Njé gə́ Rɔmə 6:12 - Maktub gə́ To gə Kəmee

¹² Maji kar kaiya uba dɔ sí si tar el ləm, telje rɔ sí goo malee gə́ ra sí’g el ləm tɔ.

Njé gə́ Rɔmə 6:12 ပူးပေါင်းရင်းမြစ်များ

Gḭ-Néje 4:7

Tɔgərɔ ya, ɓó lé i ra maji ndá i a kun dɔi tar gogo ɓəi. Nɛ ɓó lé i ra majel ndá kaiya to takəi’g ləi, yee ndiŋga rəa gə mba kwai nɛ i lé maji kari dum dəa ɓa.

Pakɔsje 119:133

Ar gɔlm ŋgəŋ ŋgəŋ-ŋgəŋ dɔ ta’g ləi ya Ɓó ar né gə́ kori-kori kára kara dum dɔm el tɔ.

Pakɔsje 19:13

See na̰ ɓa gər loo ndəm ləa wa. Néje gə́ m’ra lal gər ginee lé Maji kari ar məəi ti mbidi dɔ’g.

Ləbije 13:40

Loo gə́ yiŋga dɔ dəw mbar mbár-mbár ndá yeḛ to njedɔmbar: rəa àr ya.

Bula lə Israɛlje 33:55

Nɛ ɓó lé seḭ tobje njéɓeeje neelé ɔm deeje əw el ndá deḛ gə́ mbuna dee’d gə́ seḭ a kya̰ deeje kar dee nai neelé d’a to asəna gə kunje gə́ d’a tɔs kəm sí ləm, d’a to asəna gə né-kɔs-kaar gə́ d’a kɔs kaar sí ləm tɔ ndá d’a to njéba̰je lə sí mee ɓee gə́ seḭ a kaw síje keneŋ lé.

Njé gə́ Rɔmə 13:14

Nɛ Mbaidɔmbaije Jeju Kristi ɓa ulaje rɔ sí’g. Tɔsje kəm sí dɔ darɔ sí’g bao-bao mba kar mal néje gə́ ɓəd-ɓəd gə́ ra sí lé ula sí na̰’d el.

Njé gə́ Rɔmə 2:8

Nɛ deḛ gə́ maḭta gə́ gə mḭdé ba d’ɔs ne ta gə́ tɔgərɔ rəw ləm, tel rɔ dee goo né gə́ dɔ najee el ləm tɔ lé oŋg gə meeko̰ a koso dɔ dee’g.

Njé gə́ Rɔmə 5:21

mba kar loo gə́ kaiya o̰ ɓee dɔ dəwje’g lai ar dee d’wəi ne ndá noji gə́ ar dee d’isi ne gə́ njémeekarabasurje lé a taa ɓee rima-rima tɔ, kar dee d’isi ne gə kəmə gə́ gə no̰ lé gin Jeju Kristi, Mbaidɔmbaije’g lə sí lé tɔ.

Njé gə́ Rɔmə 6:14

Mbata kaiya a kuba dɔ sí si tar el ŋga mbata seḭ síje gin noji’g lé ɓó gin godndu’g el ŋga.

Njé gə́ Rɔmə 6:16

See seḭ gərje el wa, yeḛ gə́ seḭ ɔmje rɔ sí jia’g mba kila ne ŋgonkoji dəa’g lé ndá seḭ naije gə́ ɓərje ləa nja. Lé kaiya gə́ o̰ sí ɔm sí ta yoo’g əsé ŋgonkoji gə́ o̰ sí ɔm sí dɔ meekarabasur’g, yeḛ gə́ seḭ ɔmje rɔ sí jia’g lé ndá seḭ toje ɓərje ləa ya.

Njé gə́ Rɔmə 8:11

Ɓó lé Ndil yeḛ gə́ njeteḛ gə Jeju Kristi dan njé gə́ d’wəi’g lé to meḛ sí’g ndá yeḛ gə́ njeteḛ gə Jeju Kristi dan njé gə́ d’wəi’g lé a kaji darɔ sí gə́ njekunda naŋg lé gə goo Ndilee gə́ ra ɓee meḛ sí’g ya.

Njé gə́ Rɔmə 8:13

Tɔgərɔ ya, ɓó lé seḭ sije kəmba gə mba darɔ ndá seḭ a kwəije ne. Nɛ ɓó lé seḭ ndolèje goo Ndil, tɔlje ne néra lə darɔ ndá seḭ a sije ne gə kəmə lé ya.

2 Njé gə́ Kɔrḭtə 4:11

Jeḛ gə́ j’isi kəmba lé d’ɔm sí ta yoo’g ta-ta mbata lə Jeju, darɔ sí gə́ njekunda naŋg lé ɓa kaw kəmba lə Jeju a to ne raga ndəgəsə.

