Njé gə́ Rɔmə 3:9 - Maktub gə́ To gə Kəmee

⁹ Səm! See jeḛ maji j’unda dee wa. Bèe el ɓòo. Mbata jeḛ j’ɔr ginta lə Jibje gə Grekje j’ar sí ooje gao to gə́ deḛ lai d’isi gin kaiya’g,

Njé gə́ Rɔmə 3:9 ပူးပေါင်းရင်းမြစ်များ

Gosota-Kəmkàrje 20:9

See na̰ ɓa a kaskəm pana: Ma m’ar məəm àr ŋgad-ŋgad Ɓó kaiya kára kara godo məəm’g, a pa bèe wa.

Esai 65:5

Deḛ pana: Aarje nu! Tibije mbɔr sí el Mbata jeḛ n’toje deḛ gə́ to gə kəmee! Néje gə́ togə́bè lé To asəna gə sa pər gə́ teḛ əm’g ləm, To pər gə́ o̰ gə́ kédé-kédé ləm tɔ.

Lugu 7:39

Parisiḛ gə́ ɓar Jeju lé loo gə́ yeḛ oo togə́bè yeḛ ə̰ji ta mée’g pana: Ɓó lé dəw neelé to gə́ njetegginta ndá a gər néra dené gə́ njekɔrɔ rəa neelé a gəree gə́ kaiya-dené gao ya.

Njé gə́ Rɔmə 1:18

Ala riba dɔ oŋg ləa gə́ ḭ dara ɔm dɔ ndɔlje lai gə́ dəwje ndɔlee ne ləm, gə dɔ néra majelje lai gə́ dəwje ra d’wa ne dɔ kankəmta d’orè gə́ naŋg lé ləm tɔ.

Njé gə́ Rɔmə 11:32

Mbata Ala lé mbo̰ dəwje lai gin kalta’g ɓa gə mba mbo̰ deḛ lai gin meekɔrjol’g ləa ɓəi.

Njé gə́ Rɔmə 11:7

See ɗi tɔɓəi wa. Né gə́ Israɛlje ndolè lé d’iŋgá el nɛ deḛ gə́ yeḛ ɔr dee unda dee gə kəmee lé ɓa d’iŋgá nɛ njé gə́ raŋg lé deḛ to gə́ njédɔkədərəje

Njé gə́ Rɔmə 2:1

I dəw gə́ ban-ban kara gə́ wa rɔi gə́ njegaŋ-rəwta dɔ marije’g lé loo kari taa ne dɔi godo. Mbata loo gə́ i gaŋg rəwta dɔ dee’g lé i nja kara ila ne ta dɔ rɔi’g ya to mbata i gə́ njegaŋ-rəwta dɔ dee’g lé i nja kara to gə́ njera néje neelé to gə́ deḛ bèe tɔ.

Njé gə́ Rɔmə 3:1

See ri ɓa ar Jibje d’ur ne dɔ dəwje gə́ raŋg wa. Esé see kinja tamɔd lé majee to né gə́ banwa.

Njé gə́ Rɔmə 3:19

Jeḛ n’gər gao taje lai gə́ godndu wɔji lé wɔji ar deḛ gə́ d’isi gel godndu’g lé mba kar nana kara təa to gə loo ndèmee sem-sem ləm, gə mba kar dəwje lai-lai d’isi gə ta dɔ dee’g no̰ Ala’g lé ləm tɔ.

Njé gə́ Rɔmə 3:5

Nɛ ɓó lé néra sí gə́ gə dɔ najee el lé a kila meekarabasur lə Ala lé kɔd ndá see ta ɗi ɓa j’a pa wa. Ala lé loo gə́ yeḛ kila oŋg ləa gə́ raga ndá see a to njera né gə́ to gə dɔ najee el wa. (Ma m’pa gə goso tapa lə dəwje ya.)

Njé gə́ Rɔmə 6:15

See ɗi tɔɓəi wa. See j’a ra kaiya mbata kisi gə́ j’isi gin godndu’g el nɛ j’isi gin noji’g lé wa. Wah! bèe el.

Njé gə́ Rɔmə 7:14

Jeḛ n’gər gao, godndu lé to né gə́ ka̰ ndil ya. Nɛ ma nja m’to né gə́ ka̰ darɔ gə́ taam ilam gə́ ɓər gin kaiya’g.

1 Njé gə́ Kɔrḭtə 10:19

See ma m’pa banwa. Da nékulje gə́ deḛ tɔl dee pole ne magəje əsé darɔ magəje lé see ma m’pana: To gə́ kankəmné wa. Wah! ma m’pa bèe el.

1 Njé gə́ Kɔrḭtə 14:15

See m’a ra ban ɓəi wa. M’a ra tamaji gə ndiləm bura ya nɛ m’a ra gə kəmkàree tɔ. M’a kɔs pa gə ndiləm bura ya nɛ m’a kɔs pa gə kəmkàree tɔ.

1 Njé gə́ Kɔrḭtə 4:7

See na̰ ɓa ooi ɓəd wa. See to né gə́ aḭ ḭgai naŋg gə́ kiŋga el wa. Ɓó lé to né gə́ aḭ ḭgai naŋg gə́ kiŋga ndá see ban ɓa i ti ne rɔi unda ne ɗəŋgərə wa.

Njé gə́ Galati 3:10

Deḛ lai gə́ d’ula rɔ dee loo néra godndu’g lé ndɔl yoo nai dɔ dee’g ya, mbata deḛ ndaŋg taree pana: Nana ɓa gə́ aa dɔ néje lai gə́ deḛ ndaŋg mee maktub godndu’g lé kər-kər el ləm, lal ra née ləm tɔ ndá ndɔl yoo nai dəa’g ya.

Njé gə́ Galati 3:22

Nɛ maktub gə́ to gə kəmee lé mbo̰ néje lai gin kaiya’g mba kar deḛ gə́ d’un meḛ dee d’ar Jeju Kristi lé meekun lə dee ɓa d’a kiŋga ne né gə́ ndukun wɔji mba kar dee lé tɔ.

Njé gə́ Pilibə 1:18

Osəm ɗi to wa! Lé d’ərgosɔ əsé meḛ dee ɔr jol-jol kara mber kila lə Kristi aw gə́ kédé-kédé ɓó gée kul el, yee ɓa, rɔm lelm ne, nɛ m’a ra ne rɔlel ya tɔɓəi tɔ.