Njé gə́ Rɔmə 12:7 - Maktub gə́ To gə Kəmee

⁷ Yeḛ gə́ Ala ɓaree gə́ njera né kar dəwje lé ndá maji karee ula rəa keneŋ mbiriri ya. Yeḛ gə́ to gə́ njendoo mareeje né ndá maji karee tuga rəa sib gə́ kédé gə́ ta néndoo’g ləa.

Njé gə́ Rɔmə 12:7 ပူးပေါင်းရင်းမြစ်များ

Pakɔsje 34:11

Ŋgan toboḭje lé Ɓó ra dee ləm, lab ɔr dee ləm tɔ, Nɛ deḛ gə́ ndolè goo Njesigənea̰ lé Némaji kára kara lal dee nda̰ el.

Pakɔsje 51:13

Maji kari ɔsm piriŋ ilam əw el ləm, Ɔr ndili gə́ meenda lé məəm’g el ləm tɔ.

Njekillamber 12:9

Njekilamber lé to gə́ njekəmkàr ɓa goo kára ba el nɛ yeḛ ndoo koso-dəwje loo gər-gin-né ləm, yeḛ tən gosotaje bula ləm, yeḛ ə̰də gel dee ləma, yeḛ unda dee gə nduree-nduree ləm tɔ.

Esai 21:8

Tɔɓəi yeḛ ra né wəl to gə́ toboḭ bèe pana: Neḛ n’aar dɔ kəi-kaar-kɔgərɔ’d Gə́ duu dɔ loo dan kàrá ləm, N’aar loo-ŋgəm-loo’g Loondul’g ləm tɔ.

Matiyo 28:19

Awje gə dɔ ɓee dɔ ɓee telje dəwje gə́ njékwakilamje, raje deeje batɛm gə ri Bɔ-dəwje ləm, gə ri Ŋgonee ləma, gə ri Ndilmeenda ləm tɔ.

Tagə́maji gə́ Ja̰ ndang 3:2

Yeḛ aw rɔ Jeju loondul’g ulá pana: Mbai, jeḛ n’gər gao i lé to gə́ dəw gə́ njendoo dəwje né gə́ ḭ rɔ Ala’g, mbata némɔrije gə́ i ra lé ɓó lé dəw gə́ Ala nai səa el ndá a kaskəm ra to gə́ i ra el.

Néra Njékaḭkulaje 13:1

Mee Eglisə gə́ Antiɔs lé njéteggintaje gə njéndoo né dəwje d’isi keneŋ, ri dee ɓa nee: Barnabas, gə Simeo̰ gə́ deḛ ɓaree Niger ləm, gə Lusius, dəw gə́ Sirèn’g ləm, gə Manahen gə́ d’odee gə Herɔdə gə́ to njeguburuɓee lé na̰’d ləma, gə Sool ləm tɔ.

Néra Njékaḭkulaje 20:20

Seḭ gərje gao ma m’lɔm sə sí dɔ né gə́ njekorè sí més loo-kula’g lé el ləm, ma m’ɓəl ndəji sí əsé ndoo sí né raga kəm dəwje’g əsé mee kəije’g el ləm tɔ.

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

Néra Njékaḭkulaje 6:1

Mee ndəa gən lé bula lə njétaamee-Kristije ḭ dɔ maree’g gə́ kédé-kédé ar Helenje d’im Ǝbrəje mbata loo gə́ deḛ kai dee nésɔ gə ndɔ dee ndɔ dee ndá d’ar meḛ dee wəi dɔ njékəisiŋgaje’g lə Helenje lé.

1 Njé gə́ Kɔrḭtə 12:28

Yee ɓa Ala unda ne gin Eglisə, ar deḛ gə́ dɔtar lé to njékaḭkulaje ləm, njékɔm dee’g jooje to njéteggintaje ləma, njékɔm dee’g mṵdaje to njḛ́gɔ-négərje ləm tɔ, njékorè goo deeje gə́ raŋg lé to njéra némɔrije ləm, gə deḛ gə́ d’iŋga nénoji mba kida ne rɔko̰ rɔ dəwje’g ləm, gə njéla gə mar deeje gə́ d’odo nékodoje gə́ wɔi dee ləm, gə deḛ gə́ d’askəm kɔr no̰ mar deeje ləma, gə deḛ gə́ gər pa takɔji dəwje gə́ ɓəd-ɓəd ləm tɔ.

1 Njé gə́ Kɔrḭtə 12:5

Kula ra dəwje to gə kəmee-kəmee, nɛ Mbai dɔ dee gə́ deḛ ra kula d’aree lé to gə́ kára ba kiao.

