Njé gə́ Rɔmə 2:10 - Maktub gə́ To gə Kəmee

¹⁰ Deḛ gə́ ra némaji lé d’a si dan rɔnduba’g gə dan riɓar’g gə dan meekulɔm’g ləm tɔ, Jibje kédé ɓa Grekje ɓəi!

Njé gə́ Rɔmə 2:10 ပူးပေါင်းရင်းမြစ်များ

Maktub gə́ wɔji dɔ Jɔb 22:21

Maji kari ɔm na̰’d sad gə Ala ndá i a kiŋga meelɔm, Togə́bè ɓa i a kal ne rɔi dan némajije’g.

Pakɔsje 15:2

Yeḛ gə́ njaa rəw néra gə́ danasur’g ləm, Gə ra né gə́ gə dɔ najee ləma, Gə pata gə goo kankəmta gə́ to mée’g ləm tɔ ɓa.

Pakɔsje 29:11

Njesigənea̰ lé ar dəwje ləa siŋga dee ləm, Njesigənea̰ lé tɔr ndia dɔ dəwje’g ləa Ar dee d’isi ne dan rɔlel’g ləm tɔ.

Pakɔsje 37:37

Maji kari orè kəmi sḭ dɔ yeḛ gə́ to njera né gə́ gə goo rəbee ləm, Aa loo oo yeḛ gə́ to njera né gə́ danasur ləm tɔ, Mbata dəw gə́ njemeelom lé ŋgakeaje d’a si gən ya.

Gosota-Kəmkàrje 11:18

Njemeeyèr lé iŋga nédɔjia gə́ ŋgɔm, Nɛ yeḛ gə́ dubu néra gə́ gə dɔ najee ndá Yeḛ iŋga nékoga dɔ jia gə́ gəd.

Gosota-Kəmkàrje 8:18

Nébao gə rɔnduba lé Daa na̰ rɔm’g ləm, Némajije gə́ to gə no̰, Gə ta gə́ to gə dɔ najee kara Togə́bè ya ləm tɔ.

Esai 26:12

Njesigənea̰, i ar sí j’isi lɔm, Mbata néje lai gə́ jeḛ n’ra lé I ɓa aree aw lée’g béréré ar sí.

Esai 32:17

Néra gə́ gə dɔ najee lé a koji meelɔm Tɔɓəi kandə néra gə́ gə dɔ najee lé a to loo-kwa-rɔ gə loo-si gə́ majee ləm tɔ saar gə no̰.

Esai 48:18

Ǝi! ɓó lé seḭ urje mbi sí gèŋ dɔ torndum’g ndá Si maji lə sí a to to gə́ mán baa bèe ləm, Rɔlel lə sí a to kasəna gə paŋgəm mán baa-boo bèe ləm tɔ,

Esai 48:22

Njesigənea̰ pana: Njémeeyèrje lé meekulɔm lə dee godo.

Esai 55:12

Oiyo, seḭ a kundaje loo teḛje gə rɔlel ləm, D’a kɔr no̰ sí gə meekulɔm ləm tɔ. Mbalje gə dɔdərlooje d’a kɔr ndu dee gə́ tar gə kalrɔ no̰ sí’g ləm, Kagje lai gə́ mee wala’g lé d’a kunda ji dee rag-rag ləm tɔ.

Esai 57:19

M’a kar ta pidi oji na̰ ta dee’g. Meelɔm, meelɔm mbata deḛ gə́ d’isi əw Gə deḛ gə́ d’isi dəb! Njesigənea̰ ɓa pa bèe pana: M’a kaji dee ya.

Jeremi 33:6

Aa ooje, m’a tel gɔlee gogo ləm, m’a kajee ləma, m’a karee si lɔm gə si dan maji’g bèdèg ləm tɔ.

Bula lə Israɛlje 6:26

Maji kar Njesigənea̰ tel kəmee gə́ rɔi’g ləm, maji karee ari meelɔm ləm tɔ!

Matiyo 10:13

ɓó lé njékəije d’wa sí gə́ rɔ dee’g ndá tɔrje ndu sí dɔ dee’g, nɛ ɓó lé d’wa sí gə́ rɔ dee’g el ndá arje ndutɔr lə sí tel to meḛ sí’g tɔ.

Lugu 1:79

Mba ndogó dɔ dəwje gə́ d’isi loo gə́ ndul njudu-njudu’g Gə d’isi loo gə́ ndil yoo dəb dɔ dee’g bigim ləm, Mba kar sí j’oo loo kila gɔl sí rəw meekulɔm’g lé ləm tɔ.

