Njé gə́ Rɔmə 16:5 - Maktub gə́ To gə Kəmee

⁵ Raje Eglisə gə́ mbo̰ dɔ na̰ kəi lə dee lé lapia amje. Epayinètə gə́ m’undá dan kəm’g gə́ to njetaamee-Kristi gə́ doŋgɔr ɓeeko̰ gə́ Asi lé reaje lapia amje.

Njé gə́ Rɔmə 16:5 ပူးပေါင်းရင်းမြစ်များ

Matiyo 18:20

Mbata loo gə́ dəwje joo əsé munda d’wa dɔ na̰ gə rim-ma ndá ma nja m’aar mbuna dee’g ya.

Néra Njékaḭkulaje 16:6

Ndilmeenda ɔg dee loo kila mber ta mee dəb ɓeeko̰ gə́ Asi. Togə́bè ɓa deḛ d’unda mee ɓee gə́ Prigi gə Galati gaŋg.

Néra Njékaḭkulaje 18:12

Mee ləb gə́ Galio̰ to ne njeguburuɓee gə́ Akai lé Jibje d’ḭ d’ɔm na̰’d téréré d’ḭ gə Pool d’wá d’aw səa loo-gaŋg-rəwta’g

Néra Njékaḭkulaje 18:27

To gə́ yeḛ wɔji-kwɔji kaw gə́ Akai ndá ŋgako̰ na̰je d’ula diŋgam mée’g tɔɓəi deḛ ndaŋg maktub d’aree gə mba karee aw ne ar njékwakiláje ɓó gə kar dee d’wá ne gə́ rɔ dee’g. Loo gə́ yeḛ teḛ keneŋ ndá yeḛ la sə dee-deḛ gə́ mbɔl dɔ noji gə́ Ala wa sə dee lé d’un ne meḛ dee.

Néra Njékaḭkulaje 2:9

Jeḛ n’toje Partəje gə Medəje gə Elamje ləm, gə deḛ gə́ d’ḭ Mesɔpotami gə Jude gə Kapadɔs gə Po̰t gə Asi

Njé gə́ Rɔmə 11:16

Ɓó lé kó néje gə́ dɔtar ya to maji péd-péd ndá geseeje gə́ raŋg kara d’a to maji togə́bè tɔ. Ɓó lé ŋgira kag to ɓṵdu-ɓṵdu ndá barkəmeeje lai kara d’a kuba pur-pur tɔ.

Njé gə́ Rɔmə 15:26

Mbata njé gə́ Masedoinə gə njé gə́ Akai lé deḛ d’ḭ gə meḛ dee mbo̰ ta néje lə dee na̰’d mba kar njéndooje mbuna deḛ gə́ to gə kəmee gə́ d’isi Jerusalem lé.

Njé gə́ Rɔmə 16:12

Raje Tripènə gə Triposə gə́ ra kula lə Mbaidɔmbaije lé lapia amje. Raje Persidə gə́ m’undá dan kəm’g gə́ ula rəa ndubu ra ne kula lə Mbaidɔmbaije lé lapia amje.

Njé gə́ Rɔmə 16:4

Deḛ lé d’ɔs dɔ dee yoo’g gə mba kajim ne. Ma m’ra dee oiyo gə karm el nɛ Eglisəje lai gə́ to ɓee lə njépole-magəje kara ra dee oiyo ya tɔ.

Njé gə́ Rɔmə 16:6

Raje Mari gə́ ula rəa ndubu yaa̰ gə mbata lə sí lé lapia amje.

Njé gə́ Rɔmə 16:8

Raje Amplias gə́ m’undá dan kəm’g gin Mbaidɔmbaije’g lé lapia amje.

1 Njé gə́ Kɔrḭtə 16:15

Ŋgakɔmje, ma m’ndigi ndəji sí bər-bər dɔ ta gə́ raŋg’d ya tɔɓəi. Seḭ gərje gao kojikəije lə Stepanas lé deḛ nja to kó njétaamee-Kristije gə́ Akai gə́ d’ula goŋ dee kula’g mbata lə deḛ gə́ to gə kəmee lé.

1 Njé gə́ Kɔrḭtə 16:19

Eglisəje gə́ Asi ra sí lapia ləm, Akilas gə Prisil gə Eglisə gə́ d’wa dɔ na̰ kəi lə dee lé ra sí lapia yaa̰ gə ri Mbaidɔmbaije ləm tɔ.

2 Njé gə́ Kɔrḭtə 1:1

Ma Pool, njekaḭkula lə Jeju Kristi gə́ Ala ɔree kəmee’g to gə́ mée wɔji, jeḛ gə Timote, ŋgoko̰ sí lé jeḛ ndaŋg maktub nee j’ar Eglisə lə Ala gə́ to Korintə ləm, j’ar deḛ gə́ to gə kəmee lai gə́ d’isi Akai ləm tɔ.

2 Njé gə́ Kɔrḭtə 9:2

Tɔgərɔ ya, kḭ gə́ seḭ ḭje gə́ meḛ sí waje ne noji lé ma m’gər gao, yee ɓa ma m’ti ne rɔm m’wɔji ne dɔ sí’g rɔ njé gə́ Masedoinə’g m’ula dee ne m’pana: Njé gə́ Akai deḛ gɔl dɔ ka̰ dee yəg kal ba mba̰: rɔkwɔilɔ lə sí lé yel kó noji lə dəwje gə́ raŋg bula tɔ.

Njé gə́ Kolosə 4:15

Ŋgako̰ síje gə́ d’isi Laodise, gə Nympas, gə Eglisəje gə́ d’wa dɔ na̰ kəi ləa lé ra deeje lapia ar síje.

Piləmɔ̰ 1:2

j’ar Apia kɔnan sí gə́ dené ləm, gə j’ar Arsipə njeboarɔ lə sí ləma, j’ar Eglisə gə́ mbo̰ dɔ na̰ mee kəi’g ləi ləm tɔ.

Maktub gə́ Jak ula ne ar ngan-Allaje 1:18

Yeḛ nja oji sí to gə́ mée ndigi, kankəmta ɓa yeḛ ɔr sí ne mba kar sí n’toje ne kó dəwje ləa.

3 Ja̰ 1:1

Ma ŋgatɔg lé m’ndaŋg maktub nee m’ar Gayus gə́ m’undá dan kəm’g gə goo kankəmta lé.

Loo gə́ killa rea kəm Ja̰’g 14:4

Deḛ neelé ra kaiya gə denéje d’ar rɔ dee mina̰ ne el mbata deḛ to gə́ ŋgaw-buaje. Deḛ nja to gə́ njéboalookawje lə Ŋgonbad ləm, deḛ to njé gə́ d’uga dɔ dee mbuna dəwje gə́ dɔ naŋg nee asəna gə né gə́ doŋgɔr mba kar Ala ləm, gə mba kar Ŋgonbad lé ləm tɔ.