1 Njé gə́ Kɔrḭtə 14:26

Ŋgakɔmje, see ta ɗi tɔɓəi ɓa j’a pa wa. Loo gə́ seḭ waje dɔ na̰, ɓó lé dəw kára mbuna sí’g un pa gə mba kɔs ləm, əsé dəwje gə́ raŋg d’un ta gə mba ndoo sí ləm, əsé gə mba riba dɔ ta gə́ kəm dee inja dɔ’g ləm, əsé gə mba pa takɔji dəwje-dəwje kubu pur-pur ləma, əsé gə mba kɔr ginee kar sí ləm tɔ ndá maji kar dee ra néje lai neelé mba kar siŋga Eglisə ḭ ne dɔ maree’g ya.

Njé gə́ Galati 6:6

Maji kar yeḛ gə́ d’aw ndée Tagə́maji lé un ta némajije ləa mba kar yeḛ gə́ njendée né lé tɔ.

Njé gə́ Epesə 4:11

Yeḛ nja ɓa ar njé gə́ na̰je to gə́ njékaḭkulaje ləm, ar njé gə́ raŋg to gə́ njéteggintaje ləm, ar njé gə́ raŋg to gə́ njékilamber tagə́majije ləma, ar njé gə́ raŋg ya ɓəi to gə́ njékul dəwje gə njékɔrgootaje ləm tɔ,

Tel tura Godndu 33:10

Deḛ ndoo Jakob tornduje ləi ləm, Deḛ ndoo Israɛlje godnduije ləm tɔ, Deḛ d’ɔm né gə́ ə̰də sululu əmi’g ləm, Deḛ d’inja nékinjanéməsje gə́ ka̰ roo dɔ loo-nékinjaməs’g ləi ləm tɔ.

Njé gə́ Kolosə 4:17

Tɔɓəi ulaje Arsipə mba karee unda kəmkàr dɔ rəa’g dɔ kula gə́ d’ɔm jia’g gə ri Mbaidɔmbaije lé mba ra karee ɔr rɔd ya.

1 Timote 2:7

d’ɔrm d’undam gə́ njekilamber taree ləm, gə njekaḭkula ləma, gə njendoo njépole-magəje ta gə́ wɔji dɔ meekun gə kankəmta lé ləm tɔ. Kankəmta ɓa ma m’pa, ɓó m’pa taŋgɔm el.

1 Timote 3:2

Njekaa dɔ Eglisə lé maji karee to njegelgodo ləm, gə njedené kára ba ləma, gə njera kəmee rakaa ləm tɔ, yeḛ a to njemeendər ləm, yeḛ a kaw yururu ləm, yeḛ a kwa mbá bur-bur ləma, yeḛ a kaskəm ndoo dəwje né gə́ kəm ndoo dee ləm tɔ.

1 Timote 4:16

Unda kəmkàr dɔ rɔi’g ləm, gə dɔ ta gə́ i ndoo dee’g ləm tɔ. Ai məəi sam-sam dɔ’g mbata loo gə́ i ra togə́bè ndá i a kaji ne rɔi ləm, gə deḛ gə́ taa taree tai’g ləm tɔ.

1 Timote 5:17

Ŋgatɔgje gə́ d’ɔr no̰ Eglisə maji ra ne kula kɔrgoota ləm, gə ndoo mar deeje ləm tɔ lé maji kar dee d’iŋga riɓar gə́ ɔs dɔ maree ya.

2 Timote 2:2

Né gə́ oo tam’g no̰ dəwje gə́ njékootaje bula lé ndá ɔm taree ta diŋgamje gə́ to majikojije gə́ d’askəm ndoo mar deeje togə́bè tɔ.

2 Timote 2:24

Tɔgərɔ ya, kura lə Mbaidɔmbaije a to gə́ njḛgər ginta el, nɛ yeḛ a kwa noji gə dəwje lai ləm, a kaskəm ndoo dee né ləma, a to njemeekila ləm tɔ.

2 Timote 4:2

Ila mbər Tagə́maji lé ula ne ta meḛ dee’g loo gə́ kul’g ləm, gə loo gə́ nuŋga’g ləm tɔ, ndaŋg dee ləm, gə ndəji dee ləma, gə gɔl dee gə ndu noji ndoo dee ne ləm tɔ ɓó ya̰ gée lal ra ndɔ kára el.

1 Samel 12:23

Ma ɓa yḛ̀ m’a lal ra tamaji ta Njesigənea̰’g mbata lə sí el nà a tel to kaiya gə́ m’a kɔs ne Njesigənea̰ rəw ya. Nɛ m’a ndoo sí rəw gə́ maji ləm gə gə́ danasur lé ləm tɔ.