Njé gə́ Rɔmə 14:15 - Maktub gə́ To gə Kəmee

¹⁵ Nɛ ɓó lé nésɔi gə́ i usɔ lé i ar mee ŋgokɔḭ ea̰ ndá meenoji godo məəi’g. Mari gə́ Kristi wəi gə mbata ləa lé maji kar nésɔi tel to nétujee el.

Njé gə́ Rɔmə 14:15 ပူးပေါင်းရင်းမြစ်များ

Ejekel 13:22

Mbata seḭ arje mee njemeekarabasur pélé wəs-wəs gə taŋgɔmje loo gə́ neḛ nja n’ula kəmee ndòo el ləm, mbata seḭ arje ji njemeeyèr ɓar mèr-mèr mba kɔgee ne loo kuba rəw néra ləa gə́ majel kya̰ mba si ne kəmba ləm tɔ.

Njé gə́ Rɔmə 13:10

Dəw gə́ njemeenoji lé a tel ra majel gə maree el, bèe ndá meenoji lé ɓa dəw a ra ne godndu lé karee ɔr rɔd ya.

Njé gə́ Rɔmə 14:20

Ar sí n’tujije kula lə Ala gə mba nésɔ ba el. Tɔgərɔ ya, nésɔje lai lé àr ya, nɛ loo gə́ dəw sɔ né ɓa yeḛ ila maree kag ndá to né gə́ majel ya.

Njé gə́ Rɔmə 15:2

Maji kar nana kara mbuna sí’g saŋg néra gə́ a kar mee maree nda ne kaḭ gə mba rodee ne.

1 Njé gə́ Kɔrḭtə 13:1

Ɓó lé m’pa tapa dəwje gə́ naŋg nee əsé njé gə́ dara nɛ meenoji godo məəm’g ndá ma m’to asəna gə ma̰də gə́ ɓar bərəŋ-bərəŋ əsé lar gə́ kas gə́ ɓar kèŋ-kèŋ tɔ.

1 Njé gə́ Kɔrḭtə 8:1

Ta lə nékulje gə́ deḛ d’inja gə́ məs d’ar magəje ɓa d’ya̰ dakasee lé kəm síjeḛ lai inja dɔ’g ar sí n’gər gosee gao. Gosɔnégər lé ar dəwje ti ne rɔ dee ya nɛ meenoji ɓa dəw a rɔd ne maree.

Njé gə́ Galati 5:13

Ŋgakɔmje, deḛ ɓar sí loo ŋgonkoji’g, nɛ loo ŋgonkoji gə́ seḭ sije keneŋ lé maji kar sí raje goso keneŋ mba ra né gə́ ka̰ darɔ ɓa el. Nɛ waje noji gə na̰ mba toje ne kuraje lə na̰.

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

2 Piɛrə 2:1

To gə́ ləw ba, njéteggintaje gə́ ŋgɔm d’isi mbuna dəwje’g lé togə́bè ɓa njékɔrginta gə́ ŋgɔmje d’a kandə mbuna sí-seḭ’g bèe tɔ. D’a kun ta gə goo ŋgəḭ ndoo sí ne taje gə́ kori-kori gə́ a gə tuji sí ləm, deḛ nja d’a mbad mbai gə́ njekoga dɔ dee lé ɓar ne tuji dɔ dee’g karee uba dee naŋg bus ləm tɔ.

1 Ja̰ 2:2

Yeḛ nja d’inja gə́ məs, d’udu ne bwa-kaiya lə sí lé, bwa-kaiya lə síjeḛ ɓa gə kar sí el, nɛ ka̰ dəwje lai-lai dɔ naŋg neelé nja tɔ.