maktub’g pana: Nana ɓa gə́ deḛ ɗaree kaar kag’d lé ndá ndɔl yoo nai dəa’g ya.

Njé gə́ Galati 6:15

Kinja tamɔd əsé kinja tamɔd el kara to gə́ né el, tel to dəw gə́ sigi ɓa to né gə́ gəd ya.

Njé gə́ Epesə 4:24

mba kar dəw gə́ sigi gə́ ɔr rɔ Ala ɓa seḭ ulaje rɔ sí’g ləm tɔ, yee ɓa wɔji dɔ meekarabasur gə meenda gə́ kankəmta ɓa oji dee.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

Njé gə́ Kolosə 3:10

ndá dəw gə́ sigi ɓa seḭ ulaje rɔ sí’g ya. Dəw gə́ sigi lé négər ləa ḭ mbaḭ-mbaḭ gə́ kédé-kédé aree tel to tana gə njekṵdá.