Njé gə́ Rɔmə 4:25 - Maktub gə́ To gə Kəmee

²⁵ Jeju lé deḛ d’wá tɔlee gə mbata kaltaje lə sí nɛ yeḛ unda loo teḛ dan njé gə́ d’wəi’g gə mba kar sí n’toje njémeekarabasurje ya.

Njé gə́ Rɔmə 4:25 ပူးပေါင်းရင်းမြစ်များ

Esai 53:4

Lée togə́bè kara to nékəmndooje lə síjeḛ ɓa Yeḛ odo ɔm dəa’g ləm, Rɔ ndiri njigi-njigi lə síjeḛ ɓa Yeḛ ɓugu dəa’g ləm tɔ. Nɛ jeḛ lé j’ée gə́ dəw gə́ bo̰ nérea-yeḛ nja ɓa ɔs təa’g Ɓa Ala undá ula ne kəmee ndòo.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Loo gə́ killa rea kəm Daniel’g 9:26

Loo gə́ mee ndəaje gə́ siri-siri gɔl rɔ-misa̰-giree-joo godo mba̰ ndá yeḛ gə́ deḛ tər ubu dəa’g lé d’a tɔlee, tɔɓəi njetaa toree a godo. Dəwje lə mbai gə́ kára d’a ree mba tuji ɓee-boo ləm, gə loo gə́ to gə kəmee ləm tɔ. Rudu tuji a to kasəna gə ma̰-bélm bèe, tɔɓəi tujije d’a to keneŋ saar d’a təd ne rɔ.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Matiyo 20:28

Yee gə́ bèe ɓa Ŋgon-dəw ree ne naŋg nee mba ra ne né kar dəwje gə́ dɔ naŋg nee ɓó gə mba kar dəwje gə́ dɔ naŋg nee ɓa ra né d’aree el. Yeḛ ree gə mba kila rəa kɔ gə́ nékoga dɔ dəwje bula ya.

Njé gə́ Rɔmə 3:25

Jeju Kristi lé nja Ala ɔree undá ne gə́ nékinjaməs gə mba kuga ne dɔ kaiya lə deḛ gə́ d’ɔm meḛ dee dəa’g. Yee ɓa Ala ar meekarabasur ləa kila ne kɔd mbata kédé lé yeḛ un kəmee rəw dɔ kaiya’g lə dəwje gə́ ra loo kila mée’g ləa.

Njé gə́ Rɔmə 5:18

Bèe ndá to gə́ kalta gə́ loo kára ba ya ta wa ne dɔ dəwje lai unda dee ne naŋg rə̰dəŋ-rə̰dəŋ ndá néra gə́ gə dɔ najee lə dəw kára ba ya, ta ɔr ne dɔ dəwje’g lai ar dee d’isi ne gə kəmə lé tɔ.

Njé gə́ Rɔmə 8:3

Né gə́ dum godndu lé mbata darɔ dəw ɓa as ra torndia el lé Ala nja ra ar ta wa ne dɔ kaiya lə darɔ loo gə́ yeḛ ula ne Ŋgonee gə́ gəd-gəd gə́ to tana gə darɔ síjeḛ njékaiyaje mba kɔr ne ta kaiya meḛ dəwje’g ləm,

1 Njé gə́ Kɔrḭtə 15:17

Ɓó lé Kristi teḛ el ndá meekun lə sí to gə́ mḭdé ba ləm, seḭje naije dan kaiya’g lə sí ɓəi ləm tɔ.

2 Njé gə́ Kɔrḭtə 5:15

Yeḛ wəi mbata lə deḛ lai mba kar deḛ gə́ d’isi kəmba lé d’isi kəmba mbata ləa-yeḛ gə́ wəi mbata lə dee ləm, unda loo teḛ dan njé gə́ d’wəi’g mbata lə dee ləm tɔ ɓó mbata lə dee-deḛ el.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Njé gə́ Galati 1:4

Yeḛ nja ya̰ rəa ar yoo mbata kaiya lə sí, mba kwa sí wɔgədɔ kɔr sí dan néra gə́ majel gə́ dɔ naŋg nee mee ləb gə́ ɓasinè’g to gə́ mee Ala Bɔ síjeḛ wɔji lé tɔ.

