Njé gə́ Rɔmə 7:14 - Maktub gə́ To gə Kəmee

¹⁴ Jeḛ n’gər gao, godndu lé to né gə́ ka̰ ndil ya. Nɛ ma nja m’to né gə́ ka̰ darɔ gə́ taam ilam gə́ ɓər gin kaiya’g.

Njé gə́ Rɔmə 7:14 ပူးပေါင်းရင်းမြစ်များ

Gḭ-Néje 37:27

Gə́ reeje, ar sí ndogeeje gə Ismaelje ɓó ar sí n’tɔleeje el mbata yeḛ to ŋgoko̰ sí gə́ to darɔ sí ya. Yen ŋga ŋgakea̰je taa ta ləa lé rəgm.

Gḭ-Néje 37:36

Madianje lé ndogee ɓee gə́ Ejiptə gə Potipar, ɓé-njérɔje lə Parao̰, yeḛ gə́ to dəw dɔ njékaa dəaje lé.

Gḭ-Néje 40:15

Mbata d’ɔrm ɓee’g lə Ǝbrəje gə ɓogo. Tɔɓəi loo gə́ nee kara m’ra né kára kara gə́ askəm kar dee d’ilam daŋgai’g el tɔ.

1 Mbaije 21:20

Akab dəji Eli pana: I gə́ to njeba̰ ləm lé ɓogənè iŋgam ŋga ta! Ndá yeḛ tel ilá keneŋ pana: Ma m’iŋgai ya mba̰ mbata i un rɔi ndogo gə mba ra ne né gə́ majel kəm Njesigənea̰’g.

1 Mbaije 21:25

Deḛ d’oo dəw gə́ un rəa ndogo gə mba ra ne né gə́ majel kəm Njesigənea̰’g to gə́ Akab gə́ dené ləa ɔsee ɓɔḭ-ɓɔḭ keneŋ aree ra bèe lé godo.

2 Mbaije 17:17

Deḛ d’ɔm ŋgan deeje gə́ diŋgam gə njé gə́ dené dan pər’d ləm, dee d’ya̰ rɔ dee yag dan koo ndil néje’g gə nésukəmlooje’g ləm tɔ, tɔɓəi darɔ dee-deḛ ya kara d’ya̰ ra né néraje gə́ majel kəm Njesigənea̰’g mba kar oŋg ḭ ne səa pu.

Maktub gə́ wɔji dɔ Jɔb 42:6

Gelee gə́ nee ɓa ma m’gaŋgta dɔ rɔm’g m’wa ne ndòo rɔm Dan babur’g ləm, gə dan bu pər’g ləm tɔ.

Pakɔsje 119:25

Ma lé m’rogo babur’g, Maji kari am m’isi kəmba gə goo ta ləi ya.

Pakɔsje 51:6

M’ra kaiya m’ɔs ne ta ləi-i nja rəw ləm, M’ra ne né gə́ to kḛji kəmi’g, Bèe ɓa ta gə́ i a gaŋg lé A to gə dɔ najee ləm, Rəwta-gaŋg ləi kara Dəw a kimi dɔ’g el ləm tɔ.

Teḛ-Raga 22:3

Ɓó lé né gə́ yeḛ ɓogo lé to maŋg əsé mulayḛ̀je əsé badə ɓa d’iŋgá ne jia’g kəmba ɓəi ndá njeɓogo neelé a kunda maree dɔ’g gɔl joo ɓəi.

Gosota-Kəmkàrje 30:2

Tɔgərɔ ya, ma lé m’gər né el m’unda dəw gə́ rara kara ləm, M’iŋga gosonégər gə́ ka̰ dəw el ləm tɔ,

Gosota-Kəmkàrje 30:5

Taje lai gə́ Ala pa lé to taje gə́ àr ŋgad-ŋgad. Yeḛ to dər lə deḛ gə́ saŋg njo̰loo-kula-dɔ dee rəa’g.

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Esai 52:3

Njesigənea̰ pa togə́bè pana: Seḭ lé deḛ d’wa sí ɓər kari ba lal lar sí ndá larnda ɓa d’a kuga ne dɔ sí el tɔ.

Esai 6:5

Yen ŋga m’ula m’pana: Meeko̰ oso dɔm’g! Ma m’tuji mba̰ mbata m’to dəw gə́ tapam majel ləm, m’isi mbuna dəwje gə́ tapa dee majel’g ləm tɔ. Nɛ kəm oo Mbai gə́ to Njesigənea̰ gə́ njeboo-néje ya.

Ləbije 13:12

Ɓó lé yeḛ gə́ ba̰ji ila rəa’g ɓa ba̰ji lé ḭ taa rəa pəl-pəl, un kudee dəa’g saar teḛ gɔlee’g, loo gə́ rara gə́ njekinjanéməs lé askəm koo ndá a tən rəa

Ləbije 13:16

Ɓó lé dakasrea tel ɓəd ləm, tel ndá ləm tɔ ndá yeḛ a kaw rɔ njekinjanéməs’g lé karee tən rəa, tɔɓəi

Ləbije 19:18

Seḭ a dalje ba̰ lə sí el ləm, seḭ a kwaje gə oŋg lə sí gə́ kédé-kédé dɔ ŋgan meḛ dəwje’g lə sí el ləm tɔ. Seḭ a kundaje mar síje dan kəm sí’g to gə́ seḭ raje ne gə darɔ sí bèe ya. Ma m’to Njesigənea̰.

