Njé gə́ Rɔmə 12:2 - Maktub gə́ To gə Kəmee

² Ndaji kəm dəwje gə́ d’isi dɔ naŋg nee ɓasinè el, nɛ maji kar sí tel toje dəwje gə́ sigi gə goo takə̰ji gə́ sigi gə́ to meḛ sí’g, ɓó gə mba sí kar go̰je ne né gə́ mee Ala wɔji gə́ to maji gə mba ra ləm, gə a ta kəmee ləma, gə a to maji kɔr njal ləm tɔ.

Njé gə́ Rɔmə 12:2 ပူးပေါင်းရင်းမြစ်များ

Esdras 10:11

Ɓasinè, maji kar sí tegje gin kaiya lə sí arje Njesigənea̰ gə́ to Ala lə bɔ síje-je ndá gə́ raje torndia. Undaje rɔ sí ɓad rɔ dəwje gə́ mee ɓee’g nee ləm, gə rɔ denéje gə́ to ginkoji gə́ raŋg’d ləm tɔ.

Pakɔsje 119:103

Ǝi, taje ləi lé lel tam’g jula-jula Unda ubu tə̰ji gə́ lel tam’g bèe.

Pakɔsje 119:128

Gelee gə́ nee ɓa ndukunje ləi lé M’oo gə́ né gə́ to gə goo rəbee ya, Rəw taŋgɔmje lai lé M’ə̰ji dee bəḭ-bəḭ.

Pakɔsje 119:174

Ǝi Njesigənea̰, ma lé mal kiŋga kaji ləi ram ŋgwɔd-ŋgwɔd, Godndui lé m’aree to gə́ nérɔlel ləm.

Pakɔsje 119:72

Godndui gə́ teḛ tai’g lé maji mbata ləm Unda néje tɔl-dɔg (1.000) gə́ ra dee gə larlɔr gə larnda.

Pakɔsje 119:97

Ǝi, ma lé m’unda godndui dan kəm’g dana bab! To né gə́ m’la̰ji toree məəm’g ndɔje kára-kára lai

Pakɔsje 34:8

Kura lə Njesigənea̰ gə́ dara ula ŋgalaŋ gugu ne dɔ deḛ gə́ ɓəlee, Yeḛ ɔr dee ne dan tuji’g.

Pakɔsje 51:10

Maji kari ulam ta kalrɔ gə ta rɔlel Ndá siŋgarɔmje gə́ i guru lé d’a kɔs na̰’d.

Teḛ-Raga 23:2

Seḭ a ndolèje goo koso-dəwje mba ra ne né gə́ majel sə dee na̰’d el ləm, seḭ a kɔmje ta lə sí na̰’d gə koso-dəwje loo gaŋgta’g mba tuji ne gin ta gə́ gə dɔ najee lé el ləm tɔ.

Ejekel 18:31

Kaltaje lə sí lai gə́ seḭ raje ne kaiya lé ubaje ya̰je. Maji kar meḛ sí tel to sigi ləm, kar takə̰jije lə sí tel to sigi ləm tɔ. Seḭ gel-bɔje lə Israɛl lé see gelee ban ɓa seḭ ndigi kwəije wa.

Ejekel 36:26

N’a kar sí ɓəŋgərə gə́ sigi ləm, n’a kar ndil gə́ sigi to meḛ sí’g ləm tɔ. Ɓəŋgərə sí gə́ to asəna gə mbal lé n’a kɔr meḛ sí’g ndá n’a kar sí ɓəŋgərə dəw.

Matiyo 13:22

Kandə kər gə́ oso mee kun’g lé to asəna gə dəw gə́ oo ta neelé ya nɛ tor ta gə́ wɔji dɔ naŋg nee gə takə̰ji gə́ wɔji dɔ nébaoje ɓa yeḛ la̰ji mée’g aree tuji ta neelé ɔgee ne loo teḛkɔr ŋgia̰ ne ŋgɔsɔrɔ.

Mark 4:19

nɛ tor ta gə́ dɔ naŋg nee ɓa deḛ la̰ji ləm, tor nébaoje gə́ dɔ naŋg nee ɓa deḛ la̰ji ləma, mal néje gə́ ɓəd-ɓəd ɓa wa meḛ dee ləm tɔ ndá d’ula ne sul dɔ ta’g neelé d’ɔgee ne loo teḛkɔr, ŋgina ne ŋgɔsɔrɔ.

Tagə́maji gə́ Ja̰ ndang 14:30

M’a koo loo kula sí ta yaa̰ el ŋga, mbata mbai gə́ naŋg neelé si aw gə́ nee. Nɛ yeḛ askəm ra səm né kára el.