2 Njé gə́ Kɔrḭtə 5:4

Mbata loo gə́ jeḛ naije kəi-surum’g ɓəi lé jeḛ j’wa mḭ n’tuma̰ keneŋ ŋgururu-ŋgururu asəna gə dəw gə́ odo nékodo gə́ wɔi bèe, mbata jeḛ ndiŋga rɔ sí mba bɔr dɔ sí yeḛ gə́ ləw’g mbɔji el nɛ mba kiŋga yeḛ gə́ sigi. Bèe ɓa rɔ sí gə́ a gə kunda naŋg lé kəmə gə́ sigi a ko̰ bia̰ dɔ’g réd kudu.

Njé gə́ Galati 5:16

Ta gə́ ma m’pa ɓa nee ya: Njaaje gə goo rəw gə́ Ndil ɓa tɔji sí, togə́bè ɓa mal né gə́ wɔji dɔ ka̰ darɔ lé seḭ a raje el tɔ.

Njé gə́ Galati 5:24

Deḛ gə́ to gə́ ka̰ Jeju Kristi lé d’wa darɔ dee gə mal né gə́ ula pər meḛ dee’g ləm, gə né gə́ meḛ dee ndigi ləm tɔ lé d’wa bura ɗar kaar kag’d ya.

Njé gə́ Epesə 2:3

Jeḛ lai kara j’ɔm sə dee na̰’d tɔ ndá kédé lé jeḛ n’tɔlje ne mal né gə́ ra darɔ sí bém ləm, n’raje ne né gə́ darɔ sí gə meḛ sí ɓa wɔji ləma, n’toje ne ŋganje gə́ oŋg ɓa wɔji dɔ sí to gə́ njé gə́ raŋg lé ləm tɔ.

Njé gə́ Epesə 4:22

mba kar sí bɔrje dɔ sí mbɔji, ɔrje rɔ dəw gə́ ləw gə ndum néreaje lai gə́ su ne kəm sí lé

Tel tura Godndu 7:2

loo gə́ Ala lə sí gə́ Njesigənea̰ a kɔm dee ji sí’g kar sí tuji deeje lai lé ndá seḭ a tuji deeje mbad-mbad ya ɓó seḭ a manje rɔ sí gə mba kɔmje sə dee na̰’d el ləma, seḭ a raje sə dee meemaji el ləm tɔ.

1 Njé gə́ Tesalonikə 4:5

ɓó a ra gə goo malee gə́ ula na̰’d el mbata yee ɓa gə́ néra njépole-magəje lé.

2 Timote 2:22

Sa rɔi rəw dɔ mal néje gə́ ra basaje ndá tel ndolè goo meekarabasur ləm, gə meekun ləm, gə meenoji ləma, gə meelɔm ləm tɔ, ɔm ne na̰’d gə deḛ gə́ ɓar ri Mbaidɔmbaije gə meenda kɔr jol-jol.

Titə 2:12

Noji neelé ndɔ sí mba kar sí mbad néje gə́ aw gə goo ka̰ meenda lə Ala lé el ləm, gə mbad mal néje gə́ ra dəwje ləm tɔ. Yee ndoo sí mba kar sí j’isi mbuna dəwje gə́ dɔ naŋg nee ɓasinè lé j’unda ne kəmkàr dɔ rɔ sí’g ləm, n’ra ne né gə́ to gə dɔ najee ləma, gə n’ra ne né gə́ to gə goo ka̰ meenda lə Ala lé ləm tɔ.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.

1 Piɛrə 1:14

Raje to gə́ ŋganje gə́ njékilakojije ɓó arje mal néje gə́ ra sí kédé loo gə́ seḭ naije ne dan mbə’g lé areeje ra sí el ŋga.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.

Jude 1:16

Deḛje neelé deḛ to njémeekadje gə́ d’unda ndu d’im ne rɔ dee jim-jim ləm, d’ar mal néje gə́ ra dee ula pər meḛ dee’g ləm, kəsta ɓa ubu na̰ ta dee’g pur-pur ləma, deḛ to njélèbè kəm mar deeje gə nojimeekas ləm tɔ.

Jude 1:18

Deḛ d’ula sí pana: ndɔ gə́ rudu lé njédəjinduje d’a si keneŋ ya, d’a ra gə goo mal néje gə́ yèr gə́ ra dee lé.

Njéga̰g-Rəwtaje 2:3

Bèe ɓa ma m’pa ya tɔɓəi m’pana: M’a tuba dee no̰ sí’g el nɛ d’a tel to gə́ njékɔs kaar síje ləm, magəje lə dee kara d’a to gum kwa sí ləm tɔ.