Njé gə́ Rɔmə 7:4 - Maktub gə́ To gə Kəmee

⁴ Togə́bè, ŋgakɔmje, kwəi gə́ seḭ wəije gə Kristi na̰’d lé ta godndu ɔr dɔ sí’g mba kar sí sije ne kəmba mbata lə dəw gə́ raŋg, yeḛ gə́ teḛ dan njé gə́ d’wəi’g, ɓó gə mba kar sí j’andə ne gə kandə sí gə́ maji mbata lə Ala ya.

Njé gə́ Rɔmə 7:4 ပူးပေါင်းရင်းမြစ်များ

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Esai 62:5

To gə́ basa ɔm ne na̰’d Gə ŋgoma̰də gə́ gər ŋgaw el ɓəi bèe lé Ŋganije gə́ diŋgam d’a kɔm səi na̰’d togə́bè tɔ. To gə́ njedené-sigi ra ne rɔlel dɔ dené’g ləa bèe lé I a to nérɔlel lə Ala togə́bè tɔ.

Matiyo 26:26

Loo gə́ d’isi d’aw d’o̰ muru bèe-bèe ndá Jeju un pil muru, yeḛ ra Ala lé oiyo ɓa wa gaji dana ar njékwakiláje pana: Taaje, sɔje mbata yee neelé to gə́ darɔm.

Mark 4:20

Kandə kər gə́ oso dɔ naŋg gə́ maji kó’g lé to asəna gə deḛ gə́ d’oo ta neelé ləm, deḛ taa gə meḛ dee ləm tɔ. Kandə ta neelé gə́ oso meḛ dee’g lé andə, yee gə́ nà ndá andə rɔ-munda ləm, yee gə́ nà ndá andə rɔ-misa̰ ləma, yee gə́ nà ndá andə tɔl ləm tɔ.

Tagə́maji gə́ Ja̰ ndang 15:8

Ɓó lé seḭ a̰dje gə kandə sí njim-njim ndá yee ɓa seḭ a kulaje ne rɔnduba dɔ Bɔm’g ləm, seḭ a toje njékwakilamje ləm tɔ.

Tagə́maji gə́ Ja̰ ndang 3:29

Dəw gə́ njedené-sigi, deḛ gə dené ləa d’wa boa gə na̰, nɛ baokura lə njedené-sigi gə́ aar keneŋ oo ndu sor ləa ndá rəa lelee yaa̰ mbata ndu sor gə́ yeḛ oo lé. Togə́bè rɔlel ləm-ma kara ɔr jol-jol tɔ.

Tagə́maji gə́ Ja̰ ndang 6:51

Ma lé m’to muru ko̰ gə́ dəw a si ne gə kəmə gə́ ḭ dara lé. Ɓó lé nana ɓa o̰ muree neelé ndá a si ne kəmba gə no̰ ya ndá muru gə́ m’a karee lé to gə́ darɔm gə́ m’a kar njé gə́ naŋg nee d’isi ne gə kəmə lé ya.

Njé gə́ Rɔmə 6:11

Togə́bè ɓa seḭje kara maji kar sí waje rɔ sí gə́ yoo-dəwje dɔ kaiya’g ləm, a kooje rɔ sí gə́ njésikəmbaje gin Jeju Kristi’g mbata lə Ala ləm tɔ.

Njé gə́ Rɔmə 6:14

Mbata kaiya a kuba dɔ sí si tar el ŋga mbata seḭ síje gin noji’g lé ɓó gin godndu’g el ŋga.

Njé gə́ Rɔmə 6:2

Wah! bèe el. Jeḛ gə́ j’wa rɔ sí gə́ yoo-dəwje dɔ kaiya’g n’sa rɔ sí keneŋ rəw mba̰ lé see j’a tel si keneŋ gə mba kula rɔ sí danee’g loo gə́ ra tɔɓəi wa.

Njé gə́ Rɔmə 6:22

Nɛ ɓasinè kaiya ɔr dɔ sí’g mba̰ ar sí telje ne ɓərje gə́ ka̰ Ala ndá kó sí to né gə́ ka̰ kunda gə kəmee mba kar sí urje ne loo gə́ seḭ a síje keneŋ gə kəmə gə́ gə no̰ lé tɔ.

Njé gə́ Rɔmə 7:3

Bèe ndá dené gə́ ŋgabeeje si kəmba ɓəi ɓa yeḛ taa diŋgam gə́ raŋg ndá d’a ɓaree kaiya-dené. Nɛ ɓó lé ŋgabeeje wəi ɓa yeḛ taa ŋgaw gə́ raŋg ndá ta kaiya wa dəa el mbata kwəi lə ŋgabeeje lé ar ta godndu ɔr ne dəa’g ləm tɔ.

Njé gə́ Rɔmə 7:6

Ɓasinè, jeḛ gə́ j’oo rɔ sí gə́ yoo-dəwje gin godndu gə́ ila sí kag lé ndá j’ɔr dɔ sí keneŋ gə mba ra né gə goo rəw gə́ sigi gə́ to ka̰ ndil lé ɓó gə goo rəw gə́ ləw gə́ ka̰ maktub gə́ ŋgisi lé ɓa el.

Njé gə́ Rɔmə 8:2

Tɔgərɔ ya, godndu ka̰ Ndil gə́ ka̰ kisi kəmba gin Jeju Kristi lé ɔr ta godndu gə́ ka̰ kaiya gə́ ka̰ yoo lé dɔm’g.

