Njé gə́ Rɔmə 14:22 - Maktub gə́ To gə Kəmee

²² Ta gə́ i wɔji məəi’g njaŋg dɔ né gə́ maji kəm ra lé ila məəi’g no̰ Ala’g ya. Dəw gə́ wɔji né gə mba ra ɓa mée ila ta dəa’g keneŋ el ndá rəa a lelee ya.

Njé gə́ Rɔmə 14:22 ပူးပေါင်းရင်းမြစ်များ

Néra Njékaḭkulaje 24:16

Gelee gə́ nee ɓa m’ɔs ne rɔm ɓad gə mba kaar no̰ Ala’g gə no̰ dəwje’g gə meenda kɔr jol-jol.

Njé gə́ Rɔmə 14:14

Né kára kara to né gə́ mina̰ gə dɔrea el, nɛ dəw gə́ ə̰ji ta mée’g oo to gə́ to né gə́ mina̰ ndá to né gə́ mina̰ gə mbata ləa-yeḛ nja. Ta neelé ma m’gər gao ləm, Mbaidɔmbaije Jeju kara oso gelm’g keneŋ ya.

Njé gə́ Rɔmə 14:2

Dəw kára oo rəa askəm sɔ néje lai nɛ dəw gə́ raŋg gə́ tɔg el ɓəi lé mbi kam ɓa yeḛ sɔ ya.

Njé gə́ Rɔmə 14:23

Nɛ yeḛ gə́ maḭ gə rəa dɔ nésɔ gə́ d’ɔr kəmee’g ɓa sɔ ndá yeḛ ila ta dɔ rəa’g, mbata yeḛ ra gə goo meekun el. Mbata néje lai gə́ ra, d’wɔji ne goo meekun el ndá yee ɓa gə́ kaiya ya.

Njé gə́ Rɔmə 14:5

Dəw kára ə̰ji mée’g pana: ndɔ gə́ bèe ɓa maji unda ndɔ gə́ nḛ, nɛ dəw gə́ raŋg ə̰ji mée’g pana: Ndɔje lai d’asəna ya bura. Maji kar nana kara aar njaŋg dɔ takə̰ji’g ləa-yeḛ nja.

Njé gə́ Rɔmə 2:1

I dəw gə́ ban-ban kara gə́ wa rɔi gə́ njegaŋ-rəwta dɔ marije’g lé loo kari taa ne dɔi godo. Mbata loo gə́ i gaŋg rəwta dɔ dee’g lé i nja kara ila ne ta dɔ rɔi’g ya to mbata i gə́ njegaŋ-rəwta dɔ dee’g lé i nja kara to gə́ njera néje neelé to gə́ deḛ bèe tɔ.

Njé gə́ Rɔmə 7:15

Mbata né gə́ m’ra lé m’gər kəmee el, né gə́ m’wɔji-kwɔji ra lé m’ra el nɛ né gə́ m’ə̰ji bəḭ-bəḭ ɓa m’tel m’ra.

Njé gə́ Rɔmə 7:24

Ma lé m’to dəw gə́ daŋ’d ŋga! See na̰ ɓa a kwa yoo gə́ rɔm’g neelé kɔree kam wa.

1 Njé gə́ Kɔrḭtə 8:7

Nɛ négər neelé to ɓee lə dəwje lai el. Njé gə́ na̰je lé d’oo magəje lé gə́ kankəmné ya ɓa d’usɔ da nékulje gə́ d’inja gə́ məs d’ar magəje tɔ ndá meḛ dee gə́ mbɔré lé ar dee tel mina̰ ne ya.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

Njé gə́ Galati 6:1

Ŋgakɔmje, ɓó lé dəw kára oso dan néra gə́ to gə goo rəbee el ndá seḭ gə́ toje ka̰ Ndil lé maji kar sí gɔleeje gə ta gə́ kul yururu ya. Məəi dɔ rɔi’g nà banelə i kara a koso dan nékər’g tɔ.

Maktub gə́ Jak ula ne ar ngan-Allaje 3:13

See na̰ ɓa mbuna sí’g to njekəmkàr ləm, gə njegosonégər ləm tɔ wa. Maji kar panjaa ləa gə tapea gə́ kul yururu lé ɔr gin kəmkàr ləa gə́ raga ya.

1 Ja̰ 3:21

Seḭ gə́ m’unda sí dan kəm’g, ɓó lé meḛ sí ila ta dɔ sí’g el ndá j’a koo loo gə mba rəm pər gə́ rɔ Ala’g lé gə meendakaḭ.