Tagə́maji gə́ Ja̰ ndang 15:19

Ɓó lé seḭ toje gə́ naŋg nee ndá naŋg neelé né kea̰ ɓa a ndigi ya, nɛ seḭ toje gə́ naŋg nee el mbata ma nja ma m’kɔd sí mbuna njé gə́ naŋg nee’g, yee ɓa njé gə́ naŋg nee d’wa sí gə meḛ dee gə mbəa.

Tagə́maji gə́ Ja̰ ndang 17:14

Ma m’un ta ləi m’ar dee, ndá njé gə́ dɔ naŋg nee d’wa dee gə meḛ dee mbata deḛ to gə́ ka̰ naŋg nee el, to gə́ ma kara m’to gə́ naŋg nee el lé tɔ.

Tagə́maji gə́ Ja̰ ndang 7:7

Njé gə́ dɔ naŋg nee d’ə̰ji sí bəḭ-bəḭ el, nɛ ma lé deḛ d’ə̰jim mbata ma lé m’to gə́ njekɔrgoo néra gə́ majel lə dee gə́ deḛ ra lé gə́ raga.

Njé gə́ Rɔmə 12:1

Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya.

Njé gə́ Rɔmə 13:14

Nɛ Mbaidɔmbaije Jeju Kristi ɓa ulaje rɔ sí’g. Tɔsje kəm sí dɔ darɔ sí’g bao-bao mba kar mal néje gə́ ɓəd-ɓəd gə́ ra sí lé ula sí na̰’d el.

Njé gə́ Rɔmə 7:12

Togə́bè ɓa godndu lé to né gə́ to gə kəmee ləm, ta godnduje lé kara to né gə́ to gə kəmee gə to gə dɔ najee gə to maji ɔr njoroŋ ləm tɔ.

Njé gə́ Rɔmə 7:14

Jeḛ n’gər gao, godndu lé to né gə́ ka̰ ndil ya. Nɛ ma nja m’to né gə́ ka̰ darɔ gə́ taam ilam gə́ ɓər gin kaiya’g.

Njé gə́ Rɔmə 7:22

Mbata məəm gə́ kəi lé m’ra rɔlel dɔ godndu Ala’g ya

1 Njé gə́ Kɔrḭtə 3:19

Mbata kəmkàr gə́ dɔ naŋg nee to gə́ némbə kəm Ala’g lé to gə́ ndaŋg taree mee maktub’g pana: Yeḛ wa ta njékəmkàrje dɔ goso’g lə dee.

2 Njé gə́ Kɔrḭtə 4:4

Deḛ gə́ meḛ dee ndər dɔ kɔs Ala rəw’g lé njetaa loo-kɔg gə́ dɔ naŋg nee ɓasinè lé yeḛ nja tɔ kəm dee wə-wə nà Tagə́maji gə́ wɔji dɔ rɔnduba lə Kristi gə́ njekɔr rɔ Ala pai-pai lé a ndogó no̰ dee’g.

2 Njé gə́ Kɔrḭtə 5:17

Ɓó lé dəw ɔm na̰’d gə Kristi ndá yeḛ to dəw-kunda lə Ala gə́ sigi ya. Ɓuga néje gə́ ləw lé sané kad mba̰, aa ooje, néje lai tel to néje gə́ sigi ya.

Njé gə́ Galati 1:4

Yeḛ nja ya̰ rəa ar yoo mbata kaiya lə sí, mba kwa sí wɔgədɔ kɔr sí dan néra gə́ majel gə́ dɔ naŋg nee mee ləb gə́ ɓasinè’g to gə́ mee Ala Bɔ síjeḛ wɔji lé tɔ.

Njé gə́ Epesə 1:18

Ma m’kwɔiyee mba kar kəmkàr gə́ àr raŋg-raŋg to ne meḛ sí mba kar sí gərje ne némeekundayel gə́ wɔji dɔ ɓar gə́ yeḛ ɓar sí ne ləm, gə boo-ronduba lə nédɔji gə́ yeḛ unda gə kəmee mbata lə deḛ gə́ to gə kəmee ləma,

Njé gə́ Epesə 2:2

gə́ seḭ ya̰je rɔ sí keneŋ yag kédé loo gə́ seḭ taaje kila gɔl dəwje gə́ dɔ naŋg nee, ndolèje ne goo mbai gə́ njeko̰ɓee gə́ pən dara gə́ to ndil gə́ ra kula ɓasinè meḛ njékaltaje’g lé ləm tɔ.

Njé gə́ Epesə 5:17

Gelee gə́ nee ɓa maji kar kəmkàr lal sí el, nɛ né gə́ mee Mbaidɔmbaije ndigi lé maji kar sí gərje rəbee.

Njé gə́ Kolosə 1:9

Gelee nee ɓa, jeḛ kara un kudee mee ndəa gə́ taree oso mbi sí’g lé jeḛ n’lal ra tamaji ta Ala’g lé mbata lə sí el. Jeḛ n’kwɔiee mba kar sí gərje né gə́ mée ɓa wɔji lé kɔrje ne suna njal gə goo kəmkàr gə gosonégər gə́ ka̰ ndil gə́ rusu meḛ sí njḭ-njḭ lé.

