Njé gə́ Rɔmə 3:27 - Maktub gə́ To gə Kəmee

²⁷ Ŋga see loo ti rɔ sí to ra ɓəi wa. Lée godo ya. Ŋga see lée godo wɔji dɔ godndu gə́ ra wa. See godndu gə́ wɔji dɔ néra dəwje wa. Wah! nɛ to gə goo meekun lə dəwje ba.

Njé gə́ Rɔmə 3:27 ပူးပေါင်းရင်းမြစ်များ

Soponi 3:11

Mee ndəa’g neelé seḭ a raje kəmkul dɔ néje lai gə́ seḭ raje Loo gə́ seḭ raje kaiya ɔsje ne ta lə neḛ rəw lé el, Mbata n’a tɔr njékun baŋga kunda ne dɔ dee tarje lé mbuna sí’g ləm, Seḭ a tije rɔ sí dɔ mbal’g lə neḛ gə́ to gə kəmee lé el ŋga ləm tɔ.

Mark 16:16

Yeḛ gə́ a kɔm mée dɔ’g kar dee rəa batɛm lé a kaji ne ya, nɛ yeḛ gə́ a kɔm mée dɔ’g el ndá taree a kwa dəa ya tɔ.

Tagə́maji gə́ Ja̰ ndang 3:36

Yeḛ gə́ ɔm mée dɔ Ŋgonee’g lé si gə kəməgə́ gə no̰ lé mba̰, yeḛ gə́ mbad kɔm mée dɔ Ŋgonee’g saar lé a koo loo gə́ a kisi gə kəmə lé gə kəmee el nɛ oŋg lə Ala nai dəa’g ya.

Njé gə́ Rɔmə 10:5

Tɔgərɔ ya Moyis ɔr gin meekarabasur gə́ godndu wɔji lé pana: Dəw gə́ ra née ndá a si ne kəmba ya.

Njé gə́ Rɔmə 11:6

Bèe ndá ɓó lé yeḛ ɔr dee gə goo nojikwa ləa ndá to gə goo kula ra dee el. Ɓó lé bèe el ndá to nojikwa gə́ gəd el. Tɔɓəi ɓó lé yeḛ ɔr dee gə goo kula ra dee ndá to gə́ nojikwa el tɔ. Ɓó lé bèe el ndá to gə́ kula ra gə́ gəd el tɔ.

Njé gə́ Rɔmə 2:17

I gə́ ɓar rɔi Jib, i nduna rɔi kaar Godndu’g ləm, i ti rɔi dɔ Ala’g ləm tɔ,

Njé gə́ Rɔmə 2:23

I gə́ ti rɔi dɔ godndu’g lé ŋga, see ban ɓa i al dɔ godndu ɔr ne riɓar dɔ Ala’g ɓəi wa.

Njé gə́ Rɔmə 3:19

Jeḛ n’gər gao taje lai gə́ godndu wɔji lé wɔji ar deḛ gə́ d’isi gel godndu’g lé mba kar nana kara təa to gə loo ndèmee sem-sem ləm, gə mba kar dəwje lai-lai d’isi gə ta dɔ dee’g no̰ Ala’g lé ləm tɔ.

Njé gə́ Rɔmə 3:26

Yee ɓa ma m’ula sí, Ala ra togə́bè mba tɔji ne dəwje meekarabasur ləa təsərə ɓasinè, mba kar dee d’oo gao, yeḛ to njemeekarabasur ləm, deḛ lai gə́ d’ɔm meḛ dee dɔ Jeju Kristi’g kara yeḛ ɔr ne ta dɔ dee’g ləm tɔ.

Njé gə́ Rɔmə 4:2

Ɓó lé nérea ɓa yeḛ to ne njemeekarabasur ndá yeḛ a koo loo ti ne rəa, nɛ no̰ Ala’g lé loo ti rəa godo.

