Njé gə́ Rɔmə 5:10 - Maktub gə́ To gə Kəmee

¹⁰ Loo gə́ jeḛ nai gə́ njéba̰je ləa ɓəi lé kwəi lə Ŋgonee ɓa gɔl sí ɔm sí na̰’d yəg gə Ala lé nɛ ɓəd ɓa see kəmə gə́ yeḛ tel si kəmba lé see jeḛ gə́ j’ɔm na̰’d gə Ala lé see j’a kaji ne el wa.

Njé gə́ Rɔmə 5:10 ပူးပေါင်းရင်းမြစ်များ

2 Sôrta Gḭka Israɛlje 29:24

Njékinjanéməsje tḭja gwɔb dee ndá taa məs dee d’aw tər gɔl loo-nékinjaməs’g mba kuga ne dɔ kaiyaje lə Israɛlje lai, mbata mbai lé un ndia ar dee d’inja ne nékinjaməs gə́ ka̰ roo ləm, gə nékinjaməs gə́ ka̰ kuga dɔ kaiya ləm tɔ mbata lə Israɛlje lai ya.

Ejekel 45:20

Ndɔ gə́ njekɔm’g siri mee naḭ’g lé d’a ra togə́bè ya to mbata deḛ gə́ d’ḭ gə meḛ dee ɓa ra kaiya el əsé deḛ gə́ lal kunda kəmkàr dɔ rɔ dee’g ɓa ar dee ra kaiya, d’a ra togə́bè mba kɔr ne won kəi gə́ to gə kəmee.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Tagə́maji gə́ Ja̰ ndang 14:19

Waga ba bèe ndá dəwje gə́ dɔ naŋg nee d’a koom el ŋga, nɛ seḭ lé seḭ a koomje ya mbata m’isi kəmba ndá seḭ kara a sije kəmba ya tɔ.

Tagə́maji gə́ Ja̰ ndang 5:26

Mbata to gə́ Bɔ-dəwje si gə kəmə lé mée’g ndá yeḛ ar Ŋgon kara si gə kəmə lé mée’g togə́bè ya tɔ.

Tagə́maji gə́ Ja̰ ndang 6:40

Tɔgərɔ ya, né gə́ mee Bɔm wɔji lé ɓa to nee: Nana ɓa gə́ oo Ŋgon lé ɓa ɔm mée dəa’g ndá a si gə kəməgə́ gə no̰ lé ləm, m’a karee unda loo teḛ loo-yoo’g ndɔ gə́ rudu’g lé ləm tɔ.

Tagə́maji gə́ Ja̰ ndang 6:57

To gə́ Bɔ-dəwje gə́ ulam lé si kəmba ləm, ma kara mbɔl dəa ɓa m’isi ne kəmba ləm tɔ lé togə́bè ɓa yeḛ gə́ sɔm ndá mbɔl dɔm-ma lé yeḛ a si ne kəmba tɔ.

Njé gə́ Rɔmə 11:28

Tagə́maji neelé deḛ to njékɔsee rəwje gə mbata lə sí-seḭje ya. Nɛ kɔr gə́ yeḛ ɔr ka deeje kédé lé yee ɓa yeḛ ndigi dee ne unda dee dan kəmee’g ɓəi.

Njé gə́ Rɔmə 5:11

To yee gə́ nee ɓa el, nɛ mbɔl dɔ Mbaidɔmbaije Jeju Kristi gə́ njekɔm sí na̰’d yəg lé ɓa jeḛ ndá ne meḛ sí kaḭ dɔ Ala’g tɔ.

Njé gə́ Rɔmə 5:6

Tɔgərɔ ya, loo gə́ siŋga sí yɔ ɓəi lé Kristi ɓa wəi gə mbata njékɔs Ala rəwje mee ndəa gə́ Ala ɓa wɔji.

Njé gə́ Rɔmə 8:32

Ŋgon mée kara yeḛ yá̰ ar sí ɓó ŋgəmee rəa’g el, nɛ ɓəd ɓa see néje gə́ raŋg lai-lai lé see a kɔg sí tɔɓəi wa.

Njé gə́ Rɔmə 8:34

See na̰ ɓa gə́ njekila ta dɔ dee’g tɔɓəi wa. Jeju Kristi gə́ wəi lé yeḛ teḛ dan njé gə́ d’wəi’g mba̰ ndá yeḛ aw si dɔ jikɔl Ala’g lé ra rəwta lə sí rɔ Ala’g lé tɔ.

Njé gə́ Rɔmə 8:7

Yeḛ gə́ wa goo rəa dɔ darɔ’g ndá yeḛ wa ba̰ gə Ala, mbata darɔ lé oso kul dɔ godndu Ala’g lé el mbata asəna̰’d aree el.

2 Njé gə́ Kɔrḭtə 5:20

Bèe ndá jeḛ lé n’to njenai gə dəwje mba Kristi, jeḛ n’taa ndu Ala m’pa ne ta j’ar dee pana: Jeḛ n’ra ndòo rɔ sí’g gə ri Kristi, maji kar sí ɔmje na̰’d yəg gə Ala ya.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Njé gə́ Epesə 2:16

Kag-dəs ləa ɓa yeḛ orè dee ne na̰’d joo bɔr ar dee to ne dəwje gə́ gin kára ba gə́ d’ɔm na̰’d gə Ala lé ləm, yeḛ udu ne kəm ba̰ lə dee jigi ləm tɔ.

Njé gə́ Epesə 2:3

Jeḛ lai kara j’ɔm sə dee na̰’d tɔ ndá kédé lé jeḛ n’tɔlje ne mal né gə́ ra darɔ sí bém ləm, n’raje ne né gə́ darɔ sí gə meḛ sí ɓa wɔji ləma, n’toje ne ŋganje gə́ oŋg ɓa wɔji dɔ sí to gə́ njé gə́ raŋg lé ləm tɔ.

Ǝbrəje 2:17

Togə́bè ɓa, rəa gə́ yeḛ tel tana gə ŋgabɔbeeje, tana sə dee pai-pai lé gə́ kuma̰ mba karee to ne ŋgɔ-njekinjanéməs gə́ njemeekɔrjol ləm, gə njemeenda londoŋ mba ra kula no̰ Ala’g ləm tɔ mba kuga ne kaiya lə dəwje lé.

Ǝbrəje 7:25

Yee gə́ bèe ɓa, yeḛ askəm kaji ne deḛ gə́ mbɔl dəa ɓa rəm pər gə́ rɔ Ala’g lé, a kaji dee ne kɔr njal mbata yeḛ to njesikəmba saar-saar gə no̰ mba ra rəwta lə dee-deḛ kar dee ya.

1 Ja̰ 2:1

Ŋganəmje, ma m’ndaŋg maktub nee m’ar sí mba kar sí ɔrɔje ne rɔ kaiya kára kara el. Ɓó lé dəw kára ra kaiya ndá njera rəwta lə sí si rɔ Bɔ-dəwje’g béréré mba̰, yeḛ nja ɓa to Jeju Kristi gə́ njemeekarabasur lé.

1 Ja̰ 4:10

Aa ooje, rəw meenoji lə Ala lé ɓa nee: Jeḛ ɓa j’unda Ala dan kəm sí’g kédé el nɛ yeḛ nja ɓa unda sí dan kəmee’g ɓa ula Ŋgonee gə́ gəd-gəd aree ree tel nékinjaməs mbata kaiya lə sí ya.

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.