Njé gə́ Rɔmə 5:6 - Maktub gə́ To gə Kəmee

⁶ Tɔgərɔ ya, loo gə́ siŋga sí yɔ ɓəi lé Kristi ɓa wəi gə mbata njékɔs Ala rəwje mee ndəa gə́ Ala ɓa wɔji.

Njé gə́ Rɔmə 5:6 ပူးပေါင်းရင်းမြစ်များ

Pakɔsje 1:1

Dəw gə́ taa ta sula lə njémeeyèrje njaa keneŋ el ləm, Gə ɔs gɔlee naŋg gèŋ rəw’g lə njékaiyaje el ləma, Gə si na̰’d gə njékimlooje el ləm tɔ ndá Yeḛ si gə rɔlel ya.

Nɔ̰-ndôo gə́ wɔji dɔ Jerusalem 1:6

Rɔnduba lə ɓee-boo gə́ Sio̰ godo, Mbaije ləa lé to d’asəna gə arkasje Gə́ d’iŋga nésɔ dee el bèe ləm, Deḛ d’aḭ lal siŋga dee No̰ dəw gə́ aw tuba dee lé ləm tɔ.

Loo gə́ killa rea kəm Daniel’g 11:15

Mbai gə́ dɔgel lé a kaw kəmee gə́ kédé ləm, yeḛ a kuba dɔndalje ləma, ɓee-booje gə́ gə siŋga dee kara yeḛ a taa dee ləm tɔ. Kudu njérɔje gə́ dɔkɔl gə bao-rɔje lə mbai lé d’a kaar kɔgərɔ koma̰ ne səa el ləm, siŋga dee a kaskəm kar dee d’aar gəs nea̰’g el ləm tɔ.

Bula lə Israɛlje 7:15

Bɔ maŋg kára ləm, bàl badə kára ləma, ŋgonbad gə́ ra ləbee kára ləm tɔ ɓa gə mbata nékinjaməs gə́ ka̰ roo lé,

Njé gə́ Rɔmə 11:26

Togə́bè ɓa ginkoji Israɛlje bura d’a kaji ne, to gə goo ta gə́ ndaŋg mee maktub gə́ to gə kəmee lé pana: Njetaa dɔ dee a kḭ Sio̰. Ndá yeḛ a kar ŋgaka Jakobje d’uba goo kila ndɔl dɔ Ala’g lə dee d’ya̰.

Njé gə́ Rɔmə 4:25

Jeju lé deḛ d’wá tɔlee gə mbata kaltaje lə sí nɛ yeḛ unda loo teḛ dan njé gə́ d’wəi’g gə mba kar sí n’toje njémeekarabasurje ya.

Njé gə́ Rɔmə 4:5

Yeḛ gə́ ra né el nɛ yeḛ ɔm mée dɔ yeḛ gə́ ɔr kaiya dɔ njekɔs Ala rəw’g ndá meekun ləa lé Ala lé tura gə́ darɔ meekarabasur ləa ya.

Njé gə́ Rɔmə 5:10

Loo gə́ jeḛ nai gə́ njéba̰je ləa ɓəi lé kwəi lə Ŋgonee ɓa gɔl sí ɔm sí na̰’d yəg gə Ala lé nɛ ɓəd ɓa see kəmə gə́ yeḛ tel si kəmba lé see jeḛ gə́ j’ɔm na̰’d gə Ala lé see j’a kaji ne el wa.

Njé gə́ Rɔmə 5:7

Dɔmaji-nà dəw a kwəi gə mbata lə maree gə́ njemeekarabasur əsé dəw gə́ maji ɓa maree a kwa dəa jim nja a kwəi yoo ləa ɓəi.

Njé gə́ Rɔmə 5:8

Nɛ Ala nja kila meenoji ləa kɔd gə́ rɔ sí’g mbata loo gə́ jeḛ nai gə́ njékaiyaje ɓəi lé Kristi wəi gə mbata lə sí.

Njé gə́ Rɔmə 8:32

Ŋgon mée kara yeḛ yá̰ ar sí ɓó ŋgəmee rəa’g el, nɛ ɓəd ɓa see néje gə́ raŋg lai-lai lé see a kɔg sí tɔɓəi wa.

Njé gə́ Rɔmə 8:34

See na̰ ɓa gə́ njekila ta dɔ dee’g tɔɓəi wa. Jeju Kristi gə́ wəi lé yeḛ teḛ dan njé gə́ d’wəi’g mba̰ ndá yeḛ aw si dɔ jikɔl Ala’g lé ra rəwta lə sí rɔ Ala’g lé tɔ.

