Njé gə́ Rɔmə 12:9 - Maktub gə́ To gə Kəmee

⁹ Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́.

Njé gə́ Rɔmə 12:9 ပူးပေါင်းရင်းမြစ်များ

Pakɔsje 101:3

M’a kar némajel kára kara to nɔm’g el, Néra njékaiyaje lé to kḛji kəm’g, Néra deeje lé m’a tibi mbɔree el.

Pakɔsje 119:104

Gə goo ndukunje ləi lé ɓa m’tel ne njegosonégər, Bèe ɓa rəw taŋgɔmje lai lé m’ə̰ji dee bəḭ-bəḭ.

Pakɔsje 119:163

Taŋgɔm lé m’ə̰ji bəḭ-bəḭ ləm, M’oo gə́ né gə́ to kḛji ləm tɔ, Nɛ godndui-i nja ɓa m’unda dan kəm’g.

Pakɔsje 34:14

Maji kari ɔg ndɔḭ dɔ ta gə́ majel’g ləm. Maji kari ɔg tai dɔ taje gə́ ka̰ su kəm loo’g lé ləm tɔ.

Pakɔsje 36:4

Taje gə́ teḛ təa’g to taŋgɔm ləm, gə ta sukəmloo ləm tɔ, Yeḛ mbad ra né gə kəmkàr ləm, gə néra gə́ maji lé ləm tɔ.

Pakɔsje 45:7

Ǝi Ala, kalimbai ləi lé to saar gə no̰, Kag-mbai gə́ ka̰ ko̰ɓee ləi lé to kag-mbai gə́ ka̰ meekarabasur lé.

Pakɔsje 55:21

Yeḛ ula jia ndiŋ Mba kunda deḛ gə́ d’isi səa lɔm kédé ləm, Ndu manrɔ ləa kara yeḛ un kəmee dɔ’g rəw ya ləm tɔ.

Pakɔsje 97:10

Seḭ gə́ undaje Njesigənea̰ dan kəm sí’g lé Ǝ̰jije né gə́ majel bəḭ-bəḭ ya. Yeḛ tɔs kəmee bao-bao dɔ majikojije’g ləa Ɔr dee ne ji njémeeyèrje’g.

Gosota-Kəmkàrje 26:25

Loo gə́ yeḛ pata gə ndia gə́ kul yururu lé Ɔm məəi dɔ’g el, Mbata néje gə́ mina̰ siri to mée’g.

Gosota-Kəmkàrje 8:13

Ɓəl Njesigənea̰ lé To gə́ kḛji néra gə́ majel bəḭ-bəḭ. Kesta gə beelé gə rəw néra gə́ majel, Gə ta gə́ pata gə́ kori-kori lé Néje neelé ma m’ə̰ji dee bəḭ-bəḭ ya.

Ejekel 33:31

Deḛ d’aw rɔi’g bula ndá koso-dəwje lə neḛ d’isi naŋg nɔḭ’g, d’oo taje gə́ ḭ tai’g nɛ deḛ ra née el mbata ta dee ɓa deḛ su ne kəm loo ləm, d’ya̰ meḛ dee yag gə́ dɔ mal néje’g gə goo rəbee el ləm tɔ.

Amɔs 5:15

Maji kar sí ə̰jije néra gə́ majel bəḭ-bəḭ, Nɛ undaje néra gə́ maji ɓa dan kəm sí’g, Maji kar sí gaŋgje rəwta gə́ gə dɔ najee tarəwkɔg’d lé ɓa, Banelə Njesigənea̰, Ala gə́ njeboo-néje lé A koo kəmtondoo lə ges ŋgaka Jisəb gə́ nai lé ɓəi.

Matiyo 26:49

Léegəneeya, yeḛ ree rɔ Jeju’g jəgm mba̰, yeḛ pana: Lapia boo, mbai!

