Njé gə́ Rɔmə 2:16 - Maktub gə́ To gə Kəmee

¹⁶ Yee ɓa a to raga pai-pai loo gə́ Ala nja a kar Jeju Kristi gaŋg rəwta dɔ dəwje dɔ néra goo ŋgəḭ’g lə dee mee ndəa gə́ yeḛ wɔji gə goo Tagə́maji gə́ m’ula sí lé.

Njé gə́ Rɔmə 2:16 ပူးပေါင်းရင်းမြစ်များ

Gḭ-Néje 18:25

Tɔl njemeekarabasur na̰’d gə njemeeyèr lé mba kar né gə́ teḛ dɔ njemeekarabasur’g gə dɔ njemeeyèr’g d’asəna kára ba lé maji kar né ra gə́ togə́bè tibi mbɔri el! Maji karee tibi mbɔri el ɓòo. See yeḛ gə́ a gaŋg rəwta dɔ naŋg nee lai lé a ra gə dɔ najee el wa.

Pakɔsje 50:6

Dara a kila mber meekarabasur ləa, Mbata Ala to njegaŋ-rəwta.

Pakɔsje 96:13

No̰ Njesigənea̰’g mbata yeḛ si ree ya, Yeḛ ree gə mba gaŋg rəwta dɔ naŋg nee, Yeḛ a gaŋg rəwta gə dɔ najee dɔ naŋg nee ləm, Yeḛ a gaŋg rəwta lə dəwje gə goo meenda londoŋ ləa ləm tɔ.

Pakɔsje 98:9

No̰ Njesigənea̰’g ya, Mbata yeḛ ree gə mba gaŋg rəwta dɔ naŋg nee ya. Rəwta-gaŋg gə́ yeḛ a gaŋg dɔ dəwje gə́ dɔ naŋg neelé Yeḛ a gaŋg gə goo meekarabasur ya ləm, Ka̰ koso-dəwje lé kara Yeḛ a gaŋg gə dɔ najee ya ləm tɔ.

Njekillamber 11:9

I basa lé maji kari al rɔi loo nai basa’g ləi ləm, ya̰ məəi ar rɔlel mee ndɔje lai gə́ i to ne gə́ basa lé ləm, njaa gə goo rəwje gə́ məəi wɔji ləma, gə goo loo gə́ kəmi oo lé ləm tɔ. Nɛ maji kari gər gao to gə́ néje lai neelé Ala a gə kar dee ree dɔi’g loo-gaŋg-rəwta’g ya ɓəi.

Njekillamber 12:14

Mbata Ala a ree gə kula ra síje lai loo-gaŋg-rəwta’g kwɔji ne dɔ néje lai gə́ to loo-ŋgəḭ’g lé, lé to né gə́ maji əsé né gə́ majel ya kara ləm tɔ.

Njekillamber 3:17

Ma m’pa məəm’g m’pana: Ala a gaŋg rəwta dɔ njera né gə́ gə dɔ najee ləm, gə dɔ njemeeyèr’g ləm tɔ, mbata néje lai ləm, gə kulaje lai ləm tɔ lé ndəa gə́ wɔji dɔ dee dɔ dee to keneŋ ya.

Matiyo 16:27

Mbata Ŋgon-dəw lé a ree gə kuraje ləa gə́ dara na̰’d gə rɔnduba gə́ bɔbeeje a kula dəa’g. Ndəa neelé yeḛ a kuga nana kara gə goo kula rəa-rəa ya.

Lugu 8:17

Mbata né gə́ rara gə́ a kiya rəa kar dee lal tegginee gə́ raga lé godo ləm, əsé né gə́ rara gə́ d iya gə ŋgəḭ gə́ d’a lal gəree əsé teḛ ne gə́ raga lé godo ləm tɔ.

Tagə́maji gə́ Ja̰ ndang 12:48

Yeḛ gə́ mbadm saar lal taa ta ləm ndá njegaŋ-rəwta dəa’g si gən ya. Ta gə́ ma m’ɔr lé nja ɓa a gaŋg rəbee dəa’g ndɔ gə́ rudu’g lé ya.

Néra Njékaḭkulaje 10:42

Tɔɓəi Jeju lé un ndia ar sí gə mba kar sí j’ila ne mber j’ar koso-dəwje gə mba kar dee d’oo gao, to gə́ yeḛ nja ɓa Ala ɔree undá gə́ njegaŋ-rəwta lə dəwje gə́ d’aw kəmba ləm, gə njé gə́ d’wəi lé ləm tɔ.

