Njé gə́ Rɔmə 5:9 - Maktub gə́ To gə Kəmee

⁹ Ŋga to gə́ ɓasinè lé məsee ɔr ne ta dɔ sí’g mba̰ ndá yeḛ a kɔr sí dan oŋg’g kar sí j’aji ne ɓəi tɔ.

Njé gə́ Rɔmə 5:9 ပူးပေါင်းရင်းမြစ်များ

Tagə́maji gə́ Ja̰ ndang 5:24

Ma m’ula sí təsərə, nana ɓa gə́ oo tapam unda ne mée dɔ yeḛ gə́ njekulam’g ndá yeḛ si gə kəməgə́ gə no̰ lé mba̰, yeḛ a tibi mbɔr rəwta-gaŋg el nɛ yeḛ unda loo-yoo gaŋg uru loo gə́ si gə kəmə lé mba̰.

Njé gə́ Rɔmə 1:18

Ala riba dɔ oŋg ləa gə́ ḭ dara ɔm dɔ ndɔlje lai gə́ dəwje ndɔlee ne ləm, gə dɔ néra majelje lai gə́ dəwje ra d’wa ne dɔ kankəmta d’orè gə́ naŋg lé ləm tɔ.

Njé gə́ Rɔmə 5:1

Jeḛ lé mbɔl dɔ meekun lə sí ɓa Ala ɔr ne ta dɔ sí’g yee ɓa Mbaidɔmbaije lə sí Jeju Kristi lé ar sí j’ɔm na̰’d yəg gə Ala tɔ.

Njé gə́ Rɔmə 5:10

Loo gə́ jeḛ nai gə́ njéba̰je ləa ɓəi lé kwəi lə Ŋgonee ɓa gɔl sí ɔm sí na̰’d yəg gə Ala lé nɛ ɓəd ɓa see kəmə gə́ yeḛ tel si kəmba lé see jeḛ gə́ j’ɔm na̰’d gə Ala lé see j’a kaji ne el wa.

Njé gə́ Rɔmə 8:1

Bèe ndá deḛ gə́ d’ɔm na̰’d gə Jeju Kristi lé ta kára kara wa dɔ dee ɓasinè el.

Njé gə́ Rɔmə 8:30

Deḛ gə́ yeḛ wɔji dee mée’g kédé lé yeḛ ɓar dee ləm, deḛ gə́ yeḛ ɓar dee lé yeḛ ɔr ta dɔ dee’g ləma, deḛ gə́ yeḛ ɔr ta dɔ dee’g lé yeḛ ula rɔnduba dɔ dee’g ləm tɔ.

Njé gə́ Epesə 2:13

Nɛ mbɔl dɔ Jeju Kristi ɓa seḭ gə́ ləw lé seḭ sije ne ŋgərəŋ lé ɓasinè məs Jeju Kristi ɓa rəm sə sí wər gə́ rəa’g.

Njé gə́ Epesə 2:3

Jeḛ lai kara j’ɔm sə dee na̰’d tɔ ndá kédé lé jeḛ n’tɔlje ne mal né gə́ ra darɔ sí bém ləm, n’raje ne né gə́ darɔ sí gə meḛ sí ɓa wɔji ləma, n’toje ne ŋganje gə́ oŋg ɓa wɔji dɔ sí to gə́ njé gə́ raŋg lé ləm tɔ.

1 Njé gə́ Tesalonikə 1:10

Yee ɓa, seḭ ŋginaje ne Ŋgonee gə́ a gə kḭ dara lé yee ɓa to Jeju gə́ Ala aree unda loo teḛ dan njé gə́ d’wəi’g ləm, yeḛ gə́ ɔr sí dan oŋg gə́ a gə ree lé ləm tɔ.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

Ǝbrəje 9:22

Məs ɓa ɔr won néje lé to gə́ godndu lé wɔji, ɓó lé məs oso naŋg teŋ el ndá loo kɔr kaiya meḛ dəwje’g a godo tɔ.

1 Ja̰ 1:7

Nɛ ɓó lé jeḛ njaa dan kàrá to gə́ yeḛ nja nai dan kàrá lé ndá jeḛ j’ɔm meḛ sí na̰’d sad ya, bèe ɓa məs Jeju Ŋgonee ɔr ne won kaiyaje lə sí ɓə̰dərə-ɓə̰dərə tɔ.