Njé gə́ Rɔmə 15:19 - Maktub gə́ To gə Kəmee

¹⁹ Yeḛ nja ɓa am siŋgamoŋ mba ra ne némɔrije gə né gə́ dum ra ləm, yeḛ ar siŋgamoŋ lə Ndil Ala nai səm ləm tɔ. Yee ɓa m’ila ne mber tagə́maji lə Kristi m’aree taa ne loo pəl-pəl un kudee Jerusalem saar teḛ Ilyri.

Njé gə́ Rɔmə 15:19 ပူးပေါင်းရင်းမြစ်များ

Matiyo 12:28

Lé siŋgamoŋ lə Ndil Ala lé ɓa ma m’tuba ne ndilje gə́ majel ndá ɓeeko̰ lə Ala lé ula iŋga sí mba̰ ya.

Tagə́maji gə́ Ja̰ ndang 4:48

Jeju ulá pana: Ɓó lé seḭ ooje némɔrije gə né gə́ dumkooje gə kəm sí bèe el ndá seḭ ooje loo gə mba kɔmje meḛ sí dɔm’g el.

Néra Njékaḭkulaje 1:8

Nɛ seḭ a kiŋgaje siŋgamoŋ loo gə́ Ndilmeenda a dəb dɔ sí’g ndá seḭ a toje ne njékɔrgootaje ləm mee ɓee gə́ Jerusalem ləm, gə ɓeeje lai gə́ wɔji dɔ Jude ləm, gə Samari ləma, gə kɔr ne rudu naŋg nee njal ləm tɔ.

Néra Njékaḭkulaje 13:14

D’ḭ Perjə d’aw kəm dee gə́ kédé saar teḛ Antiɔs dɔ naŋg gə́ Pisidi. D’andə d’aw mee kəi-kwa-dɔ-na̰’g gə ndɔ-kwa-rɔ d’isi keneŋ.

Néra Njékaḭkulaje 13:51

Pool gə Barnabas kunda kor gə́ gɔl dee’g kɔd-kɔd dɔ dee’g ndá d’ɔd d’aw Ikɔnə.

Néra Njékaḭkulaje 14:10

ndá yeḛ pata gə ndia gə́ boi wəl pana: Uba naŋg ḭ aar tar dɔ gɔli’g paar. Léegəneeya dəw neelé uba naŋg ja̰gjaŋ ḭ tar ɔs njaa ɓad-ɓad.

Néra Njékaḭkulaje 14:20

Nɛ njékwakiláje d’aḭ na̰ dəa’g yir ndá yeḛ uba naŋg ḭta ɔd uru mee ɓee’g. Bèlè lookàree yeḛ ḭ gə Barnabas na̰’d mba kaw Derbə.

Néra Njékaḭkulaje 14:25

d’ula dee ta mee ɓee gə́ Perjə ɓa d’ɔd d’aw Atali ɓəi ləm tɔ.

Néra Njékaḭkulaje 14:6

Loo gə́ Pool gə Barnabas d’oo no̰ dee kédé ndá d’ḭ d’uru njo̰loo’g mee ɓeeje gə́ Likaoni ləm, gə Listrə ləm, gə Derbə ləma, gə ɓeeje gə́ gugu dɔ dee ləm tɔ.

Néra Njékaḭkulaje 15:12

Dəwje lai gə́ mbo̰ dɔ na̰ lé d’isi ndiŋ d’ur mbi dee d’oo ne ta gə́ Barnabas gə Pool d’ula dee, d’wɔji ne dɔ némɔrije lai gə nédumkooje gə́ Ala ar dee ra mbuna njétareeje’g lé.

Néra Njékaḭkulaje 16:18

Yeḛ ra togə́bè as ndɔ bula ndá mee Pool ea̰ yaa̰ aree pa gə ndil lé pana: M’un ndum m’ari gə ri Jeju Kristi mba kari unda loo mée’g teḛ. Léegəneeya yeḛ unda loo mée’g teḛ tɔ.

Néra Njékaḭkulaje 17:10

Léegəneeya ŋgako̰ na̰je d’ar Pool gə Silas d’ḭ loondul’g mba kaw Bere. Loo gə́ deḛ teḛ keneŋ mba̰ ndá d’aw mee kəi-kwa-dɔ-na̰’g lə Jibje.

Néra Njékaḭkulaje 17:15

Deḛ gə́ dan Pool lé d’aw səa d’unda Aten. Yen ɓa deḛ tel d’aw Bere ɓəi nɛ Pool un ndia ar dee gə mba kar dee d’ula Silas gə Timote kar dee d’aw d’iŋgá.

Néra Njékaḭkulaje 18:1

Gée gə́ gogo Pool ḭ Aten ɔd aw Kɔrḭtə.

Néra Njékaḭkulaje 18:19

Loo gə́ deḛ teḛ Epesə mba̰ ndá Pool uba njéboalookawje ləa ya̰ dee keneŋ. Yeḛ andə aw mee kəi-kwa-dɔ-na̰’g wɔji ta gə Jibje.