Néra Njékaḭkulaje 17:31

mbata yeḛ unda ndɔ gə́ yeḛ a gə gaŋg rəwta dɔ dəwje gə́ dɔ naŋg neelé gə goo rəbee ləm, dəw gə́ a gə gaŋg rəwta neelé kara yeḛ unda doi ləm tɔ. Yeḛ ar dəwje lai d’oo ta neelé gao loo gə́ yeḛ ar debee neelé unda loo teḛ dan njé gə́ d’wəi’g.

Njé gə́ Rɔmə 16:25

Yeḛ gə́ askəm ma̰a gɔl sí naŋg gə goo Tagə́maji’g ləm gə ta lə Jeju Kristi gə́ m’ila mberee lé gə́ aw na̰’d kára ba gə tandər gə́ deḛ riba dəa nɛ to loo-kiya’g kédé gə́ dɔtar saar lé

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

Njé gə́ Rɔmə 3:6

Wah! bèe el. Ŋga see Ala a koo loo gaŋgta dɔ dəwje’g to gə́ ban ɓəi wa.

1 Njé gə́ Kɔrḭtə 15:1

Ŋgakɔmje, Tagə́maji gə́ ma m’ula sí gə́ seḭ taaje gə meḛ sí ləm, gə seḭ naije keneŋ njaŋg ləm tɔ lé yee ɓa ma m’teg meḛ sí dɔ’g ya.

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.

2 Njé gə́ Kɔrḭtə 5:10

Mbata lé riri kara jeḛ lai j’a kaarje loo gaŋg-rəwta’g lə Kristi, ɓó gə mba kar nana kara a kiŋga né gə́ wɔji dɔ maji əsé gə majel gə́ yeḛ ra loo gə́ yeḛ nai ne gə darəa ɓəi lé.

Njé gə́ Galati 1:11

Ŋgakɔmje, ma m’ula sí təsərə, tagə́maji gə́ ma m’ɔr gée lé ḭ rɔ dəw’g el.

1 Timote 1:11

Ta neelé aw na̰’d gə Tagə́maji lə Ala gə́ njḛgɔ-ronduba gə njemeemaji ləm, yee ɓa to Tagə́maji gə́ yeḛ ɔm jim’g mba karm m’ndoo dəwje ləm tɔ.

2 Timote 2:8

Ar məəi olé dɔ Jeju Kristi yeḛ gə́ ḭ ginka’g lə Dabid ləm, yeḛ unda loo teḛ dan njé gə́ d’wəi’g gə goo tagə́maji gə́ to gə́ kama lé ləm tɔ.

2 Timote 4:1

Ma m’tɔgi no̰ Ala’g ləm, gə no̰ Jeju Kristi’g gə́ a gə gaŋg rəwta dɔ deḛ gə́ d’isi kəmba gə deḛ gə́ d’wəi’g ləma, gə ri yeḛ gə́ a gə tel ree gə ɓeeko̰ ləa ləm tɔ,

2 Timote 4:8

Un gelee ɓogənè saar lé dɔgugu ka̰ meekarabasur gə mba kam to gən ya. Mbaidɔmbaije gə́ njegaŋgta gə goo rəbee lé yeḛ nja ɓa a karm mee ndəa’g neelé, a karm-ma ɓa gə karm el nɛ a kar deḛ lai gə́ to yée d’unda meḛ dee dɔ ndɔ ree’g ləa pèrèrè lé tɔ.

Ǝbrəje 9:27

Tɔɓəi to gə́ dəwje d’wəi gɔl kára ba ɓa ndɔ gaŋg-rəwta teḛ dɔ dee’g ɓəi gə goo rəw gə́ Ala ɓa wɔji,

1 Piɛrə 4:5

Deḛ nja d’a teggin néra dee kar yeḛ gə́ si pèrèrè mba gaŋg rəwta dɔ deḛ gə́ d’isi kəmba lé ləm, gə deḛ gə́ d’wəi’g lé ləm tɔ.

2 Piɛrə 2:9

ɓó lé to togə́bè ndá Mbaidɔmbaije gər loo kɔr dəwje gə́ néra dee aw gə goo ka̰ Ala dan né gə́ naa dee ləm, yeḛ gər loo kunda njéra nékori-korije kul mba ŋgina ne ndəa gə́ yeḛ a gaŋg rəwta dɔ dee’g kar bo̰ néra ɔs ta dee’g lé ləm tɔ.