Njé gə́ Rɔmə 2:29 - Maktub gə́ To gə Kəmee

²⁹ Jib gə́ kojikəi ɓa gə́ Jib gə́ gəd ya. Kinja tamɔd gə́ kojikəi ɓa gə́ kinja tamɔd gə́ gəd ya tɔ. To né gə́ wɔji dɔ meḛ dəw ɓó wɔji dɔ darəa gə́ raga puduru el. Riɓar lə Jib neelé ḭ rɔ Ala’g ɓó ḭ rɔ dəwje’g el.

Njé gə́ Rɔmə 2:29 ပူးပေါင်းရင်းမြစ်များ

1 Sôrta Gḭka-Israɛlje 29:17

Ǝi Ala ləm, ma m’gər gao, i to njenaa meekuru lə dəw ləm, i ndigi néra gə́ gə dɔ najee ləm tɔ, gelee gə́ nee ɓa ma m’ḭ gə məəm m’un nékarnojije lai neelé m’ari gə meekarabasur ləm, ɓasinè ma m’oo koso-dəwje ləi lai gə́ d’aar keneŋ kara d’ḭ gə meḛ dee d’un nékarnojije lə dee d’ari ləm tɔ lé ndá ɓasinè rɔm lelm ne yaa̰ ya.

Pakɔsje 45:13

Yen ɓa njé gə́ Tir gə́ to bao-nékiŋgaje unda mar deeje lé D’a ree ne gə nékarje kari kila ne kəmi toro’g.

Jeremi 4:14

Seḭ gə́ Jerusalem, maji kar sí togoje Némajel gə́ to dɔɓəŋgərə sí’g Ɓó gə ajije ne! See saar ndɔ gə́ ra ɓa seḭ a kundaje ŋgaŋ Ŋgəm takə̰jije gə́ majel meḛ sí’g wa.

Jeremi 4:4

Seḭ Judaje gə seḭ gə́ síje Jerusalem lé Ar deeje d’inja tamɔd sí D’unda sí ne gə kəmee d’ar Njesigənea̰, To kinja tamɔd gə́ wɔji dɔ dɔɓəŋgərə sí, Nà oŋg ləm a kḭ nduba to gə́ pər bèe ləm, A mbudu ko̰ ndá dəw kára kara Gə́ a kaskəm tɔlee lé godo gə mbata néra meeyèr lə sí.

Jeremi 9:25

Deḛ gə́ to Ejiptəje, gə Judaje, gə Edɔmje, gə ŋgaka Amo̰, gə Moabje, deḛ lai gə́ ndisa kil mbaita dee ləm, deḛ lai gə́ d’isi dɔdilaloo’g ləm tɔ. Mbata ginkoji dəwje gə raŋg lai lal kinja tamɔd dee ləm, gel-bɔje lə Israɛl lai d’inja tamɔd dee nɛ d’ya̰ meḛ dee gə́ kəi ləm tɔ.

Lugu 11:39

Nɛ Mbaidɔmbaije lé ulá pana: Seḭ Parisiḛje lé seḭ togoje gir ŋgo-kai-manje ləm gə gir kaje ləm tɔ ar deeje d’àr raŋg-raŋg, nɛ meḛ sí gə́ kəi lé meeyèr gə kəmkəḭ wa keneŋ gɔgɔgɔ-gɔgɔgɔ.

Lugu 17:21

D’a pana: Yee teḛ nu əsé yee teḛ nee lé d’a pa bèe pai godo. Mbata aa ooje, ɓeeko̰ lə Ala lé to dan sí’g mba̰.

Tagə́maji gə́ Ja̰ ndang 12:43

Rɔnduba gə́ ḭ rɔ dəwje’g ɓa deḛ ndigi unda rɔnduba gə́ ḭ rɔ Ala’g lé.

Tagə́maji gə́ Ja̰ ndang 4:23

Nɛ kàree sí ree ɓa ree mba̰ ya ndá njékwa Ala lé meḛ dee’gje gə́ gəd-gəd lé d’a kwa Bɔ-dəwje meḛ dee’g gə ndil ləm, gə kankəmta ləm tɔ, mbata yee ɓa gə́ né gə́ Bɔ-dəwje ndigi ya.

Tagə́maji gə́ Ja̰ ndang 5:44

Seḭ gə́ saŋgje rɔnduba gə́ ḭ rɔ na̰’g ɓó saŋgje rɔnduba gə́ ḭ rɔ Ala’g ɓa el lé see seḭ a kɔmje meḛ sí dɔm’g to gə́ banwa.

