Njé gə́ Rɔmə 13:4 - Maktub gə́ To gə Kəmee

⁴ Mbata njeko̰ɓee lé to kura lə Ala mba kari si ne dan maji’g. Nɛ ɓó lé i ra majel ndá ar ndili ndəb jər dɔ’g ya, mbata yeḛ aw gə kiambas gə́ sḭ el, yeḛ to kura lə Ala gə mba riba dɔ dalba̰ ləa ləm, gə mba kar bo̰ néra majel lə njeramajel lé ɔs təa’g ləm tɔ.

Njé gə́ Rɔmə 13:4 ပူးပေါင်းရင်းမြစ်များ

1 Mbaije 10:9

Maji kar dɔ ri Mbaidɔmbaije Ala ləi ai səgərə, yeḛ gə́ ooi maji ɓa undai dɔ kalimbai’g lə Israɛlje lé. Mbata Njesigənea̰ unda Israɛlje dan kəmee’g saar-saar ya, yee gə́ bèe ɓa, yeḛ undai ne gə́ mbai mba kari gaŋg ne rəwta lə dee gə dɔ najee gə mbəa.

2 Sôrta Gḭka Israɛlje 19:6

Yeḛ ula njégaŋ-rəwtaje lé pana: Maji kar sí undaje kəmkàr dɔ rɔ sí’g wɔji dɔ né gə́ seḭ a gə raje mbata to kəm dəwje ɓa seḭ a gə paje ta keneŋ gaŋgje ne rəwta gə kar dee el, nɛ to kəm Njesigənea̰ gə́ si mbɔr sí’g loo gə́ seḭ a gə paje ta lé ɓa.

Gosota-Kəmkàrje 16:14

Meekḭ jugugu lə mbai lé To njekaḭkula lə yoo, Nɛ njekəmkàr lé aree wəi bèm.

Gosota-Kəmkàrje 20:2

Meekḭ pu lə mbai lé to asəna gə ndu kinja miḭ lə toboḭ bèe, Yeḛ gə́ ar mee mbai ḭ pu dəa’g lé ila tuji dɔ rəa-yeḛ’g ya.

Gosota-Kəmkàrje 20:26

Mbai gə́ to njekəmkàr lé Sané njémeeyèrje kad-kad Ar gɔl pusuje nduburu dɔ dee’g.

Gosota-Kəmkàrje 20:8

Mbai gə́ si dɔ kalimbai gaŋg rəwta’g lé ndá Kəmee gə́ aa ne loo lé ɓa ɔs ne néraje gə́ majel lai rəw.

Esai 1:17

Ndooje loo ra né gə́ maji ləm, Ndolèje goo néra gə́ gə dɔ najee ləm, Aaje dɔ yeḛ gə́ d’ula kəmee ndòo ləm, Ɔrje kəmta lə ŋgonal gə goo rəbee ləma, Aḭje bada dɔ njekəisiŋga’g ləm tɔ.

Jeremi 5:28

Deḛ d’ər ndɔl-ndɔl D’ar rɔ dee àr wəd-wəd Nɛ néra majel lə dee al dɔ loo sula. Deḛ d’isi dan nékiŋgaje’g bèdèg Nɛ d’ɔr kəmta lə ŋgonal el ləm, Deḛ d’ya̰ né gə́ wɔji dɔ njéndooje D’ar dee d’iŋga el ləm tɔ.

Ejekel 22:27

Ŋgan-mbaije lə dee gə́ mee ɓee-boo’g lé to d’asəna gə jagmjərje gə́ njétɔr-kwɔi-nékwaje lə dee, deḛ d’ɔm məs naŋg ləm, deḛ tɔl dəwje ləm tɔ gə mba tɔl ne mal kiŋga né gə goo rəbee el gə́ ra dee ŋgwɔd-ŋgwɔd lé.

Ejekel 25:14

N’a dal ba̰ lə neḛ dɔ Edɔmje’g gə ji koso-dəwje lə neḛ gə́ Israɛl ndá d’a ra gə Edɔmje gə goo oŋg lə neḛ gə boo-oŋg lə neḛ, bèe ɓa d’a gər ne dalba̰ lə neḛ. Mbaidɔmbaije gə́ Njesigənea̰ ɓa pa bèe.

Misee 3:9

Ooje ta nee ɓa, Seḭ mbai dɔ ŋgaka Jakobje ləm, Seḭ njéko̰ɓeeje gə́ Israɛl ləm tɔ lé Seḭ gə́ ə̰jije néra gə́ gə dɔ najee bəḭ-bəḭ ləm, Gə arje né gə́ danasur tel to né gə́ ndɔji pɔdɔdɔ ləm tɔ.

Njé gə́ Rɔmə 12:19

Seḭ gə́ ma m’unda sí dan kəm’g lé maji kar sí tel dalje ba̰ né gə́ ra sí el nɛ ya̰je rəw arje oŋg lə Ala ya doŋgɔ doi. Mbata deḛ ndaŋg mee maktub’g pana: Dalba̰ néra lé wɔji dɔ neḛ nja, Neḛ nja ɓa n’a kar bea̰ ɔs ta loo’g. Mbaidɔmbaije lé pa bèe.

Njé gə́ Rɔmə 13:6

Yee gə́ bèe ɓa seḭ ugaje ne négədɓee gə mbəa tɔ. Mbata njéko̰ɓeeje lé loo gə́ deḛ ra kula lə dee d’aree ɔr rɔd ndá deḛ to kuraje lə Ala ya.

1 Njé gə́ Tesalonikə 4:6

Maji kar dəw kára kara unda kəm maree jibi taa ne né ləa el ləm, ar kəmee əḭ dɔ né’g lə maree gə́ rara kara el ləm tɔ, mbata Mbaidɔmbaije ɓa gə́ njedalba̰ néje neelé lai to gə́ jeḛ j’ula sí taree ndəji sí ne kédé ya.

Jujé 20:5

Ɓó lé njedalba̰ məs tuba gée ndá d’a kwa njetɔl dəw lé kulá jia’g el mbata yeḛ wa dɔ gɔl rəa kédé ɓa tɔl ne maree el ləm, yeḛ to njeba̰ ləa kédé el ləm tɔ.

Jujé 20:9

Dejee nee ɓa to ɓee-booje gə́ d’ɔr kəm dee mbata lə Israɛlje lai ləm, mbata lə dəw-dɔ-ɓeeje gə́ d’isi mbuna dee’g ləm tɔ, mba kar dəw gə́ tɔl maree to gə́ mée wɔji el lé askəm kaḭ kaw kiya rəa keneŋ, bèe ɓa njedalba̰ məs lé a tɔlee el saar yeḛ a teḛ kaar no̰ koso-dəwje’g ɓa tɔ.

1 Piɛrə 2:14

əsé deḛ to njéguburuɓeeje gə́ mbai ula dee mba kar bo̰ néra njéra majelje ɔs ta dee’g ləm, mba kar majikulaje d’uba maji néra dee ləm tɔ kara maji kila koji dɔ dee’g ya.