Njé gə́ Kolosə 3:10

ndá dəw gə́ sigi ɓa seḭ ulaje rɔ sí’g ya. Dəw gə́ sigi lé négər ləa ḭ mbaḭ-mbaḭ gə́ kédé-kédé aree tel to tana gə njekṵdá.

Njé gə́ Kolosə 4:12

Epapras, ŋgoko̰ sí gə́ kojikəi lé ra sí lapia tɔ. Yeḛ to kura lə Jeju Kristi gə́ rɔ gə tamaji-ra ləa ta-ta mbata lə sí ɓó əw rəa el mba kar sí telje ne dəwje gə́ maji ɔrje njoroŋ ləm, gə mba kar sí aarje dɔ gɔl sí’g njaŋg mba ra ne torndu Ala karee ɔr rɔd ləm tɔ.

1 Njé gə́ Tesalonikə 4:3

Né gə́ mee Ala ndigi lé to mba kar sí toje dəwje gə́ meḛ sí àr ŋgad-ŋgad ləm, to mba kar sí ɔgje rɔ sí dɔ mɔdkaiya’g ləm tɔ,

Titə 3:5

ndá yeḛ aji sí ya, meekɔrjol ləa lé gə batɛm gə́ yeḛ sugu sí ne ɓa yeḛ oji sí ne sigi gə goo siŋgamoŋ lə Ndilmeenda

Maktub gə́ Jak ula ne ar ngan-Allaje 1:27

Tədkag Ala gə́ to kankəm né gə́ taa kəm Ala Ɓɔsíje lé yee ɓa nee: Aw la gə ŋganalje gə njékəisiŋgaje dan némeeko̰’g lə dee ləm, ar majel gə́ dɔ naŋg nee tibi mbɔri el ləm tɔ.

Maktub gə́ Jak ula ne ar ngan-Allaje 4:4

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.

1 Piɛrə 1:14

Raje to gə́ ŋganje gə́ njékilakojije ɓó arje mal néje gə́ ra sí kédé loo gə́ seḭ naije ne dan mbə’g lé areeje ra sí el ŋga.

1 Piɛrə 1:18

Mbata seḭ gərje gao, néje gə́ a gə tuji asəna gə larnda əsé larlɔr, yee ɓa gə́ né gə́ uga sí ne ɔr sí ne dan néra gə́ gə mḭdé ba gə́ ka síje d’ya̰ sí keneŋ lé el.

1 Piɛrə 2:3

mbata seḭ naaje meemaji lə Mbaidɔmbaije, ooje majee mba̰ ya.

1 Piɛrə 4:2

gə mba kar loo gə́ yeḛ nai ne gə kəmee ɓəi lé yeḛ a si kəmba mba ra ne né gə́ mee Ala wɔji ɓó gə mba tɔl ne mal néje gə́ ra dəwje gə́ dɔ naŋg nee el.

2 Piɛrə 1:4

Tɔɓəi ndukunje ləa gə́ to né ŋgonkəm sí ləm, gə maji dum ləm tɔ uru meḛ sí’g njɔd, yee ɓa seḭ aḭje néje gə́ mina̰ gə́ dɔ naŋg gə́ malee ra sí ləm, seḭ taaje ne mee Ala ləm tɔ.

2 Piɛrə 2:20

Tɔgərɔ ya, deḛ gə́ gər Mbaidɔmbaije lə sí Jeju Kristi, yeḛ gə́ Njekaji sí ɓa d’ḭ ne dan néje gə́ mina̰ gə́ dɔ naŋg nee d’unda ne loo teḛ lé ɓó lé deḛ tel d’unda rɔ dee keneŋ d’aree dum dee tɔɓəi ndá tel dɔ néra dee gə́ gogo lé a ree majel dɔ dee’g unda nje gə́ kédé ŋga.

1 Ja̰ 3:13

Ŋgakɔmje, ɓó lé njé gə́ naŋg nee d’wa sí gə meḛ dee kara arje kaar sí ndəb ne el.

1 Ja̰ 5:19

Jeḛ n’gər gao, jeḛ lé n’to gə́ ka̰ Ala ləm, loo gə́ naŋg nee bura nai gel siŋgamoŋ lə njetakori’g ləm tɔ.

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.

Loo gə́ killa rea kəm Ja̰’g 13:8

Dəwje lai gə́ d’isi dɔ naŋg nee lé deḛ gə́ ri dee godo mee maktub kəmə’g lə Ŋgonbad gə́ d’inja gə́ məs un kudee mee ndəa gə́ Ala tum ne gin naŋg nee lé ndá d’a kwá meḛ dee’g sud.