Njé gə́ Rɔmə 3:19 - Maktub gə́ To gə Kəmee

¹⁹ Jeḛ n’gər gao taje lai gə́ godndu wɔji lé wɔji ar deḛ gə́ d’isi gel godndu’g lé mba kar nana kara təa to gə loo ndèmee sem-sem ləm, gə mba kar dəwje lai-lai d’isi gə ta dɔ dee’g no̰ Ala’g lé ləm tɔ.

Njé gə́ Rɔmə 3:19 ပူးပေါင်းရင်းမြစ်များ

Maktub gə́ wɔji dɔ Jɔb 5:16

Yeḛ ar meekundayel gəd njénékəmndooje ləm, Yeḛ ar ta njéra né kori-korije udu rub ləm tɔ.

Pakɔsje 107:42

Dəwje gə́ njéra nédanaje lé D’oo ndá d’al ne rɔ dee Nɛ néra gə́ kori-kori ɔg dəw loo pata.

Pakɔsje 63:11

D’a kwəi ta kiambas gə́ adə làm-làm’g Tel ne nésɔ lə tàlje ya.

Ejekel 16:63

gə mba kar məəi olé ne dɔ ndɔje gə́ dəs’g ɓó gə kar rɔkul wa ne kəmi ləm, gə mba kari oo loo teḛ tai ja̰ pata el ŋga ləm tɔ gə mba kar kəm sɔḭ wa kəmi loo gə́ n’a kar mee neḛ oso lemsé dɔ néje lai gə́ i ra lé, Mbaidɔmbaije gə́ Njesigənea̰ ɓa pa bèe.

Tagə́maji gə́ Ja̰ ndang 15:25

Nɛ yee gə́ neelé teḛ togə́bè gə mba kar ta gə́ ndaŋg mee maktub godndu’g lə dee lé aw ne lée’g béréré ya, mbata ndaŋg pana: Deḛ d’ə̰jim bəḭ-bəḭ lal né gə́ bèe tɔ.

Tagə́maji gə́ Ja̰ ndang 8:9

Loo gə́ d’oo ta ləa gə́ pa togə́bè lé ndá ta gə́ meḛ dee’g ɓa ila ta dɔ dee’g, ar dee d’ḭ yuna̰ rɔ dee yɔroŋ-yɔroŋ d’igi kág, njé gə́ tɔg ya d’ḭ kédé ɓa njé gə́ raŋg d’ḭ goo dee’g ɓəi. Ndá Jeju nja gə karee ba deḛ gə dené nai ta na̰’d ɓəgə mbuna koso-dəwje’g neelé.

Njé gə́ Rɔmə 1:20

Nɛ néje gə́ maji kɔr njoroŋ lə Ala gə́ dumkoo ləm, gə siŋgamoŋ ləa gə́ to gə no̰ ləma, gə rɔkunda ləa gə́ yeḛ unda ləm tɔ lé inja kəm dəwje’g təsərə, ndɔ tum gel naŋg saar ɓasinè, mbata néreaje lai ɔr ginee njai ar dee d’oo. Bèe ndá loo kunda goso lə dəwje godo ŋga,

Njé gə́ Rɔmə 3:2

Gelee bula ya, nɛ gelee gə́ kára gə́ ur dɔ dee’g lai lé yee ɓa gə́ godndu Ala gə́ yeḛ ɔm ji dee-deḛ’g ya.

Njé gə́ Rɔmə 3:23

Mbata deḛ lai ra kaiya, deḛ lal kiŋga rɔnduba gə́ Ala wɔji mba kula dɔ dee’g.

Njé gə́ Rɔmə 3:4

Wah! bèe el. Maji kar dee d’oo Ala gə́ njekankəmta ndá dəwje lai ɓa d’a koo dee gə́ njéŋgɔmje gə goo ta gə́ ndaŋg mee maktub’g pana: Maji kar tapai ɓa d’a kooi ne gə́ njemeekarabasur ləm, Loo gə́ d’a kɔrkəmta ləi ndá i a taa ne rɔi puduru ləm tɔ.

Njé gə́ Rɔmə 3:9

Səm! See jeḛ maji j’unda dee wa. Bèe el ɓòo. Mbata jeḛ j’ɔr ginta lə Jibje gə Grekje j’ar sí ooje gao to gə́ deḛ lai d’isi gin kaiya’g,

1 Njé gə́ Kɔrḭtə 1:29

mba kar dəw kára kara ti ne rəa no̰ Ala’g lé el.

Njé gə́ Galati 3:10

Deḛ lai gə́ d’ula rɔ dee loo néra godndu’g lé ndɔl yoo nai dɔ dee’g ya, mbata deḛ ndaŋg taree pana: Nana ɓa gə́ aa dɔ néje lai gə́ deḛ ndaŋg mee maktub godndu’g lé kər-kər el ləm, lal ra née ləm tɔ ndá ndɔl yoo nai dəa’g ya.

Njé gə́ Galati 4:21

Seḭ gə́ ndiŋgaje rɔ sí mba sije gin godndu’g lé ulamje, see seḭ gərje ginta godndu gə́ to keneŋ lé el wa.

Njé gə́ Galati 4:5

gə mba kuga dɔ deḛ gə́ d’isi gin godndu’g lé ləm, gə mba kar síjeḛ kara n’to ne ŋganɓaaje ləa ləm tɔ.

Njé gə́ Galati 5:18

Ɓó lé Ndil ɓa gə́ njekɔrno̰ sí lé ndá seḭ sije gin godndu’g el ŋga.

1 Samel 2:9

Yeḛ a tɔs kəmee dɔ panjaa njé’g ləa’g Gə́ yeḛ unda dee dan kəmee’g, Nɛ njémeeyèrje d’a tuji pugudu-pugudu Dan loo gə́ ndul njudu-njudu’g. Mbata dəw lé askəm kun baŋga Gə goo siŋgamoŋ ləa-yeḛ el.