Njé gə́ Rɔmə 6:18 - Maktub gə́ To gə Kəmee

¹⁸ Seḭ bɔrje dɔ sí ɓər’g lə kaiya, nɛ seḭ ulaje rɔ sí ɓər’g lə meekarabasur mbiriri.

Njé gə́ Rɔmə 6:18 ပူးပေါင်းရင်းမြစ်များ

Pakɔsje 116:16

Ǝi Njesigənea̰, oo ndum ya kari Mbata ma lé m’to kura ləi ya, M’to kura ləi gə́ to ŋgolə kura ləi gə́ dené lé ya. Kula gə́ tɔm ne lé i nja tudu rɔm’g mba̰.

Pakɔsje 119:32

Ma lé m’wa godnduije ɓa m’aiŋgwɔd dan dee’g Mbata i nja ar gosonégər taa məəm pəl-pəl.

Pakɔsje 119:45

Ma lé m’a njaa to gə́ məəm ndigi Mbata m’saŋg goo ndukunje ləi.

Esai 26:13

Njesigənea̰, Ala lə sí, Ɓée síje gə́ raŋg d’o̰ ɓee dɔ sí’g ya Nɛ mbɔl dɔi-i nja kára ba ɓa Jeḛ m’ɓar ne rii.

Esai 54:17

Nérɔje lai gə́ dəwje ra mba rɔ ne səi lé D’a tel to né gə́ kari ba, Tapaje lai gə́ gaŋg ne rəwta dɔi’g lé I ɓa a kɔr ta kwa dee ne. Yee ɓa gə́ nédɔji lə kuraje lə Njesigənea̰, Yee ɓa gə́ kaji gə́ a kḭ rɔm’g teḛ rɔ dee’g, Njesigənea̰ ɓa pa bèe.

Lugu 4:18

Ndil Mbaidɔmbaije dəb dɔm’g Mbata yeḛ nja wa dɔm gə ubu Mba karm m’ila mber tagə́maji lé m’ar njéndooje ya. Yeḛ ulam gə mba karm m’ila mber ta kɔr ɓər dɔ deḛ gə́ d’wa dee ɓər ləm, Mba karm m’ula njékəmtɔje ta kəm deḛ gə́ a gə kinja kar dee d’oo ne loo ləm, Mba kar deḛ gə́ d’udu dee kəi lé d’a kila rɔ dee ləma,

Tagə́maji gə́ Ja̰ ndang 8:32

Seḭ a gərje kankəmta ndá kankəmta lé a bɔr kúla dɔ sí’g mbɔji ya.

Tagə́maji gə́ Ja̰ ndang 8:36

Bèe ndá ɓó lé Ŋgon lé ɓa bɔr kúla dɔ sí’g mbɔji ndá kúla a ɓar ri sí gogo el ŋga.

Njé gə́ Rɔmə 6:14

Mbata kaiya a kuba dɔ sí si tar el ŋga mbata seḭ síje gin noji’g lé ɓó gin godndu’g el ŋga.

Njé gə́ Rɔmə 6:22

Nɛ ɓasinè kaiya ɔr dɔ sí’g mba̰ ar sí telje ne ɓərje gə́ ka̰ Ala ndá kó sí to né gə́ ka̰ kunda gə kəmee mba kar sí urje ne loo gə́ seḭ a síje keneŋ gə kəmə gə́ gə no̰ lé tɔ.

Njé gə́ Rɔmə 6:7

Mbata yeḛ gə́ wəi mba̰ lé ta kaiya udu dəa’g bo̰ mba̰ tɔ.

Njé gə́ Rɔmə 8:2

Tɔgərɔ ya, godndu ka̰ Ndil gə́ ka̰ kisi kəmba gin Jeju Kristi lé ɔr ta godndu gə́ ka̰ kaiya gə́ ka̰ yoo lé dɔm’g.

Njé gə́ Galati 5:1

Kristi ɔr sí dan ɓər’g mba kar sí j’isi gə́ ŋgankojije ya. Bèe ndá sije keneŋ njaŋg ɓó ar deeje tel d’ila sí pəgərə gin ɓər’g lé el ŋga.

1 Piɛrə 2:16

Seḭ gə́ toje ŋgankojije lé arje ŋgonkoji lə sí to kubu kon dɔ némeeyèr el nɛ arje néra sí wa bua kuraje lə Ala ya.