Njé gə́ Rɔmə 2:6 - Maktub gə́ To gə Kəmee

⁶ Mee ndəa’g neelé Ala a kuga nana kara gə goo kula rəa-rəa ya.

Njé gə́ Rɔmə 2:6 ပူးပေါင်းရင်းမြစ်များ

Maktub gə́ wɔji dɔ Jɔb 34:11

Yeḛ ra gə dəw né gə goo kula reaje ləm, Yeḛ uga nana kara gə goo rəw-kabeeje ləm tɔ.

Pakɔsje 62:12

Ala pata gɔl kára ba ya, Yee gə́ gɔl joo ləa lé m’oo oso mbim’g pana: Siŋgamoŋ lé to ka̰ Ala nja kára ba.

Teḛ-Raga 32:34

Ɓasinè lé aw, ɔr no̰ dəwje lé teḛ sə dee loo gə́ m’ulai’g lé. Aa oo, kura ləm gə́ dara a kɔr nɔḭ nɛ mee ndəa gə́ ma m’wɔji lé ndá m’a kar bo̰ kaiya ra dee ɔs ta dee’g bɔsɔrɔ ya.

Gosota-Kəmkàrje 24:12

Ɓó lé i pana: kwii! jeḛ n’gər bèe el ... Yeḛ gə́ njekwɔji kwɔi lə ɓəŋgərə lé see a koo el wa.

Gosota-Kəmkàrje 24:2

Mbata deḛ la̰ji tor tuji gə́ boo meḛ dee’g ləm, Ta dee kara pata néraje gə́ majel ləm tɔ.

Gosota-Kəmkàrje 26:10

Yeḛ gə́ ɓar mbə-dəwje əsé njédəstarje loo-kula’g lé To asəna gə njerɔ ɓandaŋg gə́ ar dəwje lai doo bèe.

Njekillamber 3:17

Ma m’pa məəm’g m’pana: Ala a gaŋg rəwta dɔ njera né gə́ gə dɔ najee ləm, gə dɔ njemeeyèr’g ləm tɔ, mbata néje lai ləm, gə kulaje lai ləm tɔ lé ndəa gə́ wɔji dɔ dee dɔ dee to keneŋ ya.

Jeremi 17:10

Ma Njesigənea̰ m’to njenaa meekuru lə dəw ləm, Gə njenaa takə̰ji gə́ mée’g ləm tɔ Gə mba kuga nana kara Gə goo panjaa ləa ləma, Gə goo kula rəa ləm tɔ.

Jeremi 32:19

I to njemajidum dɔ rəw kwɔji nékəmra’g ləm, i to njesiŋgamoŋ dɔ kula rai’g ləm tɔ. Kəmi oo panjaa dəwje lai gə mba kar nana kara iŋga né gə́ wɔji gə goo panjaa ləa-ləa ləm, gə goo kula rəa-rəa ləm tɔ.

Ejekel 18:20

Dəw gə́ ra kaiya ndá yeḛ nja ɓa a kwəi. Ta néra gə́ kori-kori lə bɔ ŋgonje lé ŋgon a kuba pəree el ləm, ta néra gə́ kori-kori lə ŋgon lé bɔbeeje a kuba pəree el ləm tɔ. Néra gə́ gə dɔ najee lə njera né gə́ gə dɔ najee lé a kwɔji dəa-yeḛ nja ləm, néra meeyèr lə njemeeyèr a kwɔji dəa-yeḛ nja ləm tɔ.

Ejekel 18:30

Gelee gə́ nee ɓa seḭ gel-bɔje lə Israɛl lé nana kara n’a gaŋgta dəa’g gə goo nérea-rəa ya. Mbaidɔmbaije gə́ Njesigənea̰ ɓa pa bèe. Ɔsje badm tel reeje, ya̰je goo kaltaje lə sí lai gə mba kar néra kori-korije lə sí tel to gel tuji lə sí el.

Ejekel 36:19

Neḛ n’ar dee sanéna̰ mbuna ginkoji dəwje gə raŋg’g ndá d’isi mee ɓeeje’g ɓəd-ɓəd, neḛ n’gaŋg rəwta dɔ dee’g gə goo panjaa lə dee ləm, gə goo kula ra dee ləm tɔ.

Matiyo 16:27

Mbata Ŋgon-dəw lé a ree gə kuraje ləa gə́ dara na̰’d gə rɔnduba gə́ bɔbeeje a kula dəa’g. Ndəa neelé yeḛ a kuga nana kara gə goo kula rəa-rəa ya.

Njé gə́ Rɔmə 14:22

Ta gə́ i wɔji məəi’g njaŋg dɔ né gə́ maji kəm ra lé ila məəi’g no̰ Ala’g ya. Dəw gə́ wɔji né gə mba ra ɓa mée ila ta dəa’g keneŋ el ndá rəa a lelee ya.

1 Njé gə́ Kɔrḭtə 3:8

Yeḛ gə́ njedubu né əsé yeḛ gə́ njesaa mán dɔ’g kara d’asəna joo bɔr, nana kara a kiŋga dɔ jia gə́ wɔji dɔ kula rəa-rəa.

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.

2 Njé gə́ Kɔrḭtə 11:15

Bèe ndá loo gə́ kuraje ləa tel turu rɔ dee gə́ kuraje gə́ ka̰ meekarabasur ndá to né gə́ kəm kaar dəw ndəb dɔ’g el. Bo̰ néra dee gə́ a kɔs ta dee’g lé a to gə goo kula ra dee ya.

2 Njé gə́ Kɔrḭtə 5:10

Mbata lé riri kara jeḛ lai j’a kaarje loo gaŋg-rəwta’g lə Kristi, ɓó gə mba kar nana kara a kiŋga né gə́ wɔji dɔ maji əsé gə majel gə́ yeḛ ra loo gə́ yeḛ nai ne gə darəa ɓəi lé.

2 Timote 4:14

Aleja̰drə gə́ to gə́ njekɔr lé ra səm majel yaa̰. Mbaidɔmbaije a kogá gə goo nérea ya.

Loo gə́ killa rea kəm Ja̰’g 2:23

M’a kar ŋganee d’wəi mburug, ndá Eglisəje lai d’a koo to gə́ ma m’to nje naa meekuru lə dəwje ləm, ma m’to njenaa takə̰ji gə́ meḛ dee’g ləm tɔ ndá ma nja m’a kuga sí kára-kára lai gə goo néra sí ya.

Loo gə́ killa rea kəm Ja̰’g 20:12

M’oo njé gə́ d’wəi gə́ to dəwje gə́ boo-boo gə njé gə́ gɔ-gɔ gə́ d’aar no̰ kalimbai’g lé. Yeḛ woḭ mee maktubje, tɔɓəi yeḛ woḭ mee maktub gə́ raŋg’d, yeḛ gə́ to maktub kəmə lé. Ndá deḛ gaŋg rəwta dɔ njé gə́ d’wəi’g lé gə goo ta gə́ ndaŋg mee maktubje’g neelé.

Loo gə́ killa rea kəm Ja̰’g 22:12

Aa ooje, waga ɓa m’a ree ɓəi ndá m’a ree gə né mba kuga ne dɔ ji dəwje kára-kára lai gə goo néra dee ra dee lé.