Njé gə́ Rɔmə 3:7 - Maktub gə́ To gə Kəmee

⁷ Ɓó lé taŋgɔm ləm kila kankəmta lə Ala kɔd ula ne rɔnduba dəa’g ndá ŋga see ban ɓa deḛ gaŋg taŋgɔm dɔm’g d’oom ne gə́ njekaiya tɔɓəi wa.

Njé gə́ Rɔmə 3:7 ပူးပေါင်းရင်းမြစ်များ

Gḭ-Néje 37:20

Gə́ reeje ɓasinè, ar sí n’tɔleeje j’iláje mee godə-bwa-mán’g. Ndá j’a pa pana: Da gə́ majel ɓa wá seá. Bèe ɓa j’a koo ne səa gel ni ləa lé.

Teḛ-Raga 14:30

Mee ndəa’g neelé Njesigənea̰ ɔr Israɛlje ji njé gə́ Ejiptə’g ya, tɔɓəi Israɛlje d’oo yoo njé gə́ Ejiptə kaar baa-boo’g.

Teḛ-Raga 14:5

D’ula mbai gə́ Ejiptə d’aree oo to gə́ koso-dəwje neelé d’aḭ gə́ kaḭ. Togə́bè ɓa mee Parao̰ gə meḛ kuraje ləa tel to ɓəd dɔ koso-dəwje’g neelé ar dee pana: See ɗi ɓa neḛ n’raje bèe ɓa n’ya̰je ne Israɛlje n’ar deeje d’uba ne ta kula lə neḛje d’ya̰ d’aw bèe wa.

Teḛ-Raga 3:19

Ma m’gər gao to gə́ mbai gə́ njeko̰ɓee gə́ Ejiptə lé a kya̰ sí kar sí awje el, nɛ gə goo ji siŋgamoŋ gə́ ɓar mèr-mèr lé ɓa.

Matiyo 26:34

Jeju tel ilá keneŋ pana: Ma m’ulai təsərə, mee til’g neelé ya, i a maḭ dɔ rɔi dɔm’g gɔl munda ɓa kona a no̰ ɓəi.

Néra Njékaḭkulaje 2:23

Dəw neelé seḭ uláje ji njémeeyèrje’g, ɗareeje ne kaar kag’d, gə goo rəw gə́ Ala nja wɔji mée’g kédé gə́ dɔtar.

Njé gə́ Rɔmə 3:4

Wah! bèe el. Maji kar dee d’oo Ala gə́ njekankəmta ndá dəwje lai ɓa d’a koo dee gə́ njéŋgɔmje gə goo ta gə́ ndaŋg mee maktub’g pana: Maji kar tapai ɓa d’a kooi ne gə́ njemeekarabasur ləm, Loo gə́ d’a kɔrkəmta ləi ndá i a taa ne rɔi puduru ləm tɔ.