Njé gə́ Galati 2:20

Ma m’ɗar rɔm gə Kristi na̰’d, ɓó lé m’isi kəmba ndá kara to ma el ŋga, nɛ Kristi ɓa si kəmba məəm’g, ɓó lé m’isi kəmba gə darɔm ɓasinè ndá kara meekun gə́ m’un m’ar Ŋgon-Ala lé ɓa m’isi ne kəmba. Yeḛ nja ɓa undam dan kəmee’g, ya̰ rəa ar yoo mbata ləm tɔ.

Njé gə́ Galati 3:13

Kristi uga sí ɔr ndɔl godndu dɔ sí’g mbata yeḛ tel to dəw gə́ ndɔl wa dəa mbata lə sí, mbata deḛ ndaŋg ta mee maktub’g pana: Nana ɓa gə́ deḛ ɗaree kaar kag’d lé ndá ndɔl yoo nai dəa’g ya.

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

Ǝbrəje 8:3

Ŋgɔ-njekinjanéməs gə́ rara kara d’undá mba karee un nénojije gə nékoga-kaiyaje ar Ala, nɛ né kea̰-yeḛ kara yeḛ a kun kar Ala ya tɔ.

Ǝbrəje 9:28

togə́bè ɓa Kristi kara wəi gɔl kára ba kiao gə́ ŋgaŋgee to mba kodo ne kaiyaje lə dəwje bula. Loo ree ləa gə́ gɔl joo lé yeḛ a ree mba kaji deḛ gə́ ŋginá pèrèrè lé ɓó mba taa kaiya le dee el ŋga.

1 Piɛrə 1:21

Mbɔl dəa-yeḛ nja seḭ ɔmje ne meḛ sí dɔ Ala gə́ njeteḛ səa dan njé gə́ d’wəi’g ula ne rɔnduba dəa’g. Yee ɓa seḭ unje ne meḛ sí arje Ala ləm, meḛ sí to ne yel gə́ dəa’g ləm tɔ.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

1 Piɛrə 3:18

Tɔgərɔ ya, Kristi, njemeekarabasur lé wəi gɔl kára ba kiao gə́ ŋgaŋgee mbata lə njéra né kori-korije gə mba kɔr sí ne kaw sə sí kar Ala ya, darəa ɓa deḛ tɔl nɛ Ndil ɓa tel ula kəmə mée’g gogo ɓəi.

1 Ja̰ 2:2

Yeḛ nja d’inja gə́ məs, d’udu ne bwa-kaiya lə sí lé, bwa-kaiya lə síjeḛ ɓa gə kar sí el, nɛ ka̰ dəwje lai-lai dɔ naŋg neelé nja tɔ.

Loo gə́ killa rea kəm Ja̰’g 1:5

gə ka̰ Jeju Kristi Njekɔrgoota gə́ to Majikoji gə́ unda loo teḛ dan njé gə́ d’wəi’g doŋgɔr lé yeḛ to Mbai dɔ mbaije gə́ dɔ naŋg nee ləm tɔ. Yeḛ nja unda sí dan kəmee’g, togo ne kaiya lə sí gə məsee ləm,

Loo gə́ killa rea kəm Ja̰’g 5:9

Deḛ d’ɔs pa gə́ sigi pana: I nja askəm taa maktub gə mba tɔr nérḛdə təa mbata deḛ d’ḭjai gə́ məs, i uga ne dəwje gə məsi ar Ala ɔr dee ne gə gelɓee dəwje-dəwje ləm, gə dəwje gə́ tapa dee gə ria-ria ləma, gə ginkoji dəwje gə raŋg ləm tɔ.

Loo gə́ killa rea kəm Ja̰’g 7:14

Ma m’ula m’pana: Mbai ləm, i gər gao ya. Yeḛ ilam keneŋ pana: Deḛ lé d’ḭ dan némeeko̰ gə́ boo ya, deḛ togo kubuje lə dee ndá məs Ŋgonbad ɓa d’ar kubuje lə dee àr ne raŋg-raŋg.