Njé gə́ Rɔmə 7:18 - Maktub gə́ To gə Kəmee

¹⁸ Ma m’gər gao, né gə́ maji kára kara to məəm’g el, yee ɓa wɔji dɔ darɔm, mbata m’oo loo gə mba kwɔji né gə́ maji məəm’g gə mba ra nɛ tɔg rəa ləm godo.

Njé gə́ Rɔmə 7:18 ပူးပေါင်းရင်းမြစ်များ

Gḭ-Néje 6:5

Njesigənea̰ oo to gə́ meeyèr lə dəwje gə́ dɔ naŋg nee to yaa̰ ləm, takə̰jije gə́ meḛ dee’g lai lé wɔji dɔ né gə́ majel ya goo kára ba gə ndɔ dee ndɔ dee ləm tɔ.

Gḭ-Néje 8:21

Njesigənea̰ taa baḭ né gə́ ə̰də lel ndá yeḛ pa mée’g pana: M’a Man naŋg neelé gə mbata lə dəw lé gogo el ŋga, mbata dəw lé un kudee gə́ kasee ba saar gə́ kédé-kédé lé takə̰ji gə́ mée’g majel ya, tɔɓəi m’a tel tuji néje lai gə́ d’aw kəmba lé to gə́ m’ra kédé lé el ŋga tɔ.

Maktub gə́ wɔji dɔ Jɔb 14:4

See na̰ ɓa askəm kar né gə́ àr ŋgad-ŋgad unda loo teḛ mee dəw gə́ mina̰’g wa. Dəw kára kara gə́ askəm ra bèe godo.

Maktub gə́ wɔji dɔ Jɔb 25:4

See dəw to njera né gə́ gə dɔ najee no̰ Ala’g lé to gə́ ban wa. See dəw gə́ dené ojee lé a kàr ŋgad-ŋgad to gə́ ban wa.

Pakɔsje 119:173

Maji kar jii ya ɓa to gə́ né la səm, Mbata ndukunje ləi ɓa ma mbər dee.

Pakɔsje 119:176

Ma lé m’ila tar mbir-mbir Asəna gə badə gə́ ndəm bèe, Maji kari ndolè kura ləi lé ya, Mbata ma lé m’ar məəm wəi dɔ godnduije’g lé el tɔ.

Pakɔsje 119:32

Ma lé m’wa godnduije ɓa m’aiŋgwɔd dan dee’g Mbata i nja ar gosonégər taa məəm pəl-pəl.

Pakɔsje 119:40

Aa oo, ndukunje ləi lé ma m’ndigi ra née ya, Maji kari am m’isi kəmba gə goo meekarabasur ləi lé.

Pakɔsje 119:5

Maji kar néramje aw gə goo rəbee Gə mba kam m’aa ne dɔ godnduije lé kər-kər.

Pakɔsje 51:5

Mbata kəm inja dɔ kaltaje’g ləm ləm, Kaiya ləm kara taree to nɔm’g ta-ta ləm tɔ.

Esai 64:6

Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Matiyo 15:19

Mbata takə̰ji gə́ majel ləm, gə tɔl gə́ dəw tɔl maree ləm, gə mɔdkaiya ləm, gə kaw gə́ balgogé ləm, gə ɓogo ləm, gə ta gə́ kɔr gaŋg dəa badə-badə ləma, gə tɔr maji rɔ mari’g rɔd-rɔd ləm tɔ lé to néje d’ḭ mee dəw’g gə́ kəi.

Lugu 11:13

Seḭ gə́ toje njémeeyèrje ɓəi-ə lé gərje loo karje ŋgan síje né gə́ maji gə́ deḛ kwɔi sí nɛ ɓəd ɓa see Bɔ síje gə́ si dara lé a lal kar deḛ gə́ kwɔiyee Ndilmeenda lé ɓəi wa.

