Njé gə́ Rɔmə 7:22 - Maktub gə́ To gə Kəmee

²² Mbata məəm gə́ kəi lé m’ra rɔlel dɔ godndu Ala’g ya

Njé gə́ Rɔmə 7:22 ပူးပေါင်းရင်းမြစ်များ

Maktub gə́ wɔji dɔ Jɔb 23:12

Godndiaje gə́ teḛ təa’g lé ma m’uba m’ya̰ el, Taje gə́ teḛ təa’g lé ma m’ŋgəm məəm’g m’ra née tɔ.

Pakɔsje 1:2

Nɛ yeḛ ndá mée kaḭ dɔ godndu Njesigənea̰’g ləm, Yeḛ la̰ji toree mée’g dan kàrá gə loondul’g ləm tɔ.

Pakɔsje 119:111

Tornduije lé to gə́ nénduba ləm gə́ to saar gə no̰, Mbata deḛ to né gə́ m’ndá məəm kaḭ dɔ’g.

Pakɔsje 119:113

Dəwje gə́ njémeebəŋgərəje lé M’ə̰ji dee bəḭ-bəḭ, Nɛ godndui lé ɓa m’unda dan kəm’g.

Pakɔsje 119:127

Gelee gə́ nee ɓa ma m’unda ne godnduije dan kəm’g Unda larlɔr, gə́ àr ŋgad-ŋgad.

Pakɔsje 119:16

Godnduije lé m’ar dee to gə́ nérɔlel ləm, M’ar məəm wəi dɔ ta’g ləi nda̰ el ləm tɔ.

Pakɔsje 119:167

Ma m’aa dɔ tornduije gə́ i wɔji lé ləm, M’unda dee dan kəm’g ya ləm tɔ.

Pakɔsje 119:174

Ǝi Njesigənea̰, ma lé mal kiŋga kaji ləi ram ŋgwɔd-ŋgwɔd, Godndui lé m’aree to gə́ nérɔlel ləm.

Pakɔsje 119:24

Tornduije lé m’oo dee gə́ nérɔlel ləm ləm, Deḛ to gə́ njétɔjim kəmkàrje ya ləm tɔ.

Pakɔsje 119:35

Maji kari ɔr nɔm kila-rəw godnduije’g lé Mbata ma lé m’ndigi togə́bè ya.

Pakɔsje 119:72

Godndui gə́ teḛ tai’g lé maji mbata ləm Unda néje tɔl-dɔg (1.000) gə́ ra dee gə larlɔr gə larnda.

Pakɔsje 119:92

Ɓó lé godndui lé m’aree to gə́ nérɔlel ləm bèe el ndá M’udu bo̰ dan nékəmndoo’g ləm mba̰ ya.

Pakɔsje 40:8

Yen ɓa ma m’pana: Aa oo, m’isi m’ree (Deḛ ndaŋg ta ləm mee maktub gə́ kə́ na̰’d mber-mber’g)

Pa gə́ ur dɔ paje 5:3

Ma m’ɔr kubu ləm gə́ boi yul m’ila naŋg mba̰ See m’a tel kula rɔm’g to gə́ ban wa, Ma m’togo kor gɔlm’g mba̰ See m’a tel karee wa yiro to gə́ ban wa.

Esai 51:7

Ooje ta ləm, Seḭ gə́ gərje rəw néra gə́ gə dɔ najee, Seḭ dəwje gə́ godndum to dɔɓəŋgərə sí’g lé! Ɓəlje mbata rɔkul gə́ dəwje d’ila dɔ sí’g lé el ləm, Undaje bala mbata kəm sí gə́ d’ula ndòo lé el ləm tɔ.

Ləbije 13:39

njekinjanéməs a tənee, ɓó lé néje gə́ tila ndá rəa’g lé ɔr nda ndá to néje gə́ tila rəa’d gə́ d’ḭ taa ndar rəa pəl-pəl kari ba: ndá rəa àr ya.

Tagə́maji gə́ Ja̰ ndang 4:34

Jeju ula dee pana: Ra torndu yeḛ gə́ njekulam gə kɔr suna kula lé yee ɓa gə́ nésɔm ya.

Njé gə́ Rɔmə 2:29

Jib gə́ kojikəi ɓa gə́ Jib gə́ gəd ya. Kinja tamɔd gə́ kojikəi ɓa gə́ kinja tamɔd gə́ gəd ya tɔ. To né gə́ wɔji dɔ meḛ dəw ɓó wɔji dɔ darəa gə́ raga puduru el. Riɓar lə Jib neelé ḭ rɔ Ala’g ɓó ḭ rɔ dəwje’g el.

Njé gə́ Rɔmə 8:7

Yeḛ gə́ wa goo rəa dɔ darɔ’g ndá yeḛ wa ba̰ gə Ala, mbata darɔ lé oso kul dɔ godndu Ala’g lé el mbata asəna̰’d aree el.

2 Njé gə́ Kɔrḭtə 4:16

Gelee gə́ nee ɓa meḛ sí ila ne kas el. Ɓó lé dakasrɔ sí gə́ raga ya̰ maree yag-yag ndá kara rɔ sí gə́ kəi lé ɔs udu kəm rɔ sí’g red-red gə ndəa-ndəa.

Njé gə́ Epesə 3:16

mba kar Ndilee ar meḛ sí gə́ kəi to kɔgərɔ-kɔgərɔ gə goo boo-ronduba ləa gə́ tur dɔ loo ləm,

Njé gə́ Kolosə 3:9

Ulaje na̰ taŋgɔm mbuna sí’g el mbata dəw gə́ ləw gə néreaje lé seḭ ɔrje jo̰gee ubaje ya̰je mba̰,

Ǝbrəje 8:10

Aa ooje, man gə́ m’a man rɔm kar gel-bɔje lə Israɛlje Loo gə́ ndɔje neelé dəs mba̰ ɓa nee: M’a kula godndumje meḛ dee’g ləm, M’a ndaŋg dee dɔɓəŋgərə dee’g ləm tɔ. Mbaidɔmbaije ɓa pa bèe. N’a to Ala lə dee ləm, Deḛ kara d’a to koso-dəwje neḛ ləm tɔ.

1 Piɛrə 3:4

nɛ saŋgje né gə́ ka̰ ma̰də gə́ meḛ sí’g gə́ ula rəa meḛ sí’g kəi njuma̰ gə́ wɔji dɔ meenda kɔr jol-jol ləm, gə kaw yururu ləm tɔ yee ɓa gə́ né gə́ gadee dum ndogo no̰ Ala’g ya.