Njé gə́ Rɔmə 15:5 - Maktub gə́ To gə Kəmee

⁵ Maji kar Ala gə́ njemeekila ləm, gə njégɔl meḛ dəwje ləm tɔ lé ar takə̰ji lə sí aw na̰’d kára ba gin Jeju Kristi’g

Njé gə́ Rɔmə 15:5 ပူးပေါင်းရင်းမြစ်များ

2 Sôrta Gḭka Israɛlje 30:12

Mee ɓee gə́ Juda kara Ala ra kula meḛ dee’g ar meḛ dee asəna kára ba mba kar dee ra né gə goo ndukun lə mbai gə ka̰ ŋgan-mbaije karee aw lée’g béréré gə goo tapa Njesigənea̰ lé.

Pakɔsje 86:5

Mbaidɔmbaije, i to njemeemaji ləm, Gə njemeekoso lemsé ləm tɔ. Deḛ lai gə́ ɓar rii lé I unda dee dan kəmi’g.

Teḛ-Raga 34:6

Njesigənea̰ dəs no̰ Moyis’g pa gə ndia gə́ boi wəl pana: Njesigənea̰, Njesigənea̰, Ala gə́ njemeekoso lemsé ləm gə njekookəmtondoo ləm, yeḛ gə́ oŋg ḭ səa kalaŋ el ləma, meemaji gə kankəmta lé yeḛ nja to gə́ babeeje ya ləm tɔ,

Jeremi 32:39

M’a kar meḛ dee gə panjaa dee to asəna kára ba mba kar dee ɓəlm saar gə no̰ mbata maji lə dee-deḛ ləm, gə ka̰ ŋgan deeje-je gə́ goo dee’g ləm tɔ.

Ejekel 11:19

N’a kar meḛ sí to asəna kára ba ləm, n’a kar ndil gə́ sigi to meḛ sí’g ləm tɔ. Dɔ ɓəŋgərə sí gə́ kədərə to gə́ mbal bèe lé n’a kɔr meḛ sí’g ndá n’a kar sí dɔɓəŋgərə dəw.

Néra Njékaḭkulaje 4:32

Koso-dəwje gə́ d’un meḛ dee neelé d’ɔm meḛ dee na̰’d sad d’isi d’asəna gə dəw gə́ kára ba bèe. Dəw kára kara mbuna dee’g oo néje ləa gə́ né kea̰-yeḛ nja gə karee el, nɛ deḛ lai d’oo néje lə dee gə́ ka̰ na̰ ya.

Njé gə́ Rɔmə 12:16

Arje takə̰ji lə sí aw na̰’d kára ba dɔ na̰’g. Jɔgje rɔ sí mba néje gə́ boi-boi el nɛ ar néje gə́ wɔji dɔ kosokul lé ɓa wa meḛ sí. Pidije rɔ sí dɔ kəmkàr’g lə sí el.

Njé gə́ Rɔmə 15:13

Maji kar Ala gə́ njemeekṵdayel lé ar nérɔlel’g gə ria-ria ləm, gə némeelɔm’g gə ria-ria ləm tɔ lé taa meḛ sí pəl-pəl gə goo meekun’g lə sí, gə mba kar mbɔl dɔ siŋgamoŋ lə Ndilmeenda ɓa meekundayel lə sí a kɔs ne dɔ maree’g gə́ kédé-kédé.

Njé gə́ Rɔmə 15:3

Mbata Kristi kara saŋg rɔlel gə́ wɔji dəa gə karee el nɛ to gə goo ta gə́ ndaŋg mee maktub’g pana: Deḛ gə́ d’ula sul dɔi’g lé ta ndɔlje lə dee lé kara oso dɔm’g ya ləm tɔ.

1 Njé gə́ Kɔrḭtə 1:10

Ŋgakɔmje, ma m’ndəji sí gə ri Mbaidɔmbaije lə sí Jeju Kristi mba kar tapa sí aw na̰’d kára ba ɓó kar ta tḭ-na̰ oso mbuna sí’g el. Maji kar sí ndaje meḛ sí kaḭ gə na̰ mba kar takə̰ji lə sí aw na̰’d kára ba ya.

