Njé gə́ Rɔmə 15:6 - Maktub gə́ To gə Kəmee

⁶ mba kar sí lai lé a kundaje ne ndu sí na̰’d kára ba mba kula ne rɔnduba dɔ Ala lé gə́ to Bɔ Mbaidɔmbaije lə sí Jeju Kristi lé.

Njé gə́ Rɔmə 15:6 ပူးပေါင်းရင်းမြစ်များ

Soponi 3:9

Yen ŋga n’a togo ta koso-dəwje karee àr ŋgad-ŋgad Gə mba kar dee-deḛ lai ɓar ne ri Njesigənea̰ ləm, Gə mba kar dee d’ɔm na̰’d téréré D’wa ne neḛ meḛ dee’g ləm tɔ.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Tagə́maji gə́ Ja̰ ndang 20:17

Jeju tel ilá keneŋ pana: Ɔrɔ rɔm el, mbata m’ḭ m’aw rɔ Bɔm’g el ɓəi. Nɛ ɔd aw iŋga ŋgabɔmje ula dee: M’isi m’aw gə́ rɔ Bɔm gə́ to Bɔ síje lé ləm, m’isi m’aw gə́ rɔ Ala’g lé ləm gə́ to Ala lé lə sí ləm tɔ.

Néra Njékaḭkulaje 4:24

Loo gə́ d’oo bèe ndá d’unda ndu dee na̰’d bura d’ar Ala pana: Mbaidɔmbaije, i nja unda dara gə naŋg nee gə baa-boo-kad gə néje lai gə́ to keneŋ ləm,

Néra Njékaḭkulaje 4:32

Koso-dəwje gə́ d’un meḛ dee neelé d’ɔm meḛ dee na̰’d sad d’isi d’asəna gə dəw gə́ kára ba bèe. Dəw kára kara mbuna dee’g oo néje ləa gə́ né kea̰-yeḛ nja gə karee el, nɛ deḛ lai d’oo néje lə dee gə́ ka̰ na̰ ya.

2 Njé gə́ Kɔrḭtə 1:3

Maji kar dɔ ri Ala lé ai səgərə, yeḛ gə́ to Bɔ Mbaidɔmbaije lə sí Jeju Kristi ləm, gə bao-meekɔrjol ləma, gə Ala gə́ bao-njegɔl meḛ dəwje ləm tɔ.

2 Njé gə́ Kɔrḭtə 11:31

Ala gə́ to Bɔ Mbaidɔmbaije Jeju ləm, gə́ to njedɔkaisəgərə gə ləbee-ləbee gə no̰ ləm tɔ lé yeḛ nja gər gao to gə́ ma m’pata ŋgɔm el.

Njé gə́ Epesə 1:17

Ma m’ra tamaji mba kar Ala lə Jeju Kristi, Mbaidɔmbaije lə sí gə́ to Bɔ rɔnduba lé a kar sí ndil gə́ ka̰ kəmkàr ləm, a kar kəm sí inja kar sí gərje ne ndiaa təsərə ləm tɔ.

Njé gə́ Epesə 1:3

Maji kar dɔ Ala Bɔ Mbaidɔmbaije lə sí Jeju Kristi lé ai səgərə, mbɔl dɔ Kristi ɓa yeḛ tɔr ne ndia dɔ sí’g ar sí j’isi ne gə nénojije ɓəd-ɓəd gə́ ka̰ Ndil lé mee dara’g.

Njé gə́ Kolosə 1:3

Jeḛ n’ra Ala gə́ to Bɔ Mbaidɔmbaije lə sí Jeju Kristi lé oiyo ta-ta mbata lə sí ləm, jeḛ n’ra tamaji mbata lə sí ləm tɔ

1 Piɛrə 1:3

Maji kar dɔ ri Ala Bɔ Jeju Kristi Mbaidɔmbaije lə sí lé ai səgərə. Yeḛ ar mée oso lemsé dɔ sí’g oji sí ne sigi, tɔɓəi teḛ gə́ yeḛ ar Jeju Kristi teḛ dan njé gə́ d’wəi’g lé ar meekundayel lə sí to ne kəmba tɔ.

Loo gə́ killa rea kəm Ja̰’g 1:6

yeḛ unda sí gə́ gin ɓeeko̰ gə́ kára ba ar sí n’tojee njékinjanéməsje gə́ ka̰ Bɔbeeje Ala ləm tɔ. Maji karee yeḛ nja to Bao-ronduba gə Njedum dɔ loo gə ləbee-ləbee gə no̰. Amen.