Amɔs 2:6

Njesigənea̰ ɓa pa togə́bè pana: Gə mbata kaiya ra Israɛl gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ ndogo njemeekarabasur gə lar ləm, Deḛ ndogo njendoo gə négɔl ləm tɔ.

Matiyo 16:23

Nɛ Jeju tel ila Piɛrə’g pana: Njekurai, ɔd gə́ gogo. Tapai a gə kilam kag, mbata takə̰ji ləi to ka̰ dəwje ɓó to ka̰ Ala el.

Matiyo 18:25

Nékoga ɓaŋgee dəa’g godo ndá ɓéeje un ndia ar dee gə mba kar dee d’wa darəa-yeḛ gə dené ləa gə ŋganeeje gə néje ləa lɔd ndogo dee mba kya̰ laree kuga ne ɓaŋgee.

Matiyo 5:22

Nɛ ma nja m’ula sí woḭ, nana ɓa gə́ ra meeko̰ dɔ ŋgokea̰’g ndá d’a koso səa loo-gaŋg-rəwta’g ya. Yeḛ gə́ taji ŋgokea̰ ɓaree mbə lé ndá d’a koso səa loo-gaŋg-rəwta lə Jibje. Yeḛ gə́ ɓar ŋgokea̰ kɔr ndá pər gehene’g ɓa gə́ bo̰ nérea gə́ a kɔs təa’g.

Matiyo 5:28

Nɛ ma nja m’ula sí, nana ɓa gə́ aa dené gə kəmnda ilá pad ndá mée ndalee jəgm mba̰.

Lugu 5:8

Loo gə́ Simo̰ Piɛrə oo togə́bè ndá yeḛ rəm bəbərə oso naŋg no̰ Jeju’g ulá pana: Mbaidɔmbaije, ɔr rɔi rɔm’g gə́ gogo mbata ma m’to njekaiya.

Lugu 7:6

Jeju ɔd aw sə dee ya to nɛ loo gə́ d’unda dɔ kəi lé dəb ndá ɓé-njérɔje lé ula baokuraje ləa ar dee ree d’ula Jeju pana: Mbai, jɔg rɔi gə mḭdé el, mbata ma lé m’askəm mba kari ula dɔi mee kəi’g ləm el.

Njé gə́ Rɔmə 3:9

Səm! See jeḛ maji j’unda dee wa. Bèe el ɓòo. Mbata jeḛ j’ɔr ginta lə Jibje gə Grekje j’ar sí ooje gao to gə́ deḛ lai d’isi gin kaiya’g,

Njé gə́ Rɔmə 6:6

Jeḛ n’gər gao dəw gə́ ləw gə́ wɔji dɔ darɔ sí lé ɗaree səa na̰’d kaar kag-dəs’g mba kar darɔ sí gə́ to ɓər lə kaiya lé tuji ne ɓó gə mba kar sí n’toje ne ɓərje lə kaiya lé gogo el ŋga.

Njé gə́ Rɔmə 7:18

Ma m’gər gao, né gə́ maji kára kara to məəm’g el, yee ɓa wɔji dɔ darɔm, mbata m’oo loo gə mba kwɔji né gə́ maji məəm’g gə mba ra nɛ tɔg rəa ləm godo.

Njé gə́ Galati 4:3

Togə́bè ɓa jeḛ kara loo gə́ jeḛ nai ŋganje gə́ gɔ ɓəi lé j’isi gə́ ɓərje gin néje gə́ əḭ el gə́ dɔ naŋg neelé tɔ.

Njé gə́ Epesə 3:8

Oiyo, ma gə́ m’nai ŋgon mbuna deḛ gə́ to gə kəmee lai lé yeḛ wa ne səm noji ɓa ɔrm ne gə mba karm m’ila mber ta nébaoje lə Kristi gə́ dum gər, m’ar njépole-magəje ləm,

Tel tura Godndu 6:5

I a kunda Njesigənea̰ Ala ləi lé dan kəmi’g ndigee dɔ ɓəŋgəri’g ləm, gə ŋgaw məəi bura ləma, gə sḭgarɔi bura ləm tɔ.

Ǝbrəje 4:12

Mbata ta lə Ala lé to ta gə́ kəmba gə́ ɓar mḭ yaa̰, adə yaa̰ unda kiambas gə́ rara gə́ ŋgaŋgee joo ndá yee ta̰ mbuna kankəmrɔ gə ndil ləm, mbuna siŋga gə ubee mée’g ləm tɔ, yee teg takə̰ji lə dəw gə́ mée’g tɔ.