Njé gə́ Rɔmə 15:26 - Maktub gə́ To gə Kəmee

²⁶ Mbata njé gə́ Masedoinə gə njé gə́ Akai lé deḛ d’ḭ gə meḛ dee mbo̰ ta néje lə dee na̰’d mba kar njéndooje mbuna deḛ gə́ to gə kəmee gə́ d’isi Jerusalem lé.

Njé gə́ Rɔmə 15:26 ပူးပေါင်းရင်းမြစ်များ

Gosota-Kəmkàrje 14:21

Yeḛ gə́ oo maree gə́ né el ndá ra kaiya, Nɛ rɔlel nai gə yeḛ gə́ oo kəmtondoo lə njéndooje.

Gosota-Kəmkàrje 14:31

Yeḛ gə́ ra né gə́ kədərə gə njéndooje lé Ila rɔkul-boo dɔ njekunda dee’g, Nɛ yeḛ gə́ oo kəmtondoo lə njendoo lé Ila riɓar dəa’g.

Gosota-Kəmkàrje 17:5

Yeḛ gə́ ula sul dɔ njendoo’g lé Ila rɔkul gə́ boo dɔ njekṵdá’g, Yeḛ gə́ al rəa dɔ njenékəmndoo’g lé Bo̰ nérea a lal kɔs təa’g pai godo.

Jakari 11:11

Manrɔ neelé tuji mee ndəa’g neelé ndá badje gə́ kəm dee to ndòo gə́ d’unda meḛ dee yel dɔm’g lé deḛ gər gao to gə́ to ta lə Njesigənea̰ ya.

Jakari 11:7

Yen ŋga ma m’un ne kudu kul badje gə́ twa dee d’aw sə dee gə́ loo-tḭja-gwɔs dee’g lé, to deḛ gə́ to majel d’unda mar deeje tɔgərɔ ya. Ma m’wa kag gə́ ɗugu joo jim’g. M’unda ri yee gə́ kára lə Noji ləm, m’unda ri yeḛ gə́ raŋg lə Kɔm-na̰’d ləm tɔ. Yee ɓa m’ul ne badje lé ya.

Matiyo 25:40

Mbai lé a tel kila dee keneŋ pana: Ma m’ula sí təsərə, loo gə́ rara gə́ seḭ raje néje gə́ togə́bè keneŋ gə dəw kára gə́ nai gɔ mbuna ŋgakɔmje’g neelé ndá ma nja raje səm kən tɔ.

Matiyo 26:11

Mbata njéndooje lé deḛ nai sə sí gə ndɔ dee ndɔ dee, nɛ ma lé m’a si sə sí gə ndɔm-ndɔm el.

Lugu 14:13

Nɛ loo gə́ i ra naḭ lé ndá maji kari ɓar njéndooje ləm, gə njé gə́ dəb rɔ dee wəi wɔ-wɔ ləm, gə njémədje ləma, gə njékəmtɔje ləm tɔ.

Lugu 6:20

Yen ŋga Jeju ɔr dəa gə́ tar ɓad gə́ rɔ njékwakiláje’g ula dee pana: Seḭ njéndooje lé rɔ sí lel sí Mbata ɓeeko̰ lə Ala lé to ka̰ sí-seḭ ya!

Néra Njékaḭkulaje 16:12

Jeḛ j’ḭ keneŋ j’aw Pilibə gə́ to ko̰ɓee lə dəb loo gə́ Masedoinə ləm, to loo-taa gə dɔ lə njé gə́ Rɔm ləm lé.

Néra Njékaḭkulaje 16:9

Mee tilee’g neelé némḭdi teḛ dɔ Pool’g aree oo dəw gə́ Masedoinə gə́ teḛ dəa’g təsərə ra ndòo rəa’g togə́bè pana: Maji kari ɔd gə́ Masedoinə’g nee la sə sí.

Néra Njékaḭkulaje 18:12

Mee ləb gə́ Galio̰ to ne njeguburuɓee gə́ Akai lé Jibje d’ḭ d’ɔm na̰’d téréré d’ḭ gə Pool d’wá d’aw səa loo-gaŋg-rəwta’g

Néra Njékaḭkulaje 19:21

Gée gə́ gogo ndá Pool wɔji-kwɔji kunda mee dəb ɓeeko̰ gə́ Masedoinə gə Akai gaŋg kaw Jerusalem. Yeḛ pa mée’g pana: Loo gə́ ma m’teḛ keneŋ ndá lé riri kara m’a kaw gə nɔm kaw Rɔm ya.

Néra Njékaḭkulaje 9:13

Ananias ilá keneŋ pana: Mbaidɔmbaije, m’oo ta néra gə́ majel gə́ dəw neelé ra gə njémeendaje gə́ Jerusalem lé ta dəwje wəg-wəg.

1 Njé gə́ Kɔrḭtə 16:15

Ŋgakɔmje, ma m’ndigi ndəji sí bər-bər dɔ ta gə́ raŋg’d ya tɔɓəi. Seḭ gərje gao kojikəije lə Stepanas lé deḛ nja to kó njétaamee-Kristije gə́ Akai gə́ d’ula goŋ dee kula’g mbata lə deḛ gə́ to gə kəmee lé.