Tagə́maji gə́ Ja̰ ndang 3:6

Né gə́ darɔ oji lé to gə́ darɔ ya, nɛ né gə́ ndil oji lé to ndil ya tɔ.

Njé gə́ Rɔmə 13:14

Nɛ Mbaidɔmbaije Jeju Kristi ɓa ulaje rɔ sí’g. Tɔsje kəm sí dɔ darɔ sí’g bao-bao mba kar mal néje gə́ ɓəd-ɓəd gə́ ra sí lé ula sí na̰’d el.

Njé gə́ Rɔmə 7:15

Mbata né gə́ m’ra lé m’gər kəmee el, né gə́ m’wɔji-kwɔji ra lé m’ra el nɛ né gə́ m’ə̰ji bəḭ-bəḭ ɓa m’tel m’ra.

Njé gə́ Rɔmə 7:19

Mbata né gə́ maji gə́ ma m’wɔji-kwɔji ra lé m’ra el, né gə́ majel gə́ ma m’wɔji-kwɔji ra el lé ɓa m’ra tɔ.

Njé gə́ Rɔmə 7:25

Maji kar dɔkaisəgərə nai gə Ala, mbɔl dɔ Jeju Kristi Mbaidɔmbaije lə sí ɓa to njekwayoo neelé rɔm’g kɔree karm ya! Togə́bè ɓa gə goo gosonégər ləm lé m’to ne gə́ ɓər gin godndu Ala’g nɛ gə goo darɔ lé m’to gə́ ɓər gin godndu ka̰ kaiya ya! Togə́bè ɓa gə goo gosonégər ləm lé m’to ne gə́ ɓər gin godndu Ala’g nɛ gə goo darɔ lé m’to gə́ ɓər gin godndu’g ka̰ kaiya ya.

Njé gə́ Rɔmə 7:5

Tɔgərɔ ya, loo gə́ jeḛ nai gin darɔ’g ɓəi lé ndá mal ra kaiya gə́ godndu kila gel dee lé taa rɔ sí yéŋgé-yéŋgé ar sí j’andə ne gə kandə sí gə́ ka̰ yoo ya tɔ.

Njé gə́ Galati 5:17

Mbata mal né gə́ wɔji dɔ ka̰ darɔ lé to né gə́ ɔs mal néra gə́ ka̰ Ndil lé rəw, ar mal né gə́ wɔji dɔ Ndil lé ɔs mal né gə́ wɔji dɔ ka̰ darɔ lé rəw tɔ, mal néje gə́ togə́bè lé d’ɔs na̰ rəw mba kar sí raje né gə́ seḭ wɔjije-kwɔji raje lé el.

Njé gə́ Galati 5:24

Deḛ gə́ to gə́ ka̰ Jeju Kristi lé d’wa darɔ dee gə mal né gə́ ula pər meḛ dee’g ləm, gə né gə́ meḛ dee ndigi ləm tɔ lé d’wa bura ɗar kaar kag’d ya.

Njé gə́ Pilibə 2:13

Mbata to Ala nja ra kula meḛ sí’g ar sí ndigije raje togə́bè ləm, yeḛ ar rɔ sí wɔilɔ keneŋ gə mba ra tɔl bém ɓó gə taa ne kəmee ləm tɔ.

Njé gə́ Pilibə 3:12

Né gə́ m’aḭgwɔdee lé m’taa el ɓəi ləm, m’to maji m’ɔr njoroŋ el ɓəi ləm tɔ, nɛ m’aiŋgwɔd m’nar rɔm mba kwa né gə́ m’aḭgwɔdee lé gə jim peb ya mbata ma lé Jeju Kristi wam gə jia peb mba̰.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.

1 Piɛrə 4:2

gə mba kar loo gə́ yeḛ nai ne gə kəmee ɓəi lé yeḛ a si kəmba mba ra ne né gə́ mee Ala wɔji ɓó gə mba tɔl ne mal néje gə́ ra dəwje gə́ dɔ naŋg nee el.