Njé gə́ Rɔmə 7:21

Bèe ndá ma m’iŋga godndu nee məəm’g: loo gə́ m’wɔji-kwɔji ra maji ndá majel lé ula rəa rɔm’g mbiriri.

Njé gə́ Rɔmə 7:23

nɛ ma m’oo godndu gə́ raŋg gə́ ra kula dəb rɔm’g ɔs kaar godndu gə́ takə̰ji ləm ndigi lé ləm, wam ne ɓər ilam ne rəw’g lə kaiya gə́ ḭ kwɔim’g ne nja ləm tɔ.

Njé gə́ Rɔmə 7:25

Maji kar dɔkaisəgərə nai gə Ala, mbɔl dɔ Jeju Kristi Mbaidɔmbaije lə sí ɓa to njekwayoo neelé rɔm’g kɔree karm ya! Togə́bè ɓa gə goo gosonégər ləm lé m’to ne gə́ ɓər gin godndu Ala’g nɛ gə goo darɔ lé m’to gə́ ɓər gin godndu ka̰ kaiya ya! Togə́bè ɓa gə goo gosonégər ləm lé m’to ne gə́ ɓər gin godndu Ala’g nɛ gə goo darɔ lé m’to gə́ ɓər gin godndu’g ka̰ kaiya ya.

Njé gə́ Rɔmə 8:2

Tɔgərɔ ya, godndu ka̰ Ndil gə́ ka̰ kisi kəmba gin Jeju Kristi lé ɔr ta godndu gə́ ka̰ kaiya gə́ ka̰ yoo lé dɔm’g.

Njé gə́ Rɔmə 9:11

Tɔgərɔ ya, loo gə́ deḛ d’oji ŋganje lé el ɓəi nɛ ŋganje neelé d’a gə ra né gə́ maji əsé né gə́ majel kara deḛ gər el ɓəi tɔ. Nɛ Ala pata nee wɔji ne dɔ dee gə goo né gə́ yeḛ wa dɔ gɔlee mée’g mba karee to gə goo rəbee gə́ yeḛ nja ɓar dee ne ɓó gə goo néra dəwje el.

Njé gə́ Rɔmə 9:31

nɛ Israɛlje gə́ ndolè goo godndu gə mba kiŋga meekarabasur neelé deḛ d’wa godee wodolo.

Njé gə́ Rɔmə 9:32

See d’wa godee ban ɓəi wa. Mbata Israɛlje ndolè gée gə néra dee ɓó gə goo meekun el. Deḛ tuga pil mbal d’oso ne

1 Njé gə́ Kɔrḭtə 4:7

See na̰ ɓa ooi ɓəd wa. See to né gə́ aḭ ḭgai naŋg gə́ kiŋga el wa. Ɓó lé to né gə́ aḭ ḭgai naŋg gə́ kiŋga ndá see ban ɓa i ti ne rɔi unda ne ɗəŋgərə wa.

Njé gə́ Galati 2:16

Nɛ jeḛ n’gər gao, meekun gə́ dəw a kɔm ne mée dɔ Jeju Kristi’g lé ɓa yeḛ a tel ne njemeekarabasur ɓó to néra gə́ dəw a ra gin godndu’g lé el. Jeḛ kara jeḛ j’ɔm meḛ sí dɔ Jeju Kristi’g mba kar mbɔl dɔ meekun gə́ jeḛ j’ɔm ne meḛ sí dɔ gə Jeju Kristi’g lé ɓa j’a to ne njémeekarabasurje ya tɔ ɓó gə goo néra gə́ gin godndu lé el, mbata néra gə́ gin godndu’g lé a kar dəw kára kara to ne njemeekarabasur pai godo.

Njé gə́ Galati 3:22

Nɛ maktub gə́ to gə kəmee lé mbo̰ néje lai gin kaiya’g mba kar deḛ gə́ d’un meḛ dee d’ar Jeju Kristi lé meekun lə dee ɓa d’a kiŋga ne né gə́ ndukun wɔji mba kar dee lé tɔ.