Njé gə́ Rɔmə 2:17 - Maktub gə́ To gə Kəmee

¹⁷ I gə́ ɓar rɔi Jib, i nduna rɔi kaar Godndu’g ləm, i ti rɔi dɔ Ala’g ləm tɔ,

Njé gə́ Rɔmə 2:17 ပူးပေါင်းရင်းမြစ်များ

Pakɔsje 135:4

Mbata Njesigənea̰ lé nja ɓa mbər Jakob ləm, Ar Israɛl to gə́ kea̰ nja doŋgɔ doi ləm tɔ.

Esai 45:25

Mbɔl dɔ Njesigənea̰ ɓa Ŋgaka Israɛlje lai lé D’a kɔr ne ta dɔ dee’g ləm, D’a kula ne rɔnduba dɔ dee’g ləm tɔ.

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Soponi 3:11

Mee ndəa’g neelé seḭ a raje kəmkul dɔ néje lai gə́ seḭ raje Loo gə́ seḭ raje kaiya ɔsje ne ta lə neḛ rəw lé el, Mbata n’a tɔr njékun baŋga kunda ne dɔ dee tarje lé mbuna sí’g ləm, Seḭ a tije rɔ sí dɔ mbal’g lə neḛ gə́ to gə kəmee lé el ŋga ləm tɔ.

Matiyo 3:9

ɓó ulaje rɔ sí pajena: Jeḛ lé Abrakam ɓa to gə́ bɔ síjeḛ, maji kar sí paje togə́bè el! Mbata ma m’ula sí təsərə, Ala askəm tel kɔr mbalje gə́ to neelé gə́ ŋganje kar Abrakam ya.

Lugu 10:28

Jeju tel ilá keneŋ pana: I ilam keneŋ maji ya, ra togə́bè ndá i a kisi ne gə kəmə lé ya.

Tagə́maji gə́ Ja̰ ndang 5:39

Seḭ woḭje mee maktubje gə́ to gə kəmee mbata seḭ ə̰jije meḛ sí’g pajena: Yee gə́ bèe ɓa seḭ a si ne gə kəmə gə́ gə no̰ lé. Nɛ maktubje neelé nja d’ɔr goo ta ləm maji ya.

Tagə́maji gə́ Ja̰ ndang 5:45

Ǝ̰jije meḛ sí’g pajena: Ma ɓa m’a səg sí rɔ Bɔm’g ɓa ə̰jije bèe el, yeḛ gə́ njesəg sí lé to Moyis gə́ seḭ undaje meḛ sí yel gə́ dəa’g lé.

Tagə́maji gə́ Ja̰ ndang 7:19

Godndu lé see Moyis ar sí el wa. Nɛ dəw kára kara mbuna sí’g aa dɔ godndu neelé lé kər-kər el. See ban ɓa seḭ saŋgje rəw gə mba tɔlmje wa.

Tagə́maji gə́ Ja̰ ndang 8:33

Jibje tel d’ilá keneŋ pana: Jeḛ lé n’toje gə́ ŋgaka Abrakam’g ɓó jeḛ n’ra ɓər lə dəw kára kara bèe el. Bèe ŋga see ban ɓa i pana: A bɔr kúla dɔ sí’g mbɔji wa.

Tagə́maji gə́ Ja̰ ndang 8:41

Néra bɔ síje ɓa seḭ raje ya. Deḛ d’ilá keneŋ pana: Jeḛ lé jeḛ n’to gə́ ŋgan bɔ korèje el, bɔ síjeḛ nja kára ba to gə́ Ala ya.

Njé gə́ Rɔmə 2:23

I gə́ ti rɔi dɔ godndu’g lé ŋga, see ban ɓa i al dɔ godndu ɔr ne riɓar dɔ Ala’g ɓəi wa.

Njé gə́ Rɔmə 3:27

Ŋga see loo ti rɔ sí to ra ɓəi wa. Lée godo ya. Ŋga see lée godo wɔji dɔ godndu gə́ ra wa. See godndu gə́ wɔji dɔ néra dəwje wa. Wah! nɛ to gə goo meekun lə dəwje ba.

Njé gə́ Rɔmə 9:32

See d’wa godee ban ɓəi wa. Mbata Israɛlje ndolè gée gə néra dee ɓó gə goo meekun el. Deḛ tuga pil mbal d’oso ne

2 Njé gə́ Kɔrḭtə 11:22

See deḛ to Ǝbrəje wa. Ma kara ma m’to Ǝbrə ya tɔ. See deḛ to Israɛlje wa. Ma kara m’to Israɛl nja tɔ. See deḛ to ŋgaka Abrakam lé wa. Ma kara m’to ŋgoka Abrakam ya tɔ.

Njé gə́ Galati 2:15

Jeḛ lé jeḛ n’to Jibje gə́ kojikəikɔl ya ɓó jeḛ n’to gə́ njékaiyaje ɓa mbuna njépole-magəje’g el.

Njé gə́ Epesə 2:11

Bèe ndá arje meḛ sí olé dɔ ta nee: Seḭ gə́ kédé toje njépole-magəje gə goo darɔ sí ar deḛ gə́ d’inja tamɔd dee lé ɓar sí njélal kinja tamɔd deeje mbata ji dəw ɓa goré tamɔd dee-deḛ lé

Loo gə́ killa rea kəm Ja̰’g 2:9

Ma m’oo néurti gə́ rai ləm, gə ndòo gə́ teḛ dɔi’g ləm tɔ, nɛ i to gə́ bao ɓəi. Deḛ gə́ gaŋgta d’ɔm tai’g ləm, gə deḛ gə́ ɓar rɔ dee Jibje ɓa deḛ to gə́ Jibje el nɛ deḛ nja to gə́ kəi-kwa-dɔ-na̰ lə Njekurai ləm to lé ma m’oo dee gao ya tɔ.

Loo gə́ killa rea kəm Ja̰’g 3:1

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Sardes pana: Aa oo, yeḛ gə́ ndilje lə Ala gə́ siri gə kéréméje gə́ siri to jia’g lé yeḛ nja pana: Ma m’gər nérai ya. Deḛ d’ooi gə́ dəw gə́ si kəmba, nɛ ma m’gər gao i to gə́ nin dəw.

Loo gə́ killa rea kəm Ja̰’g 3:9

Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.