Njé gə́ Rɔmə 2:14 - Maktub gə́ To gə Kəmee

¹⁴ Loo gə́ njépole-magəje gə́ lal koo godndu Moyis lé d’ḭ gə meḛ dee ra né gə́ godndu wɔji ndá deḛ gə́ godndu lal dee ɓəi lé d’ar sí j’oo to gə́ godndu to meḛ dee’g ya.

Njé gə́ Rɔmə 2:14 ပူးပေါင်းရင်းမြစ်များ

Néra Njékaḭkulaje 10:35

Nɛ gə ginkoji dəwje gə raŋg lé nana ɓa gə́ ɓəlee ra ne né gə́ to gə dɔ najee ndá to gə́ njetaakəmee rəgm ya.

Néra Njékaḭkulaje 14:16

Mee ləbje gə́ ləw gə́ dəs mba̰ lé yeḛ ar ginkoji dəwje gə raŋg d’aw gə loo kaw dee kaw dee to gə́ meḛ dee ndigi.

Néra Njékaḭkulaje 17:30

Ndɔ gə́ dəwje d’isi dɔ mbə’g lé Ala un kəmee dɔ’g rəw. Nɛ ɓasinè yeḛ ila mber ar dəwje lai-lai gə́ d’isi gə loo gə́ rara kara mba kar dee d’wa ndòo rɔ dee dɔ kaiya’g,

Njé gə́ Rɔmə 1:32

Godndu Ala gə́ pana: Nana ɓa gə́ ra néje gə́ togə́bè lé a kas yée ya lé deḛ gər gao ya nɛ deḛ nja ra née ləm, mar deeje gə́ ra néje neelé kara deḛ ndigi sə dee ya ləm tɔ.

Njé gə́ Rɔmə 2:12

Deḛ lai gə́ ra kaiya nɛ deḛ lal koo godndu Moyis ndá d’a kudu lal godndu ya ləm, deḛ lai gə́ ra kaiya gin godndu’g lé ndá godndu lé ɓa a gaŋg rəwta dɔ dee’g ləm tɔ.

Njé gə́ Rɔmə 2:15

Néra dee tɔji sí to gə́ néra gə́ godndu wɔji lé to meḛ dee’g ya. Ta gə́ meḛ dee’g ɓa ɔr gée ləm, takə̰jije gə́ meḛ dee’g lé ila ta dɔ dee’g əsé ɔr ta dɔ dee’g ləm tɔ.

Njé gə́ Rɔmə 2:27

I gə́ sí gə maktub gə́ ɔr gin godndu ɓa i inja tamɔdi nɛ i al ta ta godndu’g lé see dəw gə́ njekḭja tamɔdee el gə́ taa ta godndu ra née ɔm ne mée dɔ’g jəb-jəb lé see yeḛ a kɔr ta kwai ne el wa.

1 Njé gə́ Kɔrḭtə 11:14

See néje gə́ naŋg nee tɔji sí rəbee el wa. Diŋgam gə́ ul yiŋga dəa aree ŋgal pɔ-pɔ ndá see to rɔkul el wa.

1 Njé gə́ Kɔrḭtə 9:21

Mbuna deḛ gə́ lal godndu lé m’tel rɔm asəna gə dəw gə́ lal godndu tɔ, ɓó gə mba kiŋga ne deḛ gə́ lal godndu lé tɔ, nɛ ma lé m’lal godndu gə́ ka̰ Ala el mbata ma m’isi gin godndu gə́ ka̰ Kristi’g.

Njé gə́ Epesə 2:12

mee ndəaje’g neelé seḭ lalje Kristi ləm, d’ɔg sí loo ra ɓee mee ɓee gə́ Israɛl ləm, ndukun gə́ Ala ar dee lé seḭ toje njékwagireeje ləm, nékunda-mee-yel dɔ’g lə sí godo ləma, Ala kara seḭ toje njékwagireeje ya ləm tɔ.

Njé gə́ Epesə 2:3

Jeḛ lai kara j’ɔm sə dee na̰’d tɔ ndá kédé lé jeḛ n’tɔlje ne mal né gə́ ra darɔ sí bém ləm, n’raje ne né gə́ darɔ sí gə meḛ sí ɓa wɔji ləma, n’toje ne ŋganje gə́ oŋg ɓa wɔji dɔ sí to gə́ njé gə́ raŋg lé ləm tɔ.

Tel tura Godndu 4:7

Tɔgərɔ ya, see ginkoji dəwje gə́ boo gə́ ra ɓa magə lə dee aar mbɔr dee’g dəb to gə Njesigənea̰, Ala lə sí gə́ sí mbɔr sí’g dəb loo gə́ rara gə́ jeḛ no̰ m’ɓaree keneŋ lé wa.

Njé gə́ Pilibə 4:8

Ŋgakɔmje, ges ta gə́ nai lé ɓa nee: Ta gə́ rara gə́ to gə́ kankəmta ləm, əsé riɓar gə́ maji gə́ rara ləm, əsé né gə́ rara gə́ to gə dɔ najee ləm, əsé né gə́ rara gə́ àr ŋgad-ŋgad ləm, əsé né gə́ rara gə́ taa kəm dəwje ləm, əsé né gə́ rara gə́ kəm ndigi sə dee dɔ’g ləma, əsé néje lai gə́ maji dum gə́ kəm kiŋga pidi ləm tɔ lé maji kar sí waje meḛ sí dɔ’g bururu ya.