1 Njé gə́ Kɔrḭtə 10:16

Ŋgo-kai-né gə́ Ala tɔr ne ndia dɔ sí’g gə jeḛ n’tɔr ne ndu sí dɔ’g lé see to né gə́ ɔm meḛ sí na̰’d sad gə məs Kristi lé el wa. Muru gə́ jeḛ j’wa n’gaji lé see to né gə́ ɔm sí na̰’d gə darɔ Kristi lé el wa.

2 Njé gə́ Kɔrḭtə 11:2

Mbata kəm əḭ dɔ sí’g gə kəmkəḭ ka̰ Ala. Ma m’ar sí taaje Kristi gə́ ŋgaw-kar gə mba kam m’teḛ sə sí rɔ Kristi asəna gə ŋgoma̰də gə́ rəa àr ŋgad-ŋgad gə́ gər ŋgaw el ɓəi.

Njé gə́ Galati 3:13

Kristi uga sí ɔr ndɔl godndu dɔ sí’g mbata yeḛ tel to dəw gə́ ndɔl wa dəa mbata lə sí, mbata deḛ ndaŋg ta mee maktub’g pana: Nana ɓa gə́ deḛ ɗaree kaar kag’d lé ndá ndɔl yoo nai dəa’g ya.

Njé gə́ Galati 5:18

Ɓó lé Ndil ɓa gə́ njekɔrno̰ sí lé ndá seḭ sije gin godndu’g el ŋga.

Njé gə́ Epesə 2:15

Dakasrea-yeḛ ɓa yeḛ wa gaŋg ne rəw godndu gə́ ndukunje gə tornduje tɔ keneŋ mba kunda ne koso-dəwje gə́ kudu joo lé kar dee d’ɔm na̰’d to ne gin dəw gə́ sigi kára ba ginee-yeḛ’g ya.

Njé gə́ Pilibə 1:11

Togə́bè ɓa, kandə meekarabasur gə́ ḭ rɔ Jeju Kristi’g a daa na̰ rɔ sí’g, yee ɓa seḭ a kulaje ne rɔnduba dɔ Ala’g ləm, ria a ɓar ne ləm tɔ.

Njé gə́ Pilibə 4:17

To nénoji ɓa ma m’saŋg rɔ sí’g el, nɛ kó noji lə sí ɓa ma m’saŋg mba karee tel taa rɔ sí pəl-pəl.

Njé gə́ Kolosə 1:10

Togə́bè ɓa, seḭ a njaaje mba kar néra sí wa bua ka̰ Mbaidɔmbaije taa ne kəmee rəgm ləm, mba kar néra maji lə sí gə́ gə ria-ria oji maree gə́ kédé-kédé ləma, mba kar négər gə́ wɔji dɔ ndaa Ala kara a kɔs dɔ maree’g gə́ kédé-kédé meḛ sí’g ləm tɔ.

Njé gə́ Kolosə 1:22

mba kar sí teḛje aarje nea̰’g gə́ njémeendaje ləm, mba meḛ sí ila ɓal el ləma, mba kar ta kára kara wa dɔ sí’g el ləm tɔ.

Njé gə́ Kolosə 1:6

Tagə́maji lé to mbuna sí’g ləm, to mbuna dəwje lai-lai gə́ dɔ naŋg neelé ləm tɔ, yee teḛkɔr aw gə́ kédé-kédé to gə́ yeḛ ra mbuna sí’g un kudee mee ndəa gə́ kəm sí inja dɔ noji’g lə Ala gə́ aw na̰’d gə kankəmta lé.

Njé gə́ Kolosə 2:14

Yeḛ bɔr godndu gə́ ila ta dɔ sí’g gə́ oma̰ sə sí lé pəd-pəd ləm, yeḛ ɓəree kaar kag-dəs’g tujee ne pugudu ya ləm tɔ.

Njé gə́ Kolosə 2:20

Ɓó lé seḭ wəije gə Kristi na̰’d dɔ négər gə́ dɔtar gə́ ka̰ naŋg nee ndá see ban ɓa seḭ tel osoje gel ta ndooje’g neelé ɓəi wa.

Ǝbrəje 10:10

Mbɔl dɔ torndu neelé ɓa yeḛ ɔr sí unda sí ne gə kəmee gə darɔ Jeju Kristi gə́ yeḛ ya̰ ar Ala lé gɔl kára ba kiao gə́ ŋgaŋgee.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

Loo gə́ killa rea kəm Ja̰’g 19:7

Ar sí n’raje rɔlel, ar sí j’alje ne rɔ sí ləma, ar sí j’ulaje rɔnduba dəa’g ləm tɔ, mbata ndɔ ra naḭ taa dené lə Ŋgonbad lé kàree teḛ mba̰ ndá dené ləa wa dɔ gɔl rəa mbata ndɔ-naḭ lé mba̰ tɔ.

Loo gə́ killa rea kəm Ja̰’g 21:9

Tɔɓəi kura gə́ dara gə́ mbuna mareeje gə́ siri gə́ d’aar gə baije gə́ siri gə́ rudu boo-oŋg to keneŋ lé ulam ta pana: Maji kari gə́ ree, m’a kari oo njeŋgao-sigi, yeḛ gə́ to dené lə Ŋgonbad lé.