Njé gə́ Rɔmə 14:17

Mbata ɓeeko̰ lə Ala lé wɔji dɔ nésɔ əsé nékai ba el, nɛ wɔji dɔ meekarabasur gə meelɔm gə rɔlel gə́ Ndilmeenda ar sí.

Njé gə́ Rɔmə 2:27

I gə́ sí gə maktub gə́ ɔr gin godndu ɓa i inja tamɔdi nɛ i al ta ta godndu’g lé see dəw gə́ njekḭja tamɔdee el gə́ taa ta godndu ra née ɔm ne mée dɔ’g jəb-jəb lé see yeḛ a kɔr ta kwai ne el wa.

Njé gə́ Rɔmə 3:1

See ri ɓa ar Jibje d’ur ne dɔ dəwje gə́ raŋg wa. Esé see kinja tamɔd lé majee to né gə́ banwa.

Njé gə́ Rɔmə 7:6

Ɓasinè, jeḛ gə́ j’oo rɔ sí gə́ yoo-dəwje gin godndu gə́ ila sí kag lé ndá j’ɔr dɔ sí keneŋ gə mba ra né gə goo rəw gə́ sigi gə́ to ka̰ ndil lé ɓó gə goo rəw gə́ ləw gə́ ka̰ maktub gə́ ŋgisi lé ɓa el.

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.

1 Njé gə́ Kɔrḭtə 7:19

Tamɔdə gə́ kinja kara to né el ləm, kinja tamɔd el kara to né el ləm tɔ. Ra torndu Ala ɓa to gə́ né gə́ gəd ya.

2 Njé gə́ Kɔrḭtə 10:18

Mbata yeḛ gə́ ɔs gaji kula rəa gə dɔrea lé d’a kée gə́ majikoji lé el, nɛ yeḛ gə́ Mbaidɔmbaije ɓa ɔs gaji kula rəa ɓa d’a kée gə́ majikoji ya.

2 Njé gə́ Kɔrḭtə 3:6

Yeḛ nja ar sí siŋga sí tel sí ne gə́ njékɔrgoo manrɔ gə́ sigije lé yeḛ gə́ to ka̰ Ndil ɓó yeḛ gə́ deḛ ndaŋg gə́ ndaŋg el. Mbata yeḛ gə́ ndaŋg gə́ ndaŋg lé ɓa gə́ yoo, nɛ yeḛ gə́ ka̰ Ndil ɓa gə́ njekula kəmə meḛ sí’g.

Tel tura Godndu 10:16

Bèe ndá kinja gə́ seḭ a kinjaje tamɔd sí lé to wɔji dɔ dɔɓəŋgərə sí gə́ a kya̰je bura karje Njesigənea̰ ɓa ɓó maji kar sí toje ne njégwɔbkelkwɔije el.

Tel tura Godndu 30:6

Ala lə sí gə́ Njesigənea̰ a kinja tamɔd sí gə́ wɔji dɔ dɔɓəŋgərə sí ləm, gə dɔɓəŋgərə ŋgan meḛ síje ləm tɔ, bèe ɓa seḭ a ndigije ne Ala lə sí gə́ Njesigənea̰ dɔɓəŋgərə sí’g ləm, gə rɔ sí bura ləm tɔ gə mba kar sí síje ne kəmba ya.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

1 Njé gə́ Tesalonikə 2:4

Nɛ to gə́ Ala nja oo sí gə́ dəwje gə́ kəm kila mber Tagə́maji lé ɓa ɔm kula neelé ji sí’g ɓəi ndá jeḛ j’ɔr taree mba n’taa ne kəm Ala ya, yeḛ gə́ njenaa meekuru lə sí ɓó mba taa ne kəm dəwje ba el.

1 Piɛrə 3:4

nɛ saŋgje né gə́ ka̰ ma̰də gə́ meḛ sí’g gə́ ula rəa meḛ sí’g kəi njuma̰ gə́ wɔji dɔ meenda kɔr jol-jol ləm, gə kaw yururu ləm tɔ yee ɓa gə́ né gə́ gadee dum ndogo no̰ Ala’g ya.

1 Samel 16:7

Nɛ Njesigənea̰ ula Samel pana: Maji kari oo rəa gə́ raga el ləm, əsé kagrea gə́ ŋgal el ləm tɔ mbata ma mbəree el. Mbata Njesigənea̰ lé oo né to gə́ dəw oo né bèe el. Dəw lé né gə́ oo gə kəmee ɓa yeḛ oo gə́ né, nɛ Njesigənea̰ lé mee dəw ɓa yeḛ oo ya.