Njé gə́ Galati 2:20

Ma m’ɗar rɔm gə Kristi na̰’d, ɓó lé m’isi kəmba ndá kara to ma el ŋga, nɛ Kristi ɓa si kəmba məəm’g, ɓó lé m’isi kəmba gə darɔm ɓasinè ndá kara meekun gə́ m’un m’ar Ŋgon-Ala lé ɓa m’isi ne kəmba. Yeḛ nja ɓa undam dan kəmee’g, ya̰ rəa ar yoo mbata ləm tɔ.

Njé gə́ Galati 4:4

Nɛ loo gə́ ndəa gə́ Ala wɔji lé aw lée’g béréré ndá yeḛ ula Ŋgonee ar dené ojee gin godndu’g,

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

Njé gə́ Kolosə 2:13

Seḭ lé seḭ wəije yoo-kalta lə sí lé ləm, gə yoo-néra sí gə́ wɔji dɔ goré gə́ deḛ goré ne dakasrɔ sí el ləm tɔ nɛ Ala nja ar sí tel sije kəmba gə Kristi na̰’d loo gə́ yeḛ ar mée oso lemsé dɔ kaltaje’g lə sí.

1 Njé gə́ Tesalonikə 5:9

Tɔgərɔ ya, Ala ɓar sí mba kar oŋg ləa ɔm dɔ sí’g el nɛ yeḛ ɓar sí mba kar sí j’iŋga kaji gin Mbaidɔmbaije’g lə sí Jeju Kristi,

1 Timote 1:9

Mbata jeḛ n’gər gao d’unda godndu lé mbata lə njera né gə́ gə dɔ najee el nɛ deḛ d’unda mbata lə njémeeyèrje ləm, gə njékɔsta-rəwje ləm, gə njékaiyaje ləm, gə njékɔs Ala rəwje ləm, gə njétɔl bɔ deeje gə ko̰ deeje ləma, gə njétɔl mar deeje ləm tɔ,

Titə 2:12

Noji neelé ndɔ sí mba kar sí mbad néje gə́ aw gə goo ka̰ meenda lə Ala lé el ləm, gə mbad mal néje gə́ ra dəwje ləm tɔ. Yee ndoo sí mba kar sí j’isi mbuna dəwje gə́ dɔ naŋg nee ɓasinè lé j’unda ne kəmkàr dɔ rɔ sí’g ləm, n’ra ne né gə́ to gə dɔ najee ləma, gə n’ra ne né gə́ to gə goo ka̰ meenda lə Ala lé ləm tɔ.

Ǝbrəje 8:3

Ŋgɔ-njekinjanéməs gə́ rara kara d’undá mba karee un nénojije gə nékoga-kaiyaje ar Ala, nɛ né kea̰-yeḛ kara yeḛ a kun kar Ala ya tɔ.

Ǝbrəje 9:26

Ɓó lé to togə́bè ndá nékəmndoo a ra Kristi gɔl bula ndɔ tum gel naŋg nee saar, nɛ ɓasinè loo gə́ rudu naŋg nee nai dəb ndá yeḛ unda loo teḛ mba tuji ne kó kaiya gə nékinjaməs gə́ to gə́ darəa-yeḛ ya.

1 Piɛrə 1:20

Ala nja ɔree ar sí mba̰ ɓa yeḛ tum gin naŋg nee ɓəi ləm, ndɔ gə́ rudu neelé yeḛ riba dəa mbata lə sí ləm tɔ.

2 Piɛrə 3:7

Tɔɓəi ta gə́ teḛ ta Ala’g lé ɓa dara gə naŋg gə́ ɓasinè lé d’wa ne rɔ deḛ ŋgina ne pər gə́ a ko̰ dee ndɔ gaŋg rəwta’g, ndɔ gə́ dəwje gə́ néra dee to gə goo ka̰ Ala el lé d’a tuji ne ya.

Jude 1:15

gə mba gaŋg rəwta dɔ dəwje’g lai ya ləm, mba kar bo̰ néra gə́ yèr lai gə tapa gə́ yèr lai gə́ njékaiyaje gə́ to njéndɔl-Alaje gə́ d’isi mbuna dee’g d’ila dəa’g lé ɔs ne ta dee’g ləm tɔ.

Jude 1:18

Deḛ d’ula sí pana: ndɔ gə́ rudu lé njédəjinduje d’a si keneŋ ya, d’a ra gə goo mal néje gə́ yèr gə́ ra dee lé.

Jude 1:4

Mbata dəwje gə́ na̰je d’andə mbuna sí’g wai-wai, nɛ ta gə́ a gə kwa dɔ dee lé deḛ ndaŋg ləw ba. Deḛ neelé deḛ to njéndɔl-Alaje ɓa deḛ d’un noji lə Ala lə sí telee gə́ né lɔm dɔ néra gə́ kori-kori lə dee ləm, Mbaidɔmbaije Jeju Kristi gə́ to ɓée síje kára ba kiao lé deḛ mbadee saar ləm tɔ.