Njé gə́ Rɔmə 7:25 - Maktub gə́ To gə Kəmee

²⁵ Maji kar dɔkaisəgərə nai gə Ala, mbɔl dɔ Jeju Kristi Mbaidɔmbaije lə sí ɓa to njekwayoo neelé rɔm’g kɔree karm ya! Togə́bè ɓa gə goo gosonégər ləm lé m’to ne gə́ ɓər gin godndu Ala’g nɛ gə goo darɔ lé m’to gə́ ɓər gin godndu ka̰ kaiya ya! Togə́bè ɓa gə goo gosonégər ləm lé m’to ne gə́ ɓər gin godndu Ala’g nɛ gə goo darɔ lé m’to gə́ ɓər gin godndu’g ka̰ kaiya ya.

Njé gə́ Rɔmə 7:25 ပူးပေါင်းရင်းမြစ်များ

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 49:13

Dara, maji kari ra rɔlel! Dɔ naŋg, maji kari si gə rɔkal! Mbata Njesigənea̰ gɔl meḛ dəwje ləa ləm, Yeḛ oo kəmtondoo lə njénékəmndooje ləa ləm tɔ.

Esai 49:9

Mba kula dee gə́ d’wa dee ɓər lé pana: Undaje loo teḛje ləm, Mba kula dee gə́ d’isi dan loondul’g pana: Aarje raga ndəgəsə ləm tɔ. Ndá d’a sɔ né dan kag-rəwje’g ləm, D’a kiŋga nékulrɔ dee dɔdərlooje’g lai ləm tɔ.

Matiyo 1:21

Yeḛ nja a kaji dəwje ləa kɔr dee ne dan kaiyaje’g lə dee.

Njé gə́ Rɔmə 6:14

Mbata kaiya a kuba dɔ sí si tar el ŋga mbata seḭ síje gin noji’g lé ɓó gin godndu’g el ŋga.

Njé gə́ Rɔmə 6:17

Maji kar dɔkaisəgərə nai gə Ala ya mbata kédé seḭ toje ɓərje lə kaiya nɛ ɓasinè seḭ ḭje gə meḛ sí ilaje ne ŋgonkoji dɔ ta gə́ d’ar sí gə́ né ndɔji sí dana par-par.

Njé gə́ Rɔmə 8:2

Tɔgərɔ ya, godndu ka̰ Ndil gə́ ka̰ kisi kəmba gin Jeju Kristi lé ɔr ta godndu gə́ ka̰ kaiya gə́ ka̰ yoo lé dɔm’g.

1 Njé gə́ Kɔrḭtə 15:57

Nɛ Ala lé gə́ njekar sí j’un baŋga gə ri Mbaidɔmbaije lə sí Jeju Kristi lé maji kar dɔ ria ai səgərə ya.

2 Njé gə́ Kɔrḭtə 9:15

Maji ra Ala lé oiyo mbata nénoji ləa gə́ maji dum gə́ yeḛ ar sí lé tɔ.

Njé gə́ Epesə 5:20

Nénojije lai gə́ seḭ iŋgaje lé raje ne oiyo gə mbəa arje Ala Bɔ síje gə ri Jeju Kristi Mbaidɔmbaije lə sí lé.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

Njé gə́ Pilibə 4:6

Arje meḛ sí pélé wəs-wəs dɔ né gə́ kára kara el, nɛ né gə́ rara kara maji kar sí dəjije Ala gə tamaji lə sí ləm, gə ndòo gə́ seḭ raje ndòo rəa’g ləma, gə ta oiyo gə́ seḭ reaje ləm tɔ.

Njé gə́ Kolosə 3:17

Né gə́ rara gə́ seḭ raje lé tapa sí əsé néra sí kara raje gə ri Mbaidɔmbaije Jeju, raje ne Ala Bɔ-dəwje oiyo gə mbəa-yeḛ nja tɔ.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.