Njé gə́ Rɔmə 2:28 - Maktub gə́ To gə Kəmee

²⁸ Dəw gə́ to Jib gə́ raga puduru ba ɓó to Jib gə́ kojikəi el. Kinja tamɔd lé to yee gə́ darɔ’g ka̰ kar dee d’oo gə kəm dee bèe el tɔ.

Njé gə́ Rɔmə 2:28 ပူးပေါင်းရင်းမြစ်များ

Pakɔsje 73:1

Pakɔs lə Asap. Oiyo, Ala to njera maji gə Israɛlje ya ləm, Gə deḛ gə́ meḛ dee àr raŋg-raŋg lé ya ləm tɔ.

Jeremi 4:4

Seḭ Judaje gə seḭ gə́ síje Jerusalem lé Ar deeje d’inja tamɔd sí D’unda sí ne gə kəmee d’ar Njesigənea̰, To kinja tamɔd gə́ wɔji dɔ dɔɓəŋgərə sí, Nà oŋg ləm a kḭ nduba to gə́ pər bèe ləm, A mbudu ko̰ ndá dəw kára kara Gə́ a kaskəm tɔlee lé godo gə mbata néra meeyèr lə sí.

Jeremi 9:25

Deḛ gə́ to Ejiptəje, gə Judaje, gə Edɔmje, gə ŋgaka Amo̰, gə Moabje, deḛ lai gə́ ndisa kil mbaita dee ləm, deḛ lai gə́ d’isi dɔdilaloo’g ləm tɔ. Mbata ginkoji dəwje gə raŋg lai lal kinja tamɔd dee ləm, gel-bɔje lə Israɛl lai d’inja tamɔd dee nɛ d’ya̰ meḛ dee gə́ kəi ləm tɔ.

Matiyo 3:9

ɓó ulaje rɔ sí pajena: Jeḛ lé Abrakam ɓa to gə́ bɔ síjeḛ, maji kar sí paje togə́bè el! Mbata ma m’ula sí təsərə, Ala askəm tel kɔr mbalje gə́ to neelé gə́ ŋganje kar Abrakam ya.

Tagə́maji gə́ Ja̰ ndang 1:47

Jeju oo Natanaɛl gə́ si aw gə́ rəa’g ndá yeḛ pata gə́ wɔji dəa pana: Aa ooje, yeḛ lé to kankəm dəw gə́ Israɛl gə́ nésukəmloo kára kara godo rəa’g.

Njé gə́ Rɔmə 2:17

I gə́ ɓar rɔi Jib, i nduna rɔi kaar Godndu’g ləm, i ti rɔi dɔ Ala’g ləm tɔ,

Njé gə́ Galati 6:15

Kinja tamɔd əsé kinja tamɔd el kara to gə́ né el, tel to dəw gə́ sigi ɓa to né gə́ gəd ya.

Njé gə́ Epesə 2:11

Bèe ndá arje meḛ sí olé dɔ ta nee: Seḭ gə́ kédé toje njépole-magəje gə goo darɔ sí ar deḛ gə́ d’inja tamɔd dee lé ɓar sí njélal kinja tamɔd deeje mbata ji dəw ɓa goré tamɔd dee-deḛ lé

1 Piɛrə 3:21

Man neelé wɔji dɔ batɛm gə́ seḭ ajije ne ɓasinè. Batɛm neelé ɔr né gə́ mina̰ rɔ sí’g el nɛ to né gə́ ar meḛ sí oso naŋg lemsé gə́ majee dɔ rɔ sí’g no̰ Ala’g, gə goo teḛ gə́ Jeju Kristi unda loo teḛ dan njé gə́ d’wəi’g lé.

Loo gə́ killa rea kəm Ja̰’g 2:9

Ma m’oo néurti gə́ rai ləm, gə ndòo gə́ teḛ dɔi’g ləm tɔ, nɛ i to gə́ bao ɓəi. Deḛ gə́ gaŋgta d’ɔm tai’g ləm, gə deḛ gə́ ɓar rɔ dee Jibje ɓa deḛ to gə́ Jibje el nɛ deḛ nja to gə́ kəi-kwa-dɔ-na̰ lə Njekurai ləm to lé ma m’oo dee gao ya tɔ.