Tagə́maji gə́ Ja̰ ndang 12:6

Yeḛ pa togə́bè mbata mée gə́ to dɔ njéndooje’g lé el nɛ mbata yeḛ to njeɓogo tɔɓəi to gə́ yeḛ ŋgəm ɓɔl-lar ndá yeḛ ɔr ta lar gə́ d’ɔm keneŋ lé gə ɓogo ɓəl-ɓəl.

Néra Njékaḭkulaje 11:23

Loo gə́ yeḛ teḛ keneŋ aa loo oo noji gə́ Ala wa sə dee lé ndá yeḛ ra rɔlel, tɔɓəi yeḛ ndəji dee bər-bər mba kar kɔm meḛ lə dee gə́ d’ɔm dɔ Mbaidɔmbaije’g lé d’a reḛ́ keneŋ rḛ́-rḛ́ ya.

2 Njé gə́ Kɔrḭtə 6:6

Néra sí riba dɔ sí ar dee d’oo sí gə́ kuraje lə Ala n’to ne dəwje gə́ àr ləm, jeḛ j’inja paw ləm, j’ila meḛ sí dɔ maree’g po̰-po̰ ləm, jeḛ n’to njémeemajije ləm, Ndilmeenda to meḛ sí’g ləm, jeḛ j’unda dəwje dan kəm sí’g ləm,

2 Njé gə́ Kɔrḭtə 8:8

Ma m’pa m’wɔji sí ne gə́ kwɔji ɓó ma m’pa gə ndukun el mba kar rɔkwɔilɔ lə sí mbata lə mar síje lé ɓa ma m’naa ne meenoji lə sí m’oo see to nojimeenda tɔgərɔ ya wa.

1 Njé gə́ Tesalonikə 2:3

Mber kila lə sí lé wɔji dɔ ta gə́ to ɓam el ləm, əsé dɔ meeyèr el ləma, əsé dɔ ta su ne kəm dəwje su-su el ləm tɔ.

1 Njé gə́ Tesalonikə 5:15

Undaje kəmkàr dɔ rɔ sí’g mba kar dəw kára kara tel ra majel gə maree godə maree’g el nɛ saŋgje rəw né gə́ maji mba ra ta-ta mbuna sí-seḭ’g ləm, gə dəwje gə́ raŋg lai ləm tɔ.

1 Njé gə́ Tesalonikə 5:21

Nɛ tenje néje lai, waje meḛ sí ndər dɔ néje gə́ maji’g.

1 Timote 1:5

Gin ndukun ləm lé to mba kar nojimeenda ḭ dɔ maree’g gə goo takə̰ji gə́ maji gə́ ḭ meḛ dee’g ləm, gə goo meekun gə́ gəd ləm tɔ.

Ǝbrəje 1:9

I lé unda meekarabasur dan kəmi’g nɛ néra gə́ yèr lé i ə̰ji bəḭ-bəḭ, Gelee gə́ nee ɓa, əi Ala, gə́ to Ala ləi lé Wa ne dɔi gə ubu gə́ ka̰ rɔlel Undai ne gə kəmee unda kuramarije.

Ǝbrəje 12:14

Saŋje rəw gə mba sije gə meelɔm mbuna dəwje’g lai ləm, saŋgje gə mba to dəwje gə́ to gə kəmee ləm tɔ. Ɓó lé seḭ raje togə́bè el ndá dəw kára kara a koo Mbaidɔmbaije el tɔ.

Maktub gə́ Jak ula ne ar ngan-Allaje 3:17

Kəmkàr gə́ ḭ dara lé njea a to dəw gə́ àr ləm, mée a kul lɔm ləm, yeḛ a kaw yururu ləm, a kɔm na̰’d gə mareeje ləm, meemaji a taa mée pəl-pəl ləma, a kinja gə ka̰dee gə́ maji gə́ raga ləm tɔ. Mée a tɔ joo el ləm, a to gə́ njehulai el ləm tɔ.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

1 Piɛrə 4:8

Ta gə́ ur dɔ taje lai lé: Undaje na̰ dan kəm na̰’d gə meenda londoŋ mbata meenoji lé ɔn dɔ kaiyaje bula.