Njé gə́ Rɔmə 16:17 - Maktub gə́ To gə Kəmee

¹⁷ Ŋgakɔmje, ma m’ndəji sí bər-bər gə mba kar sí tɔsje kəm sí goo njétɔs əm dəwje na̰’d lé gə deḛ gə́ néra dee ila dəwje kag ɓó ta lə dee aw na̰’d gə ta gə́ seḭ iŋgaje mba̰ lé el. Undaje rɔ sí rɔ dee’g ɓad gə́ raŋg.

Njé gə́ Rɔmə 16:17 ပူးပေါင်းရင်းမြစ်များ

Matiyo 18:17

Ɓó lé yeḛ mbad koo ta lə dee ndá maji kari aw ula églisə taree. Ɓó lé yeḛ mbad koo ta lə églisə tɔɓəi ndá maji kar dee d’ée gə́ njetar-Ala ləm, gə njetaa lar-gədɓee ba ləm tɔ.

Matiyo 18:7

Némeeko̰ a ra dəwje dɔ naŋg nee mbata némeekɔsgelje lə dee. Lé riri kara némeekɔsgelje lé d’a to ya nɛ meeko̰ a ndər di-di dɔ njekunda ginee’g.

Matiyo 7:15

Maji kar sí aaje rɔ sí dɔ njéteggintaje gə́ ŋgɔm gə́ d’a kḭ mbuna sí’g nee ya tel rɔ dee asəna gə badje nɛ meḛ dee gə́ kəi to asəna gə jagmjərje gə́ njétɔ kó dəwje.

Lugu 17:1

Yeḛ ula njékwakiláje pana: Lé riri kara némeekɔsgelje lé d’a ree ya ɓó d’a lal ree el, nɛ meekea̰ a ndər di-di dɔ njékṵda gin dee’g lé ya!

Néra Njékaḭkulaje 15:24

Jeḛ lé j’oo to gə́ dəwje gə́ na̰je gə́ d’ḭ ɓee lə sí nee nɛ j’un ndu sí j’ar dee el lé deḛ d’aw d’ula sí na̰’d gə ta lə dee, pélé ne meḛ sí dɔ kankəmrɔ sí’g.

1 Njé gə́ Kɔrḭtə 11:18

Né gə́ dɔtar lé deḛ d’ulam d’am m’oo pana: Loo gə́ seḭ waje dɔ na̰ ndá seḭ ɔrje kəm na̰ gə mba tḭje ne na̰. Ta neelé m’tɔr kona ɓa m’taa.

1 Njé gə́ Kɔrḭtə 3:3

Tɔgərɔ ya, kəmkəḭ gə ta tḭ-na̰ to mbuna sí’g lé ndá see néra sí wɔji dɔ darɔ el wa. See panjaa sí to gə́ panjaa dəwje gə́ kari ba ɓəi el wa.

Njé gə́ Galati 2:4

Ta neelé oso mbata lə njé gə́ na̰je gə́ d’wa rɔ dee gə́ ŋgako̰ síje nɛ deḛ to gə́ njéhulaije gə́ d’andə mbuna sí’g gə ŋgəḭ ɓa, mba ŋgəḭ sí koo ŋgonkoji gə́ Jeju ɔm sí ne ta lé, yee ɓa deḛ ra gə mba kwa sí ne gə́ ɓər gogo ɓəi tɔ.

Njé gə́ Pilibə 3:17

Ŋgakɔmje, ndajije kəm-ma ya oreeje kəm sí ndəŋ dɔ deḛ gə́ njaa gə goo rəw gə́ jeḛ n’tɔji sí.

Njé gə́ Kolosə 2:8

Undaje kəmkàr dɔ rɔ sí’g mba kar dee busu sí gə sutaje el əsé gə kəsta gə́ gə mḭdé-mḭdé ba el. Taje neelé deḛ dum gin dee dɔ néjiɓee’g lə dəwje ləm, gə dɔ négər gə́ dɔtar gə́ ka̰ naŋg nee gə́ tar néje gə́ tar ɓəi ləm tɔ ɓó tum gin dee dɔ Kristi’g el.

2 Njé gə́ Tesalonikə 3:6

Ŋgako̰ síje, jeḛ ndəji sí gə ri Mbaidɔmbaije lə sí Jeju Kristi mba kar sí saaje rɔ sí rɔ ŋgoko̰ sí gə́ rara kara gə́ gər kwa dɔ gɔl rəa el lé ləm, əsé gə njaa goo ta gə́ jeḛ ndoo sí lé el ləm tɔ.

1 Timote 1:3

Ma m’olé məəi dɔ ta gə́ ma m’ndəjii loo gə́ m’ḭ rɔi’g mba kaw Masedoinə ɓa m’ɔgi naŋg Epesə mba kari ndəji njé gə́ na̰je kar dee d’un ta ndooje gə́ raŋg ndoo ne mar deeje el ŋga ləm,

2 Timote 3:5

D’a ndaji néra gə́ ka̰ kwa Ala mée’g lə sí nɛ d’a kɔm meḛ dee dɔ siŋgamoŋ lə néraje neelé el.

Titə 3:10

Dəw gə́ njekula dəwje na̰’d lé ndəjee gɔl karaje joo jén ndá ɔsee rəw rɔi’g gə́ gogo,

1 Ja̰ 2:19

Deḛ d’ḭ mbuna sí’g teḛ mba̰, nɛ deḛ to gə́ ka̰ síjeḛ el, mbata ɓó lé deḛ to gə́ ka̰ síjeḛ ndá d’a nai sə sí. Né neelé teḛ dɔ sí’g mba kar sí n’gər deḛ gə́ to gə́ ka̰ síjeḛ el təsərə.

Jude 1:19

Deḛ nja ɓa d’ula sí na̰’d d’ar ta tḭ-na̰ oso ne ləm, deḛ ndolè goo néra gə́ ka̰ darɔ ɓó Ndil godo meḛ dee’g ləm tɔ.