Njé gə́ Rɔmə 15:27 - Maktub gə́ To gə Kəmee

²⁷ Deḛ d’ḭ gə meḛ dee ndá d’a ra bèe ya nɛ to né gə́ kəm ra ya tɔ, mbata ɓó lé njépole-magəje d’orè sə dee na̰ dɔ né gə́ wɔji dɔ ndil dee ndá to kəm kar dee-deḛ kara d’orè sə dee na̰ dɔ né gə́ wɔji dɔ darɔ dee’g tɔ.

Njé gə́ Rɔmə 15:27 ပူးပေါင်းရင်းမြစ်များ

Matiyo 6:12

Ar məəi ti mbidi dɔ meekɔsgel’g lə sí To gə́ jeḛ kara j’ar meḛ sí ti mbidi dɔ ka̰ dee-deḛ gə́ meḛ dee ɔs sə sí gel.

Njé gə́ Rɔmə 11:17

Kag-koiyo lé ɓó lé deḛ tuga barkəmeeje gə́ na̰je nɛ i gə́ to gə́ koiyo gə́ mee kɔr’g lé deḛ d’ḭjai ree kɔdé kəm kagɓee d’ulai tor barkəmeeje gə́ tuga lé mba kari orè na̰ gə kagɓee dɔ ŋgira’g ləm, gə dɔ bodee’g ləm tɔ

Njé gə́ Rɔmə 7:14

Jeḛ n’gər gao, godndu lé to né gə́ ka̰ ndil ya. Nɛ ma nja m’to né gə́ ka̰ darɔ gə́ taam ilam gə́ ɓər gin kaiya’g.

1 Njé gə́ Kɔrḭtə 9:11

Ɓó lé jeḛ n’dubu né gə́ maji gə́ wɔji dɔ ndil sí mbuna sí’g ndá see to kəm kar sí j’iŋga né gə́ wɔji dɔ darɔ síjeḛ ji sí’g el wa.

Njé gə́ Galati 6:6

Maji kar yeḛ gə́ d’aw ndée Tagə́maji lé un ta némajije ləa mba kar yeḛ gə́ njendée né lé tɔ.

Piləmɔ̰ 1:19

Ma Pool lé ma m’ndaŋg maktub neelé gə jim-ma ya: Ma ya m’a kogai ɓaŋgee ya. Nɛ i lé ar məəi olé dɔ ɓaŋg ləm gə́ to dɔi’g gə́ to darɔi-i lé nja.