Njé gə́ Rɔmə 15:30 - Maktub gə́ To gə Kəmee

³⁰ Ŋgakɔmje, ma m’ra ndòo rɔ sí’g gə ri Mbaidɔmbaije lə sí Jeju Kristi ləm, gə goo Ndil gə́ yel kó meenoji neelé meḛ sí’g ləm tɔ lé mba kar sí orəmje ne més loo-rɔ’g ləm, raje ne tamaji ta Ala’g mbata ləm

Njé gə́ Rɔmə 15:30 ပူးပေါင်းရင်းမြစ်များ

Pakɔsje 143:10

Maji kari ndoom gə mba karm m’ra né gə́ məəi wɔji ɓa, Mbata i lé to Ala ləm. Maji kar ndili onm gə́ rəw gə́ danasur’g ya.

2 Njé gə́ Kɔrḭtə 1:11

Seḭ nja kara maji kar sí laje sə sí gə tamaji ra lə sí mba kar nojikwa neelé gə́ Ala wa sə sí goo tamaji gə́ dəwje bula ra neelé dəwje bula d’a ra ne Ala oiyo tɔ.

2 Njé gə́ Kɔrḭtə 12:10

Gelee gə́ nee ɓa, m’isi gə məəm gə́ kulɔm dan rəm’g lé ləm, gə dan tajikil gə́ deḛ tajim ləm, gə dan némeeko̰ gə́ ram’g lé ləm, gə dan kəm gə́ deḛ d’ula ndòo’g ləma, gə dan néyooje gə́ d’aḭ dɔm sub ləm tɔ, yee ɓa to néram gə mba Kristi, mbata loo gə́ m’isi loo rəm’g lé kara yen ɓa, ma m’tel m’to ne njesiŋgamoŋ ya.

2 Njé gə́ Kɔrḭtə 4:11

Jeḛ gə́ j’isi kəmba lé d’ɔm sí ta yoo’g ta-ta mbata lə Jeju, darɔ sí gə́ njekunda naŋg lé ɓa kaw kəmba lə Jeju a to ne raga ndəgəsə.

2 Njé gə́ Kɔrḭtə 4:5

Jeḛ lé j’ɔr ta gə́ wɔji dɔ rɔ síjeḛ ba el, nɛ jeḛ j’ɔr ta gə́ wɔji dɔ Jeju Kristi, Mbaidɔmbaije lé ləm, j’wa rɔ sí gə́ kuraje lə sí-seḭ gə mbata lə Jeju lé ləm tɔ.

Njé gə́ Galati 5:22

Nɛ kandə né gə́ ka̰ Ndil lé ɓa to nee ya: Meenoji ləm, gə rɔlel ləm, gə meekulɔm ləm, gə meekai sam-sam ləm, gə to gə́ dəw-noji ləm, gə meemaji ləm, gə to gə́ ŋgonkoji ləm, gə kaw yururu ləma, gə kunda-kəmkàr-dɔ-rɔ’g ləm tɔ lé

Njé gə́ Epesə 6:19

Raje tamaji mbata ləm-ma tɔ gə mba kar loo gə́ m’a teḛ tam mba teg ne gin Tagə́maji gə́ to loo-kiya’g lé m’a pata gə kəm ŋgondiŋgam gə tam gə́ wɔilɔ pélé-pélé,

Njé gə́ Pilibə 2:1

Ɓó lé kɔm gə́ jeḛ j’ɔm na̰’d gə Kristi askəm gɔl sí ləm, əsé kunda gə́ jeḛ j’unda sí dan kəm sí’g ar meḛ sí to ne lɔm ləma, əsé Ndil gə́ ɔm dɔ sí’g to gə́ kankəm né ləm tɔ, ɓó lé koo kəmtondoo gə meekɔrjol to ɓee lə sí

Njé gə́ Kolosə 1:8

yeḛ ɔr sor nojikwa lə sí gə́ Ndilmeenda ɔs sí ɓɔḭ-ɓɔḭ dɔ’g ar sí j’oo ləm tɔ.

Njé gə́ Kolosə 2:1

Tɔgərɔ ya, ma m’ndigi kar sí gərje gao, ma lé m’təd loo rém-rém mbata lə sí-seḭ ləm, gə deḛ lai gə́ d’isi Laodise ləma, gə deḛ gə́ kəm dee oso dɔm’g el ɓəi kara ləm tɔ

Njé gə́ Kolosə 4:12

Epapras, ŋgoko̰ sí gə́ kojikəi lé ra sí lapia tɔ. Yeḛ to kura lə Jeju Kristi gə́ rɔ gə tamaji-ra ləa ta-ta mbata lə sí ɓó əw rəa el mba kar sí telje ne dəwje gə́ maji ɔrje njoroŋ ləm, gə mba kar sí aarje dɔ gɔl sí’g njaŋg mba ra ne torndu Ala karee ɔr rɔd ləm tɔ.

1 Njé gə́ Tesalonikə 5:25

Ŋgako̰ síje, raje tamaji mbata lə sí.

2 Njé gə́ Tesalonikə 3:1

Ŋgakɔmje, ges ta gə́ nai lé ɓa nee: Raje tamaji mbata lə sí mba kar ta lə Mbaidɔmbaije oso ne gə loo mbidi-mbidi nduba ne rəa gə́ raga, to gə́ yee ra ɓee lə sí bèe

2 Timote 4:1

Ma m’tɔgi no̰ Ala’g ləm, gə no̰ Jeju Kristi’g gə́ a gə gaŋg rəwta dɔ deḛ gə́ d’isi kəmba gə deḛ gə́ d’wəi’g ləma, gə ri yeḛ gə́ a gə tel ree gə ɓeeko̰ ləa ləm tɔ,