Njé gə́ Rɔmə 14:17 - Maktub gə́ To gə Kəmee

¹⁷ Mbata ɓeeko̰ lə Ala lé wɔji dɔ nésɔ əsé nékai ba el, nɛ wɔji dɔ meekarabasur gə meelɔm gə rɔlel gə́ Ndilmeenda ar sí.

Njé gə́ Rɔmə 14:17 ပူးပေါင်းရင်းမြစ်များ

Esai 32:17

Néra gə́ gə dɔ najee lé a koji meelɔm Tɔɓəi kandə néra gə́ gə dɔ najee lé a to loo-kwa-rɔ gə loo-si gə́ majee ləm tɔ saar gə no̰.

Esai 45:24

Dəwje d’a kulam pana: Néra gə́ danasur gə siŋgamoŋ lé To rɔ Njesigənea̰’g ya kára ba ɓa. Deḛ lai gə́ meḛ dee ḭ sə dee pu dəa’g lé D’a tel ree rəa’g ndá Rɔkul a ra dee.

Esai 55:12

Oiyo, seḭ a kundaje loo teḛje gə rɔlel ləm, D’a kɔr no̰ sí gə meekulɔm ləm tɔ. Mbalje gə dɔdərlooje d’a kɔr ndu dee gə́ tar gə kalrɔ no̰ sí’g ləm, Kagje lai gə́ mee wala’g lé d’a kunda ji dee rag-rag ləm tɔ.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Loo gə́ killa rea kəm Daniel’g 2:44

Mee ndəaje’g lə mbaije neelé Ala gə́ njesi mee dara’g a tum gin ɓeeko̰ gə́ a tuji nda̰ el ləm, a koso ji dəwje gə́ raŋg’d kar dee d’on dəa el ləm tɔ. Ɓeeko̰ neelé a təd ɓeeko̰je neelé lai kar dee d’udu guduru nɛ yee nja ɓa a nai gə ləbee-ləbee saar-saar gə no̰.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Matiyo 3:2

Maji kar sí waje ndòo rɔ sí dɔ kaiya’g lə sí mbata ɓeeko̰ gə́ dara lé nai dəb ba ŋga.

Matiyo 6:33

Saŋje ɓeeko̰ lə Ala gə meekarabasur ləa kédé ɓa néje lai neelé yeḛ a kar sí dɔ’g ɓəi.

Lugu 14:15

Dəw kára mbuna deḛ gə́ d’isi səa ta nésɔ’g lé loo gə́ yeḛ oo tapa Jeju lé ndá ulá pana: Yeḛ gə́ si ta ka-nésɔ mee ɓeeko̰’g lə Ala lé ndá rəa a lelee yaa̰.

Tagə́maji gə́ Ja̰ ndang 16:33

Ma m’ula sí ta néje neelé mba kar meḛ sí gə́ seḭ ɔmje səm na̰’d sad lé seḭ a sije ne gə meekulɔm ya. Nékəmndoo a ra sí dɔ naŋg nee ya, nɛ waje rɔ sí kɔgərɔ mbata ma m’dum dɔ loo gə́ naŋg nee mba̰ tɔ.

Tagə́maji gə́ Ja̰ ndang 3:3

Jeju tel ilá keneŋ pana: Ma m’ulai təsərə, ɓó lé dəw a tel kar dee d’ojee gogo sigi el ndá yeḛ a koo ɓeeko̰ lə Ala lé gə kəmee el.

Tagə́maji gə́ Ja̰ ndang 3:5

Jeju tel ilá keneŋ pana: Ma m’ulai təsərə ya, ɓó lé mán gə ndil to gə́ gin koji dəw el ndá yeḛ a kaskəm kula dəa ɓeeko̰’g lə Ala wɔr el.

Néra Njékaḭkulaje 13:52

Nɛ njékwakiláje gə́ Antiɔs lé deḛ ra rɔlel ləm, Ndilmeenda taa meḛ dee yal-yal ləm tɔ.

Néra Njékaḭkulaje 9:31

Togə́bè ɓa Eglisə si ne gə loo kulee lɔm dɔ naŋg gə́ Jude ləm, gə Galile ləma, gə Samari ləm tɔ. Deḛ d’ula diŋgam meḛ na̰’d ləm, deḛ njaa na̰’d ɓəl ne Ndil Mbaidɔmbaije ləm tɔ ndá deḛ ra tɔg gə́ kédé-kédé mbata Ndilmeenda to gə́ dərgel dee tɔ.

Njé gə́ Rɔmə 15:13

Maji kar Ala gə́ njemeekṵdayel lé ar nérɔlel’g gə ria-ria ləm, gə némeelɔm’g gə ria-ria ləm tɔ lé taa meḛ sí pəl-pəl gə goo meekun’g lə sí, gə mba kar mbɔl dɔ siŋgamoŋ lə Ndilmeenda ɓa meekundayel lə sí a kɔs ne dɔ maree’g gə́ kédé-kédé.

Njé gə́ Rɔmə 8:6

Takə̰ji gə́ ḭ darɔ’g lé yel kó yoo, nɛ takə̰ji gə́ ka̰ Ndil lé yel kó kəmə lé ləm, gə kó meelɔm ləm tɔ.

