Njé gə́ Rɔmə 6:2 - Maktub gə́ To gə Kəmee

² Wah! bèe el. Jeḛ gə́ j’wa rɔ sí gə́ yoo-dəwje dɔ kaiya’g n’sa rɔ sí keneŋ rəw mba̰ lé see j’a tel si keneŋ gə mba kula rɔ sí danee’g loo gə́ ra tɔɓəi wa.

Njé gə́ Rɔmə 6:2 ပူးပေါင်းရင်းမြစ်များ

Gḭ-Néje 39:9

Dəw gə́ njekur dɔm-ma mee kəi’g neelé godo ləm, yeḛ ɔgm né kára kara el ləm tɔ, nɛ i ɓa nai mbata i to dené ləa ɓa. See m’a ra néra gə́ majel gə́ boi bèe ɓa mba ra ne kaiya kɔs ne Ala rəw to gə́ ban wa.

Pakɔsje 119:104

Gə goo ndukunje ləi lé ɓa m’tel ne njegosonégər, Bèe ɓa rəw taŋgɔmje lai lé m’ə̰ji dee bəḭ-bəḭ.

Lugu 20:16

Yeḛ a kḭ ree kar njéndəaje lé d’udu guduru ndá a kwa ndɔ-nduú lé gə mba kar njé gə́ raŋg ndɔ keneŋ. Loo gə́ deḛ d’oo ta neelé mba̰ ndá deḛ pana: Maji kar Ala ar né gə́ togə́bè lé teḛ el nja.

Njé gə́ Rɔmə 5:11

To yee gə́ nee ɓa el, nɛ mbɔl dɔ Mbaidɔmbaije Jeju Kristi gə́ njekɔm sí na̰’d yəg lé ɓa jeḛ ndá ne meḛ sí kaḭ dɔ Ala’g tɔ.

Njé gə́ Rɔmə 6:15

See ɗi tɔɓəi wa. See j’a ra kaiya mbata kisi gə́ j’isi gin godndu’g el nɛ j’isi gin noji’g lé wa. Wah! bèe el.

Njé gə́ Rɔmə 7:4

Togə́bè, ŋgakɔmje, kwəi gə́ seḭ wəije gə Kristi na̰’d lé ta godndu ɔr dɔ sí’g mba kar sí sije ne kəmba mbata lə dəw gə́ raŋg, yeḛ gə́ teḛ dan njé gə́ d’wəi’g, ɓó gə mba kar sí j’andə ne gə kandə sí gə́ maji mbata lə Ala ya.

Njé gə́ Rɔmə 7:6

Ɓasinè, jeḛ gə́ j’oo rɔ sí gə́ yoo-dəwje gin godndu gə́ ila sí kag lé ndá j’ɔr dɔ sí keneŋ gə mba ra né gə goo rəw gə́ sigi gə́ to ka̰ ndil lé ɓó gə goo rəw gə́ ləw gə́ ka̰ maktub gə́ ŋgisi lé ɓa el.

Njé gə́ Galati 2:19

mbata mbɔl dɔ godndu lé ɓa m’to ne yoo-dəw ginee’g mba karm m’tel m’isi kəmba mbata lə Ala lé.

Njé gə́ Galati 6:14

Né gə́ wɔji dɔm ma lé kag-dəs lə Jeju Kristi Mbaidɔmbaije lə sí lé yee ɓa ma m’ti ne rɔm dɔ’g ɓó ma m’a ti rɔm dɔ né gə́ raŋg kára kara pai godo. Gin Jeju Kristi lé m’wa naŋg nee bura m’ɗar kaar kag’d mbata ləm ləm, ma m’wa rɔm m’ɗar kar kag’d mbata lə naŋg neelé ləm tɔ.

Njé gə́ Kolosə 2:20

Ɓó lé seḭ wəije gə Kristi na̰’d dɔ négər gə́ dɔtar gə́ ka̰ naŋg nee ndá see ban ɓa seḭ tel osoje gel ta ndooje’g neelé ɓəi wa.

Njé gə́ Kolosə 3:3

Mbata seḭ wəije mba̰ ndá kɔm gə́ seḭ ɔmje na̰’d gə Kristi lé seḭ ulaje kəmə lə sí rɔ Ala’g pḛ́.

1 Piɛrə 1:14

Raje to gə́ ŋganje gə́ njékilakojije ɓó arje mal néje gə́ ra sí kédé loo gə́ seḭ naije ne dan mbə’g lé areeje ra sí el ŋga.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

1 Ja̰ 3:9

Nana ɓa gə́ Ala ojee ndá a ra kaiya nda̰ el mbata kó Ala nai mée’g, yeḛ a kaskəm ra kaiya el mbata Ala ɓa ojee ya.