Lugu 12:37

Kuraje gə́ ɓée deeje ree iŋga dee loo-kisi gə́ d’isi dɔkəji dee’g pèrèrè ndá rɔ dee a lel dee ya. Ma m’ula sí təsərə, yeḛ nja ɓa a tɔ kubu ləa njim-njim ləm, a kar dee d’wa na̰ ta ka-nésɔ’g ko̰-ko̰ ləma, a ree pər gə́ rɔ dee’g mba kar dee né d’usɔ ləm tɔ.

Lugu 19:42

Ɓó lé ɓogənè gə́ to ndɔ kaḭ lé ɓa kəmi-i nja inja dɔ néje gə́ wɔji dɔ meekulɔm ləi bèe lé ɓa a maji yaa̰. Nɛ ɓasinè lé néje neelé d’iya rɔ dee kəmi’g pḛ́-pḛ́ nja ɓəi.

Lugu 22:14

Kàree teḛ mba̰ ndá yeḛ si ta ka-nésɔ’g ar njékaḭkulaje d’isi səa keneŋ na̰’d.

Lugu 9:48

ula dee ne pana: Nana ɓa gə́ wa ŋgon gə́ nai gɔ bèe lé gə́ rəa’g gə rim ndá nai gə́ darɔm-ma nja wam gə́ rəa’g kən, tɔɓəi nana ɓa gə́ wam-ma nee nja gə́ rəa’g ndá nai gə́ dəw gə́ njekulam lé nja wá gə́ rəa’g kən tɔ. Mbata nana ɓa gə́ wa rəa’g gə́ dəw gə́ əḭ el mbuna sí’g ndá njea neelé ɓa to dəw gə́ boo mba̰ ya.

Tagə́maji gə́ Ja̰ ndang 12:26

Dəw gə́ rara ɓa ɓó lé ndigi ra né kam ndá maji karee un rəw goom’g, bèe ɓa loo gə́ m’a si keneŋ ndá lé neelé kura ləm a si səm keneŋ tɔ. Dəw gə́ rara ɓa ɓó lé ra né am ndá Bɔm a kila riɓar dəa’g ya.

Tagə́maji gə́ Ja̰ ndang 14:27

Ma m’ya̰ sí gə meekulɔm, nɛ meekulɔm ləm ya m’ar sí. Ma lé m’ar sí to gə́ naŋg nee ɓa ar sí lé el. Maji karje meḛ sí pélé wəs-wəs el ləm, gə ɓəlje el ləm tɔ.

Tagə́maji gə́ Ja̰ ndang 16:33

Ma m’ula sí ta néje neelé mba kar meḛ sí gə́ seḭ ɔmje səm na̰’d sad lé seḭ a sije ne gə meekulɔm ya. Nékəmndoo a ra sí dɔ naŋg nee ya, nɛ waje rɔ sí kɔgərɔ mbata ma m’dum dɔ loo gə́ naŋg nee mba̰ tɔ.

Néra Njékaḭkulaje 10:35

Nɛ gə ginkoji dəwje gə raŋg lé nana ɓa gə́ ɓəlee ra ne né gə́ to gə dɔ najee ndá to gə́ njetaakəmee rəgm ya.

Njé gə́ Rɔmə 14:17

Mbata ɓeeko̰ lə Ala lé wɔji dɔ nésɔ əsé nékai ba el, nɛ wɔji dɔ meekarabasur gə meelɔm gə rɔlel gə́ Ndilmeenda ar sí.

Njé gə́ Rɔmə 15:13

Maji kar Ala gə́ njemeekṵdayel lé ar nérɔlel’g gə ria-ria ləm, gə némeelɔm’g gə ria-ria ləm tɔ lé taa meḛ sí pəl-pəl gə goo meekun’g lə sí, gə mba kar mbɔl dɔ siŋgamoŋ lə Ndilmeenda ɓa meekundayel lə sí a kɔs ne dɔ maree’g gə́ kédé-kédé.

Njé gə́ Rɔmə 2:7

Deḛ gə́ d’ai meḛ dee sam-sam dɔ néra deeje gə́ maji’g saŋg ne riɓar gə rɔnduba gə dɔkaisəgərə lé dee nja yeḛ a kar dee d’isi gə kəmə gə́ gə no̰ ya.

Njé gə́ Rɔmə 2:9

Némeeko̰ gə néurti a kwa dɔ dəw gə́ rara ɓa gə́ njera némajel lé, a kwa dɔ Jibje kédé ɓa a kwa dɔ Grekje ɓəi.

