Njé gə́ Rɔmə 5:4 - Maktub gə́ To gə Kəmee

⁴ meekila lé tel meekai ləma, meekai lé gə́ kuma̰ meekundayel ləm tɔ.

Njé gə́ Rɔmə 5:4 ပူးပေါင်းရင်းမြစ်များ

Pakɔsje 71:14

Nɛ ma lé m’a kunda məəm yel gə ndɔje kára-kára lai, M’a pidii, m’a tel pidii ya gə́ kédé-kédé.

Lugu 21:19

Meekai sam-sam lə sí ɓa seḭ a kajije ne ya.

Njé gə́ Rɔmə 15:4

Mbata taje lai gə́ deḛ ndaŋg mee maktub’g kédé lé deḛ ndaŋg gə mba ndoo sí ne mba kar mbɔl dɔ meekila gə ta gɔl mee gə́ maktub gə́ to gə kəmee ar sí lé jeḛ j’unda ne meḛ sí yel ya.

Njé gə́ Pilibə 2:22

Seḭ gərje gao to gə́ Timote lé to ne majikoji ya, yeḛ orəm més loo kula gə́ wɔji dɔ Tagə́maji lé to gə́ ŋgon gə́ la gə bɔbeeje bèe.

Ǝbrəje 6:19

Ta neelé gə́ j’unda meḛ sí yel gə́ dɔ’g lé to asəna gə riŋgi-to gə́ kədərə kaw-kaw gə́ jeḛ n’reḛ́ keneŋ rḛ́-rḛ́, yee ɓa jeḛ woḭ ne mbuna kubu gə́ a teḛ sə sí njal mee kəi gə́ to gə kəmee’g

Maktub gə́ Jak ula ne ar ngan-Allaje 1:12

Dəw gə́ wa mée mbidi ti dɔ nékər gə́ a gə neán ndá rəa a lelee, mbata loo gə́ yeḛ dum dɔ nékər mba̰ ndá yeḛ a kiŋga dɔgugu gə́ ka̰ kəmə gə́ Mbaidɔmbaije un ndia mba kar deḛ gə́ d’undá dan kəm dee’g lé.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.