Njé gə́ Rɔmə 2:22 - Maktub gə́ To gə Kəmee

²² I gə́ pana: Maji kar dəw ndal mɔdkaiya el ndá i tel ndal mɔdkaiya. I gə́ oo magə népoleje gə́ né gə́ to kḛji kəmi’g ndá i tel uru keneŋ mbidi.

Njé gə́ Rɔmə 2:22 ပူးပေါင်းရင်းမြစ်များ

Pakɔsje 50:17

Ta gə́ d’wɔjii lé i ə̰ji bəḭ-bəḭ ləm, Taje lə neḛ kara i mbad ya ləm tɔ.

Jeremi 5:7

See m’a kar məəm oso ləmsé dɔ sí’g mba ɗi wa. Ŋgan síje d’ubam d’ya̰’m ləm, Deḛ manrɔ dee gə ri magəje gə́ ŋgɔm ləm tɔ. Ma m’ar dee d’isi dan néje’g lai Gə́ d’aw ndòo dee Nɛ d’ya̰ rɔ dee yag Dan néra kaiya-dené’g ləm, Deḛ rusu mee kəi lə kaiya-dené tub-tub ləm tɔ.

Jeremi 9:2

D’ɔr ndo̰ dee to gə́ kandə ɓandaŋg Gə́ d’ɔr léréré mba pa ne taŋgɔm, Kankəmta ɓa ar dee to ne gə́ njésiŋgamoŋje mee ɓee’g el, Mbata deḛ njaa dan meeyèr’g lə dee Gə́ kédé-kédé ləm, Deḛ gərm el ləm tɔ, Njesigənea̰ ɓa pa bèe.

Ejekel 22:11

Mee ɓee-boo’g ləi lé nana kara ra né gə́ mina̰ gə dené lə maree ləm, nana kara ra nékɔb gə məmeeje gə́ dené ar rəa mina̰ ne ləma, nana kara ila rɔkul dɔ ŋgokea̰ gə́ dené gə́ to ŋgolə bɔbeeje ləm tɔ.

Malasi 1:14

Njesukəmloo gə́ bàl nékul ləa aar mbuna mareeje’g nɛ yeḛ yá̰ un nékul gə́ unda ndolè ɓa ar Mbaidɔmbaije ndá ndɔl yoo a nai dəa’g ya. Mbata ma lé m’to gə́ mbai gə́ boo. Njesigənea̰ gə́ njeboo-néje lé ɓa pa bèe. Rim to ɓəl yaa̰ mbuna ginkoji dəwje gə raŋg’g ya.

Malasi 1:8

Loo gə́ seḭ waje nékul gə́ kəmee tɔ gə́ nékinjaməs lé see to né gə́ majel el wa. Loo gə́ seḭ waje nékul gə́ oso məd əsé yee gə́ rəa tée kara see to né gə́ majel el wa. Waje nékul gə́ bèe arje njeguburuɓee lə sí ooje. See yeḛ a taa ji sí’g gə rɔlel ya wa. See yeḛ a kwa sí gə́ rəa’g gə́ majee wa. Njesigənea̰ gə́ njeboo-néje lé ɓa dəji sí togə́bè.

Malasi 3:8

See dəw a su kəm Ala wa. Mbata seḭ suje kəm ya. Nɛ seḭ pajena: See loo gə́ ra ɓa seḭ suje kəm keneŋ wa. To loo gə́ néje lə sí dɔg ɓa kəm kar sí unje təa kára arje Ala ləm, gə loo kar nékarje ləm tɔ.

Matiyo 12:39

Yeḛ ila dee keneŋ pana: Ginka dəwje gə́ to njémeeyèrje gə njékaiyaje lé deḛ dəji némɔrije gə́ mba koo. Nɛ ka̰ njetegginta Junas ɓa d’a koo ɓó d’a koo némɔri gə́ raŋg el ŋga.

Matiyo 16:4

Ginka dəwje gə́ njémeeyèrje gə njémɔdkaiyaje lé dəjim gə mba koo némɔri nɛ ka̰ Junas ɓa d’a koo ɓó d’a koo némɔri gə́ raŋg el. Tɔɓəi yeḛ uba dee ya̰ dee, ɔd aw loo ləa.

Mark 11:17

Yeḛ ndoo dee ula dee pana: See deḛ ndaŋg ta mee maktub’g pana: Kəi ləm lé d’a ɓaree kəi ra tamaji keneŋ mbata lə ginkoji dəwje gə raŋg lai lé, see deḛ ndaŋg taree togə́bè el wa. Nɛ seḭ ɓa seḭ telee undaje gə́ duu-loo lə njéɓogoje.

Néra Njékaḭkulaje 19:37

Mbata dəwje nee gə́ seḭ ndɔr deeje reeje sə dee lé deḛ ra kəi-si Dianə lé yèr el ləm, d’ila ndɔl dɔ Dianə’g lə sí lé el ləm tɔ.

Njé gə́ Rɔmə 12:9

Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́.

Maktub gə́ Jak ula ne ar ngan-Allaje 4:4

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.