2 Njé gə́ Kɔrḭtə 13:11

Ŋgakɔmje, ges ta gə́ nai lé maji kar sí ndaje meḛ sí kaḭ ləm, saŋgje loo gə mba toje dəwje gə́ maji ɔr njoroŋ ləm, gɔlje meḛ na̰ ləm, ɔmje meḛ sí na̰’d sad ləma, sije gə meekulɔm mbuna na̰’d ləm tɔ, bèe ɓa, Ala gə́ njeyelko meenoji gə meekulɔm lé a nai sə sí ɓəi.

2 Njé gə́ Kɔrḭtə 7:6

Nɛ Ala gə́ njegɔl meḛ deḛ gə́ rɔ dee wəi njururu lé yeḛ nja ɓa ar Titə teḛ dɔ sí’g gɔl ne meḛ sí,

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

Njé gə́ Pilibə 1:27

Yee nja m’ula sí kən, arje néra sí wa bua Tagə́maji lə Kristi, togə́bè ɓa, lé m’a kaw koo sí əsé lé m’a godo mbuna sí’g ndá kara m’a koo to gə́ seḭ aarje dɔ gɔl sí’g njaŋg loo kára ba ləm, seḭ undaje siŋga sí na̰’d mba koma̰ gə né gə́ a tuji meekun gə́ wɔji dɔ Tagə́maji lé ləm tɔ,

Njé gə́ Pilibə 2:2

ndá maji kar sí oreeje na̰ més rəw-kaw sí’g ləm, undaje na̰ dan kəm na̰’d ləm, ɔmje meḛ sí na̰’d téréré ləma, arje takə̰ji lə sí to gə goo kára ba ləm tɔ, gə mba kar rɔlel ləm ɔr ne dɔ jnja.

Njé gə́ Pilibə 3:16

Nɛ ooje maji, lé gə́ jeḛ n’teḛje keneŋ mba̰ ndá ar sí j’ɔmje na̰’d yəg kəm sí gə́ kédé ya.

Njé gə́ Pilibə 4:2

Ma m’ndəji Ebodi gə Sḭtisə mba kar takə̰ji lə dee aw na̰’d kára ba gin Mbaidɔmbaije’g.

1 Piɛrə 3:20

Deḛ gə́ ləw lé to njékaltaje mee ndəa gə́ Ala ila ne mée dɔ maree ar Noe ra ne bato, nɛ dəwje jebəre ba d’as dəwje jinaijoo d’iŋga kaji keneŋ dan mán bélm’g.

1 Piɛrə 3:8

Tɔɓəi seḭje lai lé ɔmje meḛ sí na̰’d sad ləm, ooje kəmtondoo lə na̰ ləm, waje na̰ gə́ rɔ na̰’d wɔjije ne kag noji ləm, arje meḛ sí oso lemsé dɔ na̰’g ləma, kulje gə na̰ yururu ləm tɔ.

2 Piɛrə 3:15

Maji kar sí gərje gao, boo-meekila lə Mbaidɔmbaije lé tel to kaji lə sí ya, to gə́ ŋgoko̰ sí gə́ Pool gə́ jeḛ j’undá dan kəm sí’g lé yeḛ kara ndaŋg taree ar sí gə goo kəmkàr gə́ Ala aree lé tɔ.

2 Piɛrə 3:9

Mbaidɔmbaije lé to njekuba goo ndukun ləa kyá̰ el. Njé gə́ na̰je ɓa la̰ji meḛ dee’g pana: Yeḛ uba yá̰ gə́ kyá̰ ŋga nɛ yeḛ ila mée dɔ sí’g po̰ mbata yeḛ ndigi kar dəw kára kara tuji el, nɛ yeḛ ndigi kar sí-seḭ lai unje kəm sí dɔ kaiya’g lə sí rəw ya.