Njé gə́ Rɔmə 4:14 - Maktub gə́ To gə Kəmee

¹⁴ Mbata lé mbɔl dɔ godndu ɓa dəwje to ne njékiŋga nédɔji lə dee ɓəi ndá meekun neelé a to gə́ né gə́ kari ba ləm, ndukun kara a tel to né gə́ a tuji pugudu ləm tɔ.

Njé gə́ Rɔmə 4:14 ပူးပေါင်းရင်းမြစ်များ

Pakɔsje 119:126

Kàree as gə mba kar Njesigənea̰ ra né ya, Mbata deḛ d’al ta ta godndui’g.

Esai 55:11

Togə́bè ɓa taje gə́ teḛ tam’g lé D’a tel ree rɔm’g Lal kar née teḛ el ləm, Lal ra né gə́ məəm ndigi el ləma, Lal ra torndum kar néje gə́ m’wɔji lé d’aw lée’g béréré el ləm tɔ.

Jeremi 19:7

Lée neelé m’a tuji ta kwɔji kəmkàr lə Judaje gə njé gə́ Jerusalem pugudu keneŋ. M’a kar dee d’wəi yoo-kiambas no̰ njéba̰je’g lə dee ləm, m’a kar nin dee to gə́ nésɔ lə yelje gə daje gə́ dɔ naŋg nee ləm tɔ.

Bula lə Israɛlje 30:12

ar ŋgabeeje oo taree, ɓa ɓó lé yeḛ ila təa maree’g ndag ləm, maḭ səa el ləm tɔ ndá ndukunje ləa lai lé d’a to njaŋg ləm, néje lai gə́ yeḛ man rəa dɔ’g mba ra née lé d’a to njaŋg ya ləm tɔ,

Bula lə Israɛlje 30:15

Ɓó lé gə ndəa-ndəa yeḛ ila təa maree’g ndag ndá yeḛ ɓa yeḛ ndigi səa dɔ ndukunje’g ləa lai ləm, əsé dɔ néje lai gə́ yeḛ man rəa dɔ’g gə mba ra née lé ləm tɔ, yeḛ ndigi səa mbata yeḛ ila təa maree’g ndag, mee ndəa gə́ yeḛ oo ne taree lé ya.

Njé gə́ Rɔmə 3:31

Bèe ndá see meekun ɓa jeḛ n’tuji ne godndu wa. Wah! bèe el. Meekun ɓa jeḛ gəd ne godndu lé j’aree to njaŋg, yee ɓa to ta gə́ kɔl.

Njé gə́ Rɔmə 4:16

Togə́bè ɓa meekun ɓa dəwje d’a to ne njékiŋga nédɔjije ɓəi mba karee to gə́ nénoji lə Ala ya. Yee ɓa gə mba kar ndukun lé to ne njaŋg mbata lə ŋgaka Abrakamje lai ɓó a kwɔji dɔ deḛ gə́ to gə́ ŋgakeaje gin godndu’g goo kára ba el nɛ a kwɔji dɔ deḛ gə́ d’ɔm meḛ dee dɔ Ala’g to gə́ Abrakam yeḛ gə́ to bɔ síjeḛ lai bèe tɔ, to gə́ deḛ ndaŋg mee maktub gə́ to gə kəmee pana:

1 Njé gə́ Kɔrḭtə 1:13

See Kristi lé kai rəa dana wa. See dee ɗar Pool kaar kag’d gə mbata lə sí əsé deḛ ra sí batɛm gə ri Pool wa.

Njé gə́ Galati 2:21

Noji lə Ala lé ma m’ɔs rəw el mbata ɓó lé mbɔl dɔ godndu lé ɓa dəw a to gə́ njemeekarabasur ndá kwəi gə́ Kristi wəi lé to né gə́ mḭdé ba ya.

Njé gə́ Galati 5:4

Seḭ gə́ seḭ saŋgje loo mba toje njémeekarabasurje gin godndu’g lé seḭ toje njétḭ gə Kristije nja, seḭ ɔrje rɔ sí loo noji’g naije gogo njḛ̀ mba̰ tɔ.

Njé gə́ Pilibə 3:9

gə mba kɔm ne səa na̰’d sad ləm tɔ. Meekarabasur gə́ to ka̰ godndu lé ɓa m’nai ne gelee’g el nɛ meekarabasur gə́ to ka̰ meekun gin Kristi gə́ ḭ rɔ Ala’g lé yee ɓa ma m’isi ne gelee’g.

Ǝbrəje 7:19

Mbata godndu gə́ ləw lé ar dəw kára kara maji ne ɔr njoroŋ el. Nɛ nékunda mee yel dɔ’g gə́ maji undá ɓa teḛ, yee ɓa j’oo loo mba rəm ne pər gə́ rɔ Ala’g.

Ǝbrəje 7:28

Tɔgərɔ ya, godndu lé ɔr dəwje gə́ to gə́ njérəmje ɓa unda dee gə ŋgɔ-njékinjanéməsje, nɛ ta manrɔ gə́ orè goo godndu lé yee ɓa ɔr Ŋgon gə́ maji péd-péd lé undá gə́ njekinjanéməs saar-saar gə no̰.