Njé gə́ Rɔmə 5:1

Jeḛ lé mbɔl dɔ meekun lə sí ɓa Ala ɔr ne ta dɔ sí’g yee ɓa Mbaidɔmbaije lə sí Jeju Kristi lé ar sí j’ɔm na̰’d yəg gə Ala tɔ.

Njé gə́ Rɔmə 8:6

Takə̰ji gə́ ḭ darɔ’g lé yel kó yoo, nɛ takə̰ji gə́ ka̰ Ndil lé yel kó kəmə lé ləm, gə kó meelɔm ləm tɔ.

Njé gə́ Rɔmə 9:21

Njekubajo lé see to dəw dɔ a̰ji el wa. Loo gə́ a̰ji to loo-mboḭyee’g loo kára ba lé see njekuba né a kuba gə́ joo gɔrje gə jo baŋgaje ɓəd-ɓəd el wa.

Njé gə́ Rɔmə 9:23

əsé ɓó lé yeḛ ndigi kar dee gər boo-ronduba ləa mbata lə joje gə́ nojikwa wɔji dɔ deḛ gə́ yeḛ nja wa dɔ gɔl dee gə mba kar dee d’iŋga ne rɔnduba lé see ta ɗi ləi to keneŋ wa.

Njé gə́ Galati 5:22

Nɛ kandə né gə́ ka̰ Ndil lé ɓa to nee ya: Meenoji ləm, gə rɔlel ləm, gə meekulɔm ləm, gə meekai sam-sam ləm, gə to gə́ dəw-noji ləm, gə meemaji ləm, gə to gə́ ŋgonkoji ləm, gə kaw yururu ləma, gə kunda-kəmkàr-dɔ-rɔ’g ləm tɔ lé

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

Njé gə́ Pilibə 4:7

Bèe ndá meekulɔm lə Ala gə́ dum kḛji lé a kaḭ ŋgaŋ takə̰ji gə́ meḛ sí-seḭ gə́ ɔmje na̰’d gin Jeju Kristi lé.

1 Timote 1:17

Yeḛ gə́ to Mbaidɔmbaije gə́ ləw-ləw ləm, gə njesi gə ləbee-ləbee gə nea̰ ləma, gə yeḛ gə́ dumkoo ləm tɔ, yeḛ ɓa to Ala kára ba kiao lé, maji kila riɓar dəa’g ləm, gə kula rɔnduba dəa’g ləm tɔ gə ləbee-ləbee saar gə no̰. Amen!

Ǝbrəje 2:7

I undá aree nai lam bèe ndá a kas gə kuraje gə́ dara ləm, I ula dɔgugu rɔnduba dəa’g ila ne riɓar ne dəa’g ləm tɔ.

Maktub gə́ Jak ula ne ar ngan-Allaje 2:22

I oo gao, meekun ləa orè na̰’d més gə né gə́ yeḛ ra ndá goo nérea ɓa meekun ləa ɔr ne dɔ njal ya.

Maktub gə́ Jak ula ne ar ngan-Allaje 3:13

See na̰ ɓa mbuna sí’g to njekəmkàr ləm, gə njegosonégər ləm tɔ wa. Maji kar panjaa ləa gə tapea gə́ kul yururu lé ɔr gin kəmkàr ləa gə́ raga ya.

1 Piɛrə 1:7

mba kar né gə́ naa sí waga lé unda ne rɔ meekun lə sí ar dee d’oo. Meekun lə sí gə́ gadee ur dɔ ka̰ larlɔr gə́ naa dan pər’d nɛ a kunda naŋg ɓəi lé ndɔ gə́ Jeju Kristi a kunda loo teḛ ndá a tel to népidi sí ləm, gə né kula rɔnduba dɔ sí’g ləma, gə né kila riɓar dɔ sí’g ləm tɔ.

1 Piɛrə 5:4

Loo gə́ mbai gə́ njekulbadje lé a kunda loo teḛ ndá seḭ a kiŋgaje dɔgugu gə́ a go̰dərɔ el gə́ yeḛ a kula ne rɔnduba dɔ sí’g.

1 Samel 2:30

Gelee gə́ nee ɓa aa oo, ta gə́ Njesigənea̰, Ala lə Israɛlje pa pana: Kédé lé ma m’pa njaŋg m’pana: Njémeekəije ləi gə gel bɔbije lé d’a njaa no̰m’g saar gə no̰. Nɛ ɓasinè Njesigənea̰ pana: Neḛ n’godo keneŋ ŋga! Mbata yeḛ gə́ ila riɓar dɔ neḛ’g lé n’a kila riɓar dəa’g tɔ. Nɛ deḛ gə́ d’ə̰ji neḛ gə́ kḛji lé d’a kḛji dee gə́ kḛji tɔ.