Néra Njékaḭkulaje 19:1

Loo gə́ Apolɔs nai Kɔrḭtə ɓəi ndá Pool aw gə loo-loo gə kəmee gə́ kédé ɓeeko̰ gə́ Asi saar teḛ Epesə. Yeḛ iŋga njékwakiláje gə́ na̰je keneŋ dəji dee pana:

Néra Njékaḭkulaje 20:20

Seḭ gərje gao ma m’lɔm sə sí dɔ né gə́ njekorè sí més loo-kula’g lé el ləm, ma m’ɓəl ndəji sí əsé ndoo sí né raga kəm dəwje’g əsé mee kəije’g el ləm tɔ.

Néra Njékaḭkulaje 20:6

Jeḛ lé loo gə́ deḛ ra naḭ gə́ wɔji dɔ muru gə́ nétiee godo keneŋ lé ndá jeḛ j’ḭ j’uru mee bato’g Pilibə, j’aw saar as gə ndɔ sí mi ɓa j’iŋga dee Troas ɓəi. Lée neelé j’isi sə dee keneŋ as gə ndɔ sí siri tɔ.

Njé gə́ Rɔmə 15:13

Maji kar Ala gə́ njemeekṵdayel lé ar nérɔlel’g gə ria-ria ləm, gə némeelɔm’g gə ria-ria ləm tɔ lé taa meḛ sí pəl-pəl gə goo meekun’g lə sí, gə mba kar mbɔl dɔ siŋgamoŋ lə Ndilmeenda ɓa meekundayel lə sí a kɔs ne dɔ maree’g gə́ kédé-kédé.

Njé gə́ Rɔmə 15:16

ɔrm ne am m’to ne kura lə Jeju Kristi mbuna njépole-magəje’g. Kula gə́ wɔji dɔ Tagə́maji lə Ala lé m’ra gə mba kun ne njépole-magəje gə́ Ndilmeenda ɔr dee unda dee gə kəmee mba kar dee to nékar Ala gə́ a taa kəmee rəgm.

Njé gə́ Rɔmə 15:24

Yee ɓa ma m’wɔji məəm’g gə mba koo sí loo gə́ m’a gə dəs tar kaw Espagnə lé mba kar loo gə́ m’iŋga rɔlel mbata teḛ gə́ m’teḛ ɓee lə sí mba̰ lé ndá seḭ a danmje gə mba karm m’aw keneŋ ya tɔ.

1 Njé gə́ Kɔrḭtə 2:4

Ta gə́ m’ndoo sí lé m’goso sí ne gə́ goso el ləm, ta gə́ inja paw kara m’pa el ləm tɔ. Ta gə́ nuŋga so lé Ndil ɓa am m’pa taree gə siŋgamoŋ

2 Njé gə́ Kɔrḭtə 12:12

Néramje gə́ d’ɔr gin rɔm to gə́ ma m’to njekaḭkula gə́ gəd lé nduba rɔ dee gə́ raga kəm sí’g d’ar sí ooje loo gə́ m’ai məəm sam-sam dan né gə́ rara gə́ naam lé ləm, m’ra nédumkooje gə nésiŋgamoŋje, gə némɔrije ləm tɔ.

Njé gə́ Galati 3:5

Yeḛ gə́ ar sí Ndil ləm, ra ne némɔrije mbuna sí’g ləm tɔ lé see yeḛ ra togə́bè gə goo néra gə́ ka̰ godndu əsé gə goo ta meekun gə́ d’ila ne mberee wa.

Njé gə́ Kolosə 1:25

Ma m’tel m’to kura lə Eglisə neelé gə goo kɔm gə́ Ala nja ɔm kula neelé jim’g gə mba kam m’ɔr ne ta lə Ala ndəgəsə gə́ raga m’ar sí.

1 Njé gə́ Tesalonikə 1:5

Mbata tagə́maji lə sí lé j’ila mberee j’ar sí gə ta gə́ teḛ ta sí’g gə karee el nɛ Ndilmeenda ɓa nai sə sí keneŋ ar sí j’ula ta meḛ sí’g gə siŋgamoŋ ləa-yeḛ ləm, ar sí gərje ta lə sí gə́ kankəmta ləm tɔ. Tɔgərɔ ya seḭ ooje né gə́ jeḛ n’ra mbuna sí’g lé to togə́bè mbata lə sí ya.

2 Timote 4:17

Mbaidɔmbaije nja la səm ləm, yeḛ to dərgelm ləm tɔ mba kar tagə́maji lé ɓar ne mḭ tam’g ləm, mba kar njépole-magəje lai d’oo taree ləm tɔ. Yeḛ am m’wa dɔm ta toboḭ’g m’bɔr.

Ǝbrəje 2:4

Ala kara ɔr goo ta lə dee aree to ne njaŋg gə nédumkooje gə némɔrije ɓəd-ɓəd ləm, gə nénojije gə́ Ndilmeenda kai dee to gə́ mée ndigi ləm tɔ.

1 Piɛrə 1:12

Ala ɓa riba sə dee dəa ar dee gər gao, néje neelé to mbata lə dee-deḛ el nɛ to mbata lə sí-seḭ ɓa deḛ nja to gə́ njékɔrgoo tareeje ya. Ɓasinè deḛ gə́ Ndilmeenda gə́ ḭ dara ɔs dee ɓɔḭ-ɓɔḭ ɓa d’ɔr gée d’ila ne mber Tagə́maji d’ar sí. Kuraje gə́ dara kara ndiŋga rɔ dee gə mba koo néje neelé tɔ.