1 Njé gə́ Kɔrḭtə 1:30

Togə́bè ɓa Ala nja ɔm sí na̰’d gə Jeju Kristi, yeḛ gə́ Ala nja undá gə́ kəmkàr lə sí ləm, gə njekɔr ta dɔ sí no̰ Ala’g lé ləm, gə nékunda sí gə kəmee lə sí ləma, gə nékoga dɔ sí ləm tɔ,

1 Njé gə́ Kɔrḭtə 4:20

Mbata ɓeeko̰ lə Ala lé to ta gə́ ka̰ korè gə́ kən el nɛ to nésiŋgamoŋ gə́ gəd ya.

1 Njé gə́ Kɔrḭtə 6:9

See seḭ gərje el wa, njéra nékori-korije lé d’a kwa ɓeeko̰ lə Ala gə́ nédɔji lə dee el. Ǝrje rɔ sí el: njékaiyaje əsé njépole-magəje əsé gə njéndal mɔdkaiyaje

1 Njé gə́ Kɔrḭtə 8:8

Nésɔ ɓa a kar sí rəm pər gə́ rɔ Ala’g el. Ɓó lé j’usɔ əsé j’usɔ el kara j’a tel ne né gə́ raŋg el tɔ.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Njé gə́ Galati 5:22

Nɛ kandə né gə́ ka̰ Ndil lé ɓa to nee ya: Meenoji ləm, gə rɔlel ləm, gə meekulɔm ləm, gə meekai sam-sam ləm, gə to gə́ dəw-noji ləm, gə meemaji ləm, gə to gə́ ŋgonkoji ləm, gə kaw yururu ləma, gə kunda-kəmkàr-dɔ-rɔ’g ləm tɔ lé

Njé gə́ Pilibə 2:1

Ɓó lé kɔm gə́ jeḛ j’ɔm na̰’d gə Kristi askəm gɔl sí ləm, əsé kunda gə́ jeḛ j’unda sí dan kəm sí’g ar meḛ sí to ne lɔm ləma, əsé Ndil gə́ ɔm dɔ sí’g to gə́ kankəm né ləm tɔ, ɓó lé koo kəmtondoo gə meekɔrjol to ɓee lə sí

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

Njé gə́ Pilibə 3:9

gə mba kɔm ne səa na̰’d sad ləm tɔ. Meekarabasur gə́ to ka̰ godndu lé ɓa m’nai ne gelee’g el nɛ meekarabasur gə́ to ka̰ meekun gin Kristi gə́ ḭ rɔ Ala’g lé yee ɓa ma m’isi ne gelee’g.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.

Njé gə́ Pilibə 4:7

Bèe ndá meekulɔm lə Ala gə́ dum kḛji lé a kaḭ ŋgaŋ takə̰ji gə́ meḛ sí-seḭ gə́ ɔmje na̰’d gin Jeju Kristi lé.

Njé gə́ Kolosə 1:11

Togə́bè ɓa, mbɔl dɔ boo-siŋgamoŋ ləa gə́ maji dum gə́ yeḛ ula meḛ sí’g lé seḭ a ŋgəŋje ne dɔ néje’g lai ndá seḭ a sije gə meendakaḭ, a kilaje meḛ sí po̰ kaije meḛ sí sam-sam dɔ néje gə́ lai gə́ ra sí lé tɔ.

1 Njé gə́ Tesalonikə 1:6

Seḭ nja kara seḭ toje njendaji kəm síjeḛ-je gə ka̰ Mbaidɔmbaije to loo gə́ seḭ taaje ta lé rəgm dan nékəmndooje bula ləm, Ndilmeenda ɓa gə́ njegin rɔlel lə sí keneŋ ləm tɔ.

1 Njé gə́ Tesalonikə 2:12

Jeḛ ndəji sí ləm, jeḛ n’gɔl sí ləma, jeḛ j’ɔs sí ɓɔḭ-ɓɔḭ mba kar néra sí aw gə goo ka̰ Ala, yeḛ gə́ njeɓar sí mba kar sí sije ɓeeko̰’g ləa gə dan rɔnduba’g ləa lé ləm tɔ.

Ǝbrəje 13:9

Arje taje ɓəd-ɓəd gə́ d’ḭ ne raŋg lé wa meḛ sí el, maji kar noji lə Ala lé ɓa wa meḛ sí ɓiri ɓó nésɔje gə́ d’ɔr kəm dee gə mḭdé ba el.

1 Piɛrə 1:8

Jeju lé kəm sí kara seḭ ilaje dəa’g bèe el ɓəi, nɛ seḭ ṵdáje dan kəm sí’g mba̰, seḭ ooje rəa el ɓəi nɛ seḭ ɔmje meḛ sí dəa’g jəb-jəb. Yee ɓa seḭ ndaje ne meḛ sí kaḭ gə rɔlel gə́ dum pa ləm, gə dəa ɔr jol-jol ləm tɔ.

2 Piɛrə 1:1

Ma Simo̰ Piɛrə, kura lə Jeju Kristi ləm, gə njekaḭkula ləa ləm tɔ. Ma m’ndaŋg maktub nee m’ar deḛ gə́ mbɔl dɔ meekarabasur lə Ala lə sí gə ka̰ Mbaikaji Jeju Kristi lé to ne njéboameekunje lə sí ya.