Njé gə́ Rɔmə 14:9 - Maktub gə́ To gə Kəmee

⁹ Mbata Kristi wəi ləm, yeḛ tel si kəmba ləm tɔ gə mba to ne mbai dɔ dəwje gə́ d’wəi ləm, gə deḛ gə́ d’aw kəmba ləm tɔ.

Njé gə́ Rɔmə 14:9 ပူးပေါင်းရင်းမြစ်များ

Matiyo 28:18

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Lugu 24:26

See Kristi lé néurti a rəa togə́bè ɓa mba karee andə ne loo-ronduba’g ləa lé el wa.

Tagə́maji gə́ Ja̰ ndang 12:24

Ma m’ula sí təsərə, kandə kó gə́ oso naŋg lé ɓó lé wəi el ndá a to kára ba kiao ya, nɛ ɓó lé wəi ndá a koji maree gə́ kédé-kédé.

Néra Njékaḭkulaje 10:36

Ta neelé yeḛ unda ne kula ar Israɛlje gə mba kar dee gər gao gin Jeju Kristi lé ɓa d’a kiŋga meekulɔm keneŋ mbata yeḛ to Mbaidɔmbaije lə dəwje lai-lai ya.

Néra Njékaḭkulaje 10:42

Tɔɓəi Jeju lé un ndia ar sí gə mba kar sí j’ila ne mber j’ar koso-dəwje gə mba kar dee d’oo gao, to gə́ yeḛ nja ɓa Ala ɔree undá gə́ njegaŋ-rəwta lə dəwje gə́ d’aw kəmba ləm, gə njé gə́ d’wəi lé ləm tɔ.

Njé gə́ Rɔmə 10:9

Ɓó lé tai teḛ ari unda ne no̰ Mbaidɔmbaije ləm, gə teḛ gə́ Ala teḛ səa dan njé gə́ d’wəi’g lé i taa gə məəi ndá i a kaji ne ya.

2 Njé gə́ Kɔrḭtə 5:14

Mbata meenoji lə Kristi gə́ to meḛ sí’g ɓa ndɔr sí mbata jeḛ j’ə̰ji meḛ sí’g m’pana: Ɓó lé dəw kára wəi mbata mareeje lai ndá to yoo gə́ a gə tɔl dee mbad ya.

1 Njé gə́ Tesalonikə 4:14

Mbata ɓó lé j’ɔm meḛ sí dɔ kwəi gə́ Jeju wəi’g ləm, gə dɔ teḛ gə́ yeḛ unda loo teḛ dan njé gə́ d’wəi’g ləm tɔ ndá maji kar sí j’ɔm meḛ sí dɔ tel gə́ Ala a kar deḛ gə́ d’wəi gin Kristi’g lé d’a tel ree gə Jeju na̰’d tɔ.

1 Njé gə́ Tesalonikə 5:10

yeḛ gə́ wəi mbata lə sí mba kar ɓó lé j’isi kəmba əsé n’toɓi kara j’a si səa na̰’d ya.

2 Timote 4:1

Ma m’tɔgi no̰ Ala’g ləm, gə no̰ Jeju Kristi’g gə́ a gə gaŋg rəwta dɔ deḛ gə́ d’isi kəmba gə deḛ gə́ d’wəi’g ləma, gə ri yeḛ gə́ a gə tel ree gə ɓeeko̰ ləa ləm tɔ,

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.

1 Piɛrə 1:21

Mbɔl dəa-yeḛ nja seḭ ɔmje ne meḛ sí dɔ Ala gə́ njeteḛ səa dan njé gə́ d’wəi’g ula ne rɔnduba dəa’g. Yee ɓa seḭ unje ne meḛ sí arje Ala ləm, meḛ sí to ne yel gə́ dəa’g ləm tɔ.

1 Piɛrə 4:5

Deḛ nja d’a teggin néra dee kar yeḛ gə́ si pèrèrè mba gaŋg rəwta dɔ deḛ gə́ d’isi kəmba lé ləm, gə deḛ gə́ d’wəi’g lé ləm tɔ.

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.

Loo gə́ killa rea kəm Ja̰’g 2:8

I ndaŋg maktub nee ar kura lə Eglisə gə́ to Smirnə pana: Aa oo, yeḛ gə́ si dɔtar ləm, gə yeḛ gə́ rudu ləma, gə yeḛ gə́ wəi nɛ yeḛ tel si kəmba gogo ɓəi ləm tɔ lé yeḛ nja pana: