Njé gə́ Rɔmə 15:32 - Maktub gə́ To gə Kəmee

³² Bèe ɓa ɓó lé mee Ala ndigi ndá m’a teḛ rɔ sí’g gə rɔlel ləm, m’wa ne rɔm mbuna sí’g lam ləm tɔ.

Njé gə́ Rɔmə 15:32 ပူးပေါင်းရင်းမြစ်များ

Gosota-Kəmkàrje 25:13

Njekaḭkula gə́ to majikoji lé To asəna gə kul lə ndi kwɔji gə́ naḭ kinja kó’g bèe mbata lə njekulá lé, Yeḛ gɔl mee ɓéeje aree to ne lɔm.

Néra Njékaḭkulaje 18:21

Nɛ yeḛ ndigi sə dee el. Yeḛ ra dee lapia pana: Lé riri kara m’a kaw ra naḭ gə́ gogo mee ɓee gə́ Jerusalem ya. Ɓó lé mee Ala ndigi ndá m’a tel kiŋga sí ɓəi. Yeḛ ḭ Epesə uru mee bato’g ɔd aw.

Néra Njékaḭkulaje 27:1

Loo gə́ d’wɔji-kwɔji gə mba kar sí j’uru mee bato’g gə mba kaw Itali ndá d’ila Pool gə daŋgai mareeje gə́ na̰je ji Julius’g gə́ to njekɔrno̰ njérɔje gə́ tɔl gə́ ɓar dee ka̰ Augustə.

Njé gə́ Rɔmə 15:29

Ma m’gər gao loo gə́ m’a kaw ɓee lə sí ndá Kristi a tɔr ndia dɔm’g korè səm rəw na̰’d més karm m’teḛ ne ɓee lə sí gə́ majee.

1 Njé gə́ Kɔrḭtə 16:18

mbata deḛ nja d’ar ndiləm wa girm ləm, gə ka̰ sí-seḭ ləm tɔ. Maji koo dəwje gə́ togə́bè lé gə́ kankəm dəwje ya.

1 Njé gə́ Kɔrḭtə 4:19

Ɓó lé mee Mbaidɔmbaije ndigi ndá mbɔr ɓa m’a kila gɔlm ɓee lə sí. Bèe ɓa m’a gər ne siŋga lə njéti rɔ deeje koo ɓó m’a gər tapa dee goo kára ba el.

2 Njé gə́ Kɔrḭtə 7:13

Gelee gə́ nee ɓa meḛ sí to ne lɔm. Ta nee gɔl meḛ sí goo kára ba el nɛ loo gə́ jeḛ j’oo rɔlel lə Titə mbata seḭ arje ndilee ree rəa’g ndá rɔlel lə sí to yaa̰ unda nje gə́ kédé ya.

2 Timote 1:16

Maji kar Mbaidɔmbaije ra meemaji gə Onesipɔrə gə njénojije ləa mbata yeḛ nja ɓa gɔl məəm gɔl bula ləm, yeḛ ra kəmkul dɔ kúla lar gə́ deḛ tɔm ne el ləm tɔ.

Piləmɔ̰ 1:20

Oiyo, ŋgokɔm, am m’iŋga rɔlel neelé rɔi’g ya mbata kɔm gə́ jeḛ səi j’ɔm na̰’d gin Mbaidɔmbaije’g, ar məəm oso naŋg po̰ gin Kristi’g lé.

Piləmɔ̰ 1:7

Tɔgərɔ ya, nojikwa ləi ar məəm lelm yaa̰ ar məəm oso ne naŋg po̰ ya, mbata mbɔl dɔi-i ŋgokɔm lé ɓa meḛ deḛ gə́ to gə kəmee lé oso ne naŋg po̰ tɔ.

Maktub gə́ Jak ula ne ar ngan-Allaje 4:15

Ta gə́ kəm kar sí paje lé ɓa nee: Ɓó lé mee Ala ndigi ndá j’a si kəmba ləm, j’a ra né gə́ yo əsé né gə́ nee ləm tɔ.