1 Njé gə́ Kɔrḭtə 16:5

Loo gə́ m’a kunda mee ɓee gə́ Masedoinə gaŋ mba̰ ɓa m’a kaw rɔ sí’g ɓəi, mbata m’a gə kunda loo dəs mee dəb ɓeeko̰ gə́ Masedoinə ya.

2 Njé gə́ Kɔrḭtə 1:16

M’wɔji gə mba teḛ gə rəw gə́ ɓee lə sí ɓa kaw Masedoinə, tɔɓəi m’a gə kḭ Masedoinə ɓa tel gə rəw gə́ rɔ sí’g mba kar sí danmje ṵdamje Jude ɓəi.

2 Njé gə́ Kɔrḭtə 11:9

mbata ŋgako̰ síje gə́ d’ḭ Masedoinə ɓa d’am né gə́ m’aw ndée. Lé riri gə́ lalm kara ma m’ɔg rɔm kaw kabee ji sí’g tɔɓəi m’a kɔg rɔm dɔ’g bèe ya saar-saar ya tɔ.

2 Njé gə́ Kɔrḭtə 2:13

Gelee gə́ nee ɓa m’ula dee gə lapia ɓa m’ya̰ dee mba kaw Masedoinə ɓəi.

2 Njé gə́ Kɔrḭtə 7:5

Tɔgərɔ ya, un kudee mee ndəa gə́ jeḛ n’teḛ Masedoinə lé j’oo loo kwa rɔ sí ndɔ kára kara el. Néje ɓəd-ɓəd ɔs kaar sí: rɔ to né gə́ raga ləm, ɓəl to né gə́ meḛ sí’g ləm tɔ.

2 Njé gə́ Kɔrḭtə 9:12

Mbata nénoji neelé gə́ d’a la ne gə deḛ gə́ to gə kəmee lé a kar njéndooje né gə́ deḛ d’aw ndée goo kára ba el nɛ a to gin ra Ala oiyo gə́ a kɔs goo na̰ goo na̰ tɔ.

2 Njé gə́ Kɔrḭtə 9:2

Tɔgərɔ ya, kḭ gə́ seḭ ḭje gə́ meḛ sí waje ne noji lé ma m’gər gao, yee ɓa ma m’ti ne rɔm m’wɔji ne dɔ sí’g rɔ njé gə́ Masedoinə’g m’ula dee ne m’pana: Njé gə́ Akai deḛ gɔl dɔ ka̰ dee yəg kal ba mba̰: rɔkwɔilɔ lə sí lé yel kó noji lə dəwje gə́ raŋg bula tɔ.

2 Njé gə́ Kɔrḭtə 9:4

Ma m’ɓəl məəm’g mbata ɓó lé njé gə́ Masedoinə d’aw səm na̰’d ɓa d’oo to gə́ seḭ waje dɔ gɔl néje lə sí el ndá a tel to rɔkul dɔ síjeḛ’g ləm, gə dɔ sí-seḭ’g ləm tɔ.

Njé gə́ Pilibə 4:15

Seḭ njé gə́ Pilibə lé seḭ gərje gao, kédé gə́ dɔtar loo gə́ m’ḭ Masedoinə, m’un kudu kila mber Tagə́maji lé Eglisə lə sí ya kára ba ɓa j’ɔr na̰ kura j’ar na̰ nénoji gə́ yo gə́ nee ɓó Eglisə gə́ raŋg kára kara el.

1 Njé gə́ Tesalonikə 1:7

Gelee gə́ nee ɓa, seḭ telje toje néndajikəm lə njétaamee-Kristije lai gə́ d’isi Masedoinə ləm, gə Akai ləm tɔ.

1 Njé gə́ Tesalonikə 1:8

Tɔgərɔ ya, ta lə Mbaidɔmbaije lé ḭ rɔ sí’g oso ɓeeko̰ gə́ Masedoinə ləm gə Akai ləm gə karee el nɛ kɔm gə́ seḭ ɔmje meḛ sí dɔ Ala’g lé nea̰ oso gə loo mbidi-mbidi ar dəwje lai d’oo mba̰ ɓó loo to̰ tamee godo ŋga.

1 Njé gə́ Tesalonikə 4:10

Yee ɓa seḭ raje gə ŋgako̰ síje lai gə́ d’isi gə dɔɓee dɔɓee gə́ Masedoinə ya. Nɛ seḭ ŋgako̰ síje lé jeḛ n’tɔg sí mba kar nojimeenda lə sí lé ɔs dɔ maree’g gə́ kédé-kédé ləm,

1 Timote 1:3

Ma m’olé məəi dɔ ta gə́ ma m’ndəjii loo gə́ m’ḭ rɔi’g mba kaw Masedoinə ɓa m’ɔgi naŋg Epesə mba kari ndəji njé gə́ na̰je kar dee d’un ta ndooje gə́ raŋg ndoo ne mar deeje el ŋga ləm,

Piləmɔ̰ 1:5

mbata ma m’oo ta meekun ləi gə́ i un ar Mbaidɔmbaije Jeju ləm, gə nojikwa gə́ i wa gə